1 थिस्सलुनीकियों 4:6 - चम्बयाली नौआ नियम

⁶ कि तुसा अपणे विश्वासी भाई रे खिलाफ पाप मत करदे, ते ना जो बुरी चाल चले किजोकी प्रभु यीशु ने इदेय कम्म करणे वालेयां जो सजा दैणी, जिन्हा रे बारे बिच असा तुसा जो पहले ही खबरदार कित्तेया है।

1 थिस्सलुनीकियों 4:6 ပူးပေါင်းရင်းမြစ်များ

मरकुस 10:19

तू हुकमां जो तां जाणदा ही: ‘खून नी करणा, व्यभिचार नी करणा, चोरी नी करणी, झूठ्ठी गवाई नी दैणी, धोखा नी दैणा, अपणे मां-प्यो रा आदर करणा।’

लूका 12:5

मैं तुसा जो पक्की गल्ल दसी दिन्दा कि कुसका डरणा चाएदा? परमेश्वर का डरो जे तुसा जो मारणे रे बाद नरक बिच पाणे रा हक्क रखदा हाँ, मैं बोलदा, वस परमेश्वर का ही डरो

लूका 16:28

किजोकी, दुनिया पर मेरे पंज भ्याल होर भी हिन, ए तिन्हा का जाई करी जे किच्‍छ भी मेरे कन्ने होया करदा है, तिन्हा जो दस्सी सको ताकि जिस बेल्ले से मरण तां तिन्हा जो नरक अन्दर नी आणा पेयो

रोमियों 1:18

परमेश्वर स्वर्ग का अपणा गुस्सा तिन्हा लोक्कां पर दिखांदे, जे अपणी सारी दुष्टता ते अधार्मिक रे कम्मां कने परमेश्वर री सच्चाई जो नक्कारी दिंदे।

रोमियों 12:19

ओ प्यारे लोक्कों, अप्पु कदी बदला मत लिन्दे, पर परमेश्वर जो तुसा तांइ बदला लैणे देयो, किजोकी पवित्रशास्त्र बिच परमेश्वर ने बोल्ले रा है, “बदला लैणा मेरा कम्म है; मैं ही बदला लैणा।”

रोमियों 13:4

किजोकी अधिकारी मणू तुसा री मदद करणे तांइ परमेश्वर रे दास हिन, पर जे अगर तू गलत कम्म करे, तां तिन्हा का डरो। किजोकी से परमेश्वर रे दास हिन ते तिन्हा का परमेश्वर रे पास्से का तिन्हा लोक्कां पर सजा रे हुकम सुनाणे रा हक है, जे गलत कम्म करदे।

2 कुरुन्थियों 7:11

ध्यान देयो कि परमेश्वर रे पास्से का मिल्ले रे दुख कने तुसा किन्ने गुणवान बणी गेरे हिन: तुसा बिच किन्नी जादा लगन, अपणी सफाई दैणे तांइ तुसा री उत्सुकता, नाइन्साफी रे खिलाफ तुसा रा गुस्सा, कुसकी खतरे तांइ तुसा रा चुकन्नापन, मेरे कने मिलणे तांइ तुसा री चाह्‍त, सेवा करणे तांइ तुसा रा लगाव, ते गलत कम्म करणे वाले जो सजा दैणे बिच तुसा री फुर्ती। इन्हा सारी चीजां कने तुसा ने ए साबित करी दित्तेया हर इक्क चीज ठीक तरिक्के कने करणे बिच तुसा ने कोई कसर नी छड्डी।

गलातियों 5:21

जलन, मतवाले होई जाणा, लीला-क्रीड़ा अते इन्हा सांई होर-होर कम्म हिन, इन्हेरे बारे अन्दर मैं तुसा कने पैल्ले का ही जताई दिन्दा, जिय्यां कि पैल्ले भी जताई चुके रा है कि इदेय-इदेय कम्म करणे वाले मणू परमेश्वर रे राज रे वारिस नी बणी सकदे।

इफिसियों 4:17

इधेरे तांइ मैं परमेश्वर का मिल्ले रे अधिकार कने ए बोलदा कि जिय्यां परमेश्वर बिच विश्वास ना करणे वाले मणू बेकार गल्लां बिच जिन्दगी जिन्दे, तुसा अज्ज का बाद तिय्यां मत जिन्दे।

इफिसियों 4:28

चोरी करणे वाला फिरी चोरी ना करो, पर नेक कम्म करणे तांइ मैहनत करेया करे, ताकि जिस जो जरुरत हो तिसेरी मदद करी सके।

इफिसियों 5:6

इधेरे तांइ इदेय लोक्कां का धोख्खा मत खांदे जे इन्हा पाप्पां जो करणे तांइ बहान्ने बणांदे किजोकी इन्हा ही कम्मां री वजह कने परमेश्वर रा गुस्सा तिन्हेरे हुकमां री ना-फरमानी करणे वालेयां पर भड़कदा।

1 थिस्सलुनीकियों 2:11

तुसा जाणदे की जिय्यां पिता अपणे बच्चेयां कने बर्ताव करदा तिय्यां ही असी भी तुसा बिच हर इक्क जो सिखांदे, हिम्मत दिदें, ते समझादें थिये,

2 थिस्सलुनीकियों 1:8

अते जे मणू परमेश्वर जो नक्कारदे ते जे असा रे प्रभु यीशु रे सुब बसेख जो नी मनदे तिन्हा जो सजा दित्ती जाणी

इब्रानियों 13:4

ब्याह जो आदर देयो, ते ब्यात्ते रे आदमी ते औरत जो अप्पु अदंर इक्क-दूए री इज्जत करणा चाएदी, ते तिन्हा जो इक्क-दूए कने भरोसेमंद रैह्णा चाएदा। किजोकी व्यभिचारी ते चरित्रहीन लोक्कां पर परमेश्वर ने इल्जाम लाणा।

इब्रानियों 2:6

पवित्रशास्त्र बिच इक्क जगाह् पर इय्यां गवाई दित्ती गे री है, “मणू कै है कि तुसा तिन्हा जो याद करो, ते तिन्हेरी फिकर करो? या मणू कै है कि तू तिन्हेरी परवाह करे?”

याकूब 2:6

पर तुसा कगांल मणू री बेज्जती कित्ती। अमीर मणू ही तुसा पर जुल्म नी करदे, ते से ही तुसा जो कचहरियां अदंर धृड़ी-धृड़ी करी नी लेई जादें।

याकूब 5:4

दिख्खो, जिन्हा मजदूरां ने तुसा रे खेत्तर कट्टे रे हिन, ते तिन्हेरी मजदूरी जे तुसा धोखा देई करी रख्खी लित्ती, से मजदूर ते बाड्डी करणे वाले तुसा रे खिलाफ परमेश्वर का लेरां मारी करी रोया करदे हिन ते तिन्हेरी बिनती सेना रे प्रभु ने सुणी लित्ते री है।