1 थिस्सलुनीकियों 4:5 - चम्बयाली नौआ नियम

⁵ ते तुसा अन्यजाती लोक्कां सांई वासना बिच पेई करी जिन्दगी मत जियो जे परमेश्वर जो नी जाणदे।

1 थिस्सलुनीकियों 4:5 ပူးပေါင်းရင်းမြစ်များ

मत्ती 6:32

किजोकी गैर यहूदी इन्हा सबणी चीजां रे पीच्छे लगे रैहन्दे, पर फिकर मत करो किजोकी तुसा रे पिता परमेश्वर जे स्वर्ग बिच हिन, तिन्हा जो पता है कि तुसा जो इन्हा सबणी चीजां री जरुरत है,

लूका 12:30

किजोकी दुनिया रे सब मणू इन्हा चीजां रे पीच्छे नह्स्सेया करदे हिन: पर परमेश्वर जो पता है कि तुसा जो भी इन्हा सबणी चीजां री जरुरत है

प्रेरितां रे कम्म 17:23

किजोकी घूमदे-फिरदे तुसा री भक्ति वाली चीजां जो दिख्खेया करदा थिया, तां इक्क वेदी दिख्खी जिस पर लिख्खे रा थिया, कि अनजाणे परमेश्वर तांइ तां तुसा जिस जो बिना जाणे अराधना करदे, पर मैं तुसा जो तिसेरा सुब बसेख सूणान्दा

रोमियों 1:24

इस तरिक्के कने परमेश्वर ने तिन्हा जो तिन्हेरे मन री गलत इच्छा रे मुताबक अपणे सरीर कने गलत कम्म करणे ते व्यभिचार रे कम्म करणे तांइ छड्डी दित्तेया, कि से मणू तिन्हा कम्मां जो करणे कने आपस बिच अपणे शरीरां रा अनादर करण।

रोमियों 1:26

इस तांइ परमेश्वर ने तिन्हा जो अपणे गंदे कम्म करणे री इच्छा पर छड्डी दित्तेया, इत्ते तिकर की जनानियां ने आदमियां कने अपणे कुदरती रिश्ते जो छड्डी करी दूज्जी जनानियां कने शारीरिक सम्बध बणाया।

रोमियों 1:28

जां तिन्हा ने सोच्चेया कि परमेश्वर जो जाणना तिन्हा तांइ बेवकूफी री गल्ल है, तां परमेश्वर ने भी तिन्हा जो गलत कम्म करणे तांइ तिन्हेरे निकम्मे मन पर छड्डी दित्तेया।

1 कुरुन्थियों 1:21

जां परमेश्वर ने अपणे ज्ञान कने ए समजी लेया कि दुनिया ने तिन्हा जो कदी अपणी इन्सानी समझ कने नी दिख्खी सकणा, तां तिन्हा ने असा रे सुब बसेख रे प्रचार जो इस्तेमाल कित्तेया ताकि विश्वास करणे वाले मणूआं जो बचाए जिस जो कई मणू बेवकूफी समजदे।

1 कुरुन्थियों 15:34

तुसा जो पाप करणा छड्डी करी वापिस धार्मिकता रे कम्म करणा चाएदे। किजोकी तुसा बिच किच्‍छ लोक्कां रा परमेश्वर कने गहरा रिस्ता नी है। ए गल्ल मैं तुसा जो शर्मिंदा करणे तांइ ए बोलदा।

गलातियों 4:8

पैल्ले जां असी परमेश्वर जो नी जाणदे थिये तां तुसा तिन्हा जो ईश्वर मन्नी करी चलेया करदे थिये जे हकीकत बिच ईश्वर हिन ही नी।

इफिसियों 2:12

तिस बेल्ले तुसा मसीह रे बारे बिच नी जाणदे थिये ते तुसा परमेश्वर रे चुणे रे मणूआं बिच का नी थिये ते तुसा परमेश्वर री तिन्हेरे लोक्कां कने कित्ते रे वादे रे हिस्सेदार भी नी थिये। तुसा इस दुनिया बिच परमेश्वर का दुर बगैर कुसकी आस रे जिया करदे थिये।

कुलुस्सियों 3:5

इधेरे तांइ तुसा अप्पु जो अपणे पुराणे पापी स्वभाव रे काबू बिच मत पैणा देयो। मतलब कि, व्यभिचार, भिठ्ठे काम्म, बुरी तमन्‍ना, ते लालच जे मूर्ति पूजा करणे रे बराबर है।

2 थिस्सलुनीकियों 1:8

अते जे मणू परमेश्वर जो नक्कारदे ते जे असा रे प्रभु यीशु रे सुब बसेख जो नी मनदे तिन्हा जो सजा दित्ती जाणी

1 पतरस 4:3

किजोकी तुसा ने अपणे पैल्ले री जिन्दगी जो तिन्हा कम्मां बिच गुजारी दित्ती जिन्हा जो करणे बिच अविश्वासी मणू बड़े खुस रैह्‍न्दे। तुसा री जिन्दगी व्यभिचार ते अश्लीलता, ते अविश्वासी लोक्कां री धाम ते सराब पी करी मतवाल्ले होणे, रंगरेलियां मनाणे, ते तिन्हेरी मूर्तां री पूजा करणे बिच बीत्ती जिन्हा का परमेश्वर नफरत करदे।