1 थिस्सलुनीकियों 4:4 - चम्बयाली नौआ नियम

⁴ तां तुसा बिच का हर इक्क जणे ने अपणे सरीर जो काबू बिच रखणा ते पवित्रता ते आदर कने जीणा।

1 थिस्सलुनीकियों 4:4 ပူးပေါင်းရင်းမြစ်များ

प्रेरितां रे कम्म 9:15

पर प्रभु ने तिस बोल्लेया, जा, किजोकी शाऊल तां जो मैं चुणी लित्ते रा है कि से गैर यहूदियां, राज्जेयां अते इस्राएल रे लोक्कां बिच मेरा प्रचार करे।

रोमियों 1:24

इस तरिक्के कने परमेश्वर ने तिन्हा जो तिन्हेरे मन री गलत इच्छा रे मुताबक अपणे सरीर कने गलत कम्म करणे ते व्यभिचार रे कम्म करणे तांइ छड्डी दित्तेया, कि से मणू तिन्हा कम्मां जो करणे कने आपस बिच अपणे शरीरां रा अनादर करण।

रोमियों 12:1

इधेरे तांइ ओ संगी विश्वासियों, मैं तुसा जो परमेश्वर रे दया जो याद दुआई करी तुसा का छन्दे करदा, कि अप्पु जो जिन्दा, ते पवित्र अते परमेश्वर जो भाणे वाले कुर्बानी रे रुप बिच चढ़ाओ। परमेश्वर री सेवा करणे रा ए ही सही तरिक्का है।

रोमियों 6:19

तुसा री आत्मिक गल्लां जो समजणे री कमी री वजह कने मैं आमतौर री जिन्दगी बिच का ए उदारण देया करदा है, कि जिय्यां तुसा अपणे जिस्म रे हिस्सेयां जो गलत ते अधार्मिक कम्म करणे तांइ गुलाम्मां सांई सौंप्पि दित्तेया थिया, तिय्यां ही अवे अप्पु जो धार्मिकता रे कम्म करणे तांइ सौंप्पि देयो, ताकि तुसा पवित्र जिन्दगी जी सको।

1 कुरुन्थियों 6:15

तुसा जो पता ही है कि तुसा रे सरीर मसीह यीशु रे अंग हिन। मैं मसीह यीशु रे अंग जो लेई करी तिन्हा जो वेश्या रे अंग नी बणाई सकदा। इय्यां कदी भी नी होई सकदा।

1 कुरुन्थियों 7:2

हाँ, ए खरा है पर मणू बड़ी असानी कने व्यभिचारी कम्म करणे रे बहकावे बिच आई जांदे, इधेरे तांइ हर इक्क मर्द री लाड़ी होणा चाएदी ते हर इक्क कुड़ी रा भी लाड़ा होणा चाएदा।

1 कुरुन्थियों 7:9

पर जिन्हा लोक्कां तांइ संयम रखणा मुस्किल है, से मणू ब्याह करी लैण, किजोकी व्यभिचार करणे का खरा ब्याह करणा है।

2 कुरुन्थियों 4:7

असी मिट्टी रे भांडेया सांई हिन जिन्हा बिच इस धन्न जो जमा करी के रख्खेया गे रा है, किजोकी ए असीम ताकत असा रे पास्से का नी पर परमेश्वर रे पास्से का है।

फिलिप्पियों 4:8

इस तांइ ओ संगी विश्वासियों, जे गल्लां सच हिन, ते जे गल्लां आदरणीय हिन, ते जे गल्लां सही हिन ते जे गल्लां पवित्र हिन ते, जे गल्लां सोह्णि हिन, ते जे गल्लां दिलां जो भाणे वाली हिन, ते आखिरकार जे ठीक गुण ते तारिफ रे जोग्गे हिन, तिन्हा पर ध्यान लाया करो।

इब्रानियों 13:4

ब्याह जो आदर देयो, ते ब्यात्ते रे आदमी ते औरत जो अप्पु अदंर इक्क-दूए री इज्जत करणा चाएदी, ते तिन्हा जो इक्क-दूए कने भरोसेमंद रैह्णा चाएदा। किजोकी व्यभिचारी ते चरित्रहीन लोक्कां पर परमेश्वर ने इल्जाम लाणा।

1 पतरस 3:7

तिय्यां ही ओ लाड़ेयों, अपणी लाड़ियां कने बड़ी नरमीयत कने रेयो, तुसा जो ए गल्ल याद रखणी चाएदी कि से तुसा का कमजोर हिन, इधेरे तांइ तुसा जो तिन्हेरी इज्जत करणा चाएदी, किजोकी तुसा दोन्नों तिस वरदान बिच हिस्सेदार हिन जे परमेश्वर ने तुसा जो बड़े अनुग्रह कने दित्ते रा है, जे कि हमेसा री जिन्दगी है। इय्यां ही करेया करो किजोकी जां तुसा प्रार्थना करेया करो तां से तुसा जो सुणे।