1 थिस्सलुनीकियों 4:13 - चम्बयाली नौआ नियम

¹³ ओ संगी विश्वासियों, असी ए चाह्‍ंदे कि तुसा इस गल्ल जो समझो कि जे विश्वासी भाई अवे मरी चुके रे हिन तिन्हा कने कै होणा। तुसा अविश्वासी लोक्कां सांई मत बणो। से तिन्हेरे मरणे पर बड़ा जादा मातम करदे किजोकी तिन्हेरे फिरी जिन्दे होणे री आस नी करदे।

1 थिस्सलुनीकियों 4:13 ပူးပေါင်းရင်းမြစ်များ

मत्ती 27:52

ते कब्रां खुली गेई, ते मरे रे परमेश्वर रे मते सारे मणू फिरी जिन्दा होई गे।

यूहन्ना 11:24

मार्था ने तिसजो बोल्लेया, मैं जाणदी कि हिसाब कताब होणे रे दिन पर फिरी जिन्दे होणे रे बेल्ले तिनिये फिरी जिन्दें होई जाणा जां सारे लोक्कां ने भी जिन्दे होई जाणा।

प्रेरितां रे कम्म 13:36

किजोकी दाऊद तां परमेश्वर री मर्जी रे हिसाब कने अपणे बेल्ले बिच सेवा करी के मरी गेया, ते अपणे पूरखां कने जाई मिल्लेया ते सड़ी भी गेया।

प्रेरितां रे कम्म 7:60

फिरी गोड्डे भारे बेई करी बड़ी अवाज कने बोल्लेया, ओ प्रभु, ए पाप इन्हा पर मत ला ते ए बोल्ली करी से मरी गेया शाऊल तिसेरे मारे जाणे बिच सहमत थिया।

प्रेरितां रे कम्म 8:2

ते किच्‍छ भक्तां ने स्तिफनुस जो कब्र बिच रख्खेया: ते तिसेरे तांइ अफसोस कित्तेया।

रोमियों 1:13

ओ संगी विश्वासियों, मैं चाह्‍ंदा कि तुसा इस गल्ल जो जाणो, कि मैं मती वरी तुसा का आणा चाएया, कि जिय्यां मैं गैर यहूदी लोक्कां जो आत्मिक रीति कने बद्दणे बिच मदद कित्ती, तिय्यां ही तुसा जो आत्मिक रीति कने बद्दणे बिच मदद करां, पर हल्ले तांइ मैं रुके रेया।

1 कुरुन्थियों 10:1

ओ संगी विश्वासियों, मैं तुसा जो याद दुआणा चाह्‍ंदा कि बियाबान बिच असा रे सारे पूरखां ने इक्क बद्दल रे खम्भे रे हेठ सुरक्षा पाई थी, ते से सारे जणे समुन्दर रे बिच का सुके पैर पार होई गे थिये।

1 कुरुन्थियों 12:1

ओ संगी विश्वासियों, तुसा रे आत्मिक खुबियां रे बारे सवाल रे बारे बिच मैं चाह्‍ंदा की तुसा ध्यान कने समझो।

1 कुरुन्थियों 15:6

फिरी से पांज्ज सौ का भी जादा प्रेरितां जो भी कठ्ठे ही दिस्से, जिन्हा बिच का मते जणे हल्ले तिकर जिन्दे हिन, पर किच्‍छ मरी भी गे।

2 कुरुन्थियों 1:8

ओ मेरे संगी विश्वासियों, असी ए चांह्दे कि तुसा तिन्हा जुल्मां रे बारे बिच जाणो, जे असा जो एशिया प्रदेश बिच झेलणा पे, तित्ते असी असा री सैह्‍णे री ताकत का केई जादा तकलीफ बिच फसी गे थिये, इत्ते तक कि असा रे जिन्दे बचणे री भी कोई उम्मीद नी बची थी।

इफिसियों 2:12

तिस बेल्ले तुसा मसीह रे बारे बिच नी जाणदे थिये ते तुसा परमेश्वर रे चुणे रे मणूआं बिच का नी थिये ते तुसा परमेश्वर री तिन्हेरे लोक्कां कने कित्ते रे वादे रे हिस्सेदार भी नी थिये। तुसा इस दुनिया बिच परमेश्वर का दुर बगैर कुसकी आस रे जिया करदे थिये।

इफिसियों 2:3

असी भी तिन्हा लोक्कां सांई जिन्दगी जिंदे थिये जे अपणे सरीर री बुरी इच्छां जो पूरा करेया करदे ते बाकि मणू कुदरती तौर पर बुरे मणू थिये ते परमेश्वर रे गुस्से रे हिस्सेदार थिये।

1 थिस्सलुनीकियों 4:14

किजोकी असी विश्वासी जाणदे कि ए गल्ल सच है कि यीशु मरे ते फिरी जिन्दे होई गे तिय्यां ही परमेश्वर ने तिन्हा विश्वासी जो भी फिरी जिन्दा करणा जे मरी गेरे हिन ते तिन्हा जो यीशु कने वापिस हटाई लाणा।

1 थिस्सलुनीकियों 4:15

किजोकी असी तुसा जो प्रभु यीशु रे वचन रे हिसाब कने दस्सेया करदे हिन कि जां मसीह यीशु ने हटणा तां असा जिन्दे लोक्कां का पैल्ले मुर्देयां बिच का जिन्दे कित्ते गेरे लोक्कां ने मसीह यीशु कने मिलणा।

1 थिस्सलुनीकियों 5:10

प्रभु यीशु मसीह असा तांइ इधेरे तांइ मरे ताकि भले ही असी जिन्दे होण या मरी गेरे होण पर जां यीशु मसीह हटी करी आए तां असी तिन्हा कने मिली करी जीण।

1 थिस्सलुनीकियों 5:6

इधेरे तांइ असी दूज्जेयां सांई प्रभु रे आणे रे समय तांइ सोन्दे ते बगैर तयारी रे ना रैह्ण, पर जागदे होए ते चुकन्ने रैह्ण।

2 पतरस 3:4

अते तिन्हा लोक्कां ने बोलणा, तिनिये वापिस हटणे रा वादा कित्तेया थिया, पर तिनिये झूठ बोल्लेया थिया। सुरुआत बिच जे मणू असा रे मुखिया थिये, से सारे अवे मरी गेरे हिन, पर हल्ले तिकर किच्‍छ भी नी बदलेया। हर चीज तिय्यां ही होया करदी है जिय्यां तिस बेल्ले हुंदी थी जां परमेश्वर ने दुनिया जो बणाया थिया।

2 पतरस 3:8

पर प्यारे दोस्तों, जे गल्ल मैं अवे तुसा जो दसणे वाला ओ तिसजो नजरंदाज मत करदे, परमेश्वर इक्क दिन थोड़े समय रे तौर पर ते हजार साल्लां जो लम्बे समय रे तौर नी दिखदे। से दोन्नां जो इक्क ही रुप बिच दिखदे।