1 थिस्सलुनीकियों 4:1 - चम्बयाली नौआ नियम

¹ आखिरकार, संगी विश्वासियों, असी तुसा जो मसीह यीशु बिच जोर पाई करी समझांदे कि इदेइ जिन्दगी जियो जिस कने परमेश्वर खुस हो, जिय्यां तुसा जिया भी करदे हिन ते असी तुसा होर बदिया जिन्दगी जीणे तांइ उत्साहित करदे।

1 थिस्सलुनीकियों 4:1 ပူးပေါင်းရင်းမြစ်များ

यूहन्ना 15:2

हर इक्क डाली जे मेरे बिच है ते जिस बिच फल्ल नी लगदा, से तिसजो बड्डी दिन्दे, अते मेरी हर इक्क डाली जो जे फलदी, से तिसजो छांटदे हिन ताकि होर जादा फल्ल लगन।

प्रेरितां रे कम्म 20:27

किजोकी मैं तुसा जो परमेश्वर री से सारी गल्लां दसणे का नी झिझकेया जे से तुसा जो दसणा चाह्‍ंदे।

रोमियों 8:8

अते जे पाप रे स्वभाव रे काबू बिच हिन, से परमेश्वर जो खुस नी करी सकदे।

1 कुरुन्थियों 11:23

किजोकी जे शिक्षा मैं तुसा जो दिंदा से ओ ही शिक्षा है जे मेरे जो प्रभु का मिल्ले री है कि प्रभु यीशु जो जिस रात्ती पकड़वाया गेया, तिस रात तिन्हा ने रोट्टी लित्ती

1 कुरुन्थियों 15:1

ओ संगी विश्वासियों, अवे मैं तुसा जो तिस ही सुब बसेख रा चेत्ता दुआंदा जे मैं पैल्ले सूणाई चुके रा है, जिस पर तुसा ने विश्वास भी कित्तेया थिया ते जिस बिच तुसा मजबूत भी हिन।

1 कुरुन्थियों 15:58

इधेरे तांइ ओ मेरे प्यारे संगी विश्वासियों, विश्वास बिच मजबूत बणे रेयो ते गलत शिक्षां री वजह कने मत भटकदे, ते प्रभु रे कम्मां बिच हमेसा बदधे रेयो, किजोकी जे मैहनत तुसा प्रभु तांइ करदे से कदी बेकार नी जांदी।

2 कुरुन्थियों 10:1

मैं पौलुस, तुसा का मसीह यीशु री दयालुता ते निमतेपन कने बिनती करदा, हालांकि मेरे जो इस गल्ल रा एहसास है कि तुसा लोक्कां जो ए लगदा कि मैं आमणे-सामणे गल्ल करणे बिच डरपोक है, ते सिर्फ चीठ्ठी लिख्खी करी गल्लां समझाणे बिच बड़ी हिम्मत रखदा।

2 कुरुन्थियों 13:11

ओ मेरे संगी विश्वासियों, खुस रेयो; ते मसीह बिच विश्वास करणे बिच सिद्व बणदे जाओ; अप्पु-मिते इक्क मन बणी करी रेयो, ते प्यार ते सांती दैणे वाले परमेश्वर तुसा कने रैह्णा।

2 कुरुन्थियों 5:9

इस तांइ असा रे मन री खुसी ए है कि चाए असी तिन्हा कन्ने स्वर्ग बिच रैह्ण या चाए तिन्हा का दुर इस दुनिया बिच रैह्ण, पर असी तिन्हा जो पसंद आंदे रैह्ण।

2 कुरुन्थियों 6:1

असी जे परमेश्वर रे सहकर्मी हिन, छंदे करी के समझादें की परमेश्वर री अनुग्रह जे तुसा पर है, तिसजो बेकार मत जाणा देयो।

गलातियों 6:1

ओ संगी विश्वासियों, जे अगर कोई मणू कुसकी गलत कम्म करदा पकड़ेया भी जाओ, तां तुसा मणू जे पवित्रात्मा रे कहे मुताबिक चलदे, निम्तेपन कने इदेय मणू जो सही रस्ते पर वापिस लेयो, ते अपणे तांइ भी चुकन्ने रेयो ताकि तुसा पाप करणे री परिक्षा बिच ना पेई जाओ।

इफिसियों 4:1

इधेरे तांइ मैं जे प्रभु री सेवा करणे री वजह कने कैद बिच है, तुसा रे छन्दे करदा कि जिस बुलाह्ट कने तुसा सद्दे गे थिये, तिस जोग्गी चालचलन बणाई रख्खो,

इफिसियों 4:20

पर जां तुसा जो मसीह यीशु रे बारे बिच सिखाया गेया थिया तां तुसा ने ए सारी गल्लां नी सिख्खी।

इफिसियों 5:17

इस तांइ बेफकुफ मत बणो, पर ध्यान कने समझो की परमेश्वर री मर्जी कै है?

फिलिप्पियों 1:27

सिर्फ इन्ना ही करो कि मसीह रे सुब बसेख रे हिसाब कने जिन्दगी जियो। ते भले ही मैं तुसा जो आई करी मिलां या ना भी मिलां, वस तुसा रे बारे बिच ए ही सूणेया कि तुसा इक्क-मन होई इक्क ही मकसद तांइ इकठ्ठे होई करी तिस विश्वास तांइ कड़ा संघर्ष करदे रैहन्दे जे मसीह यीशु रा सुब बसेख है।

फिलिप्पियों 1:9

मैं ए प्रार्थना करदा कि इक्क दूए तांइ तुसा रा प्यार बदधा जाए, ते जिन्दगी बिच सही चीजां जो चुनणे तांइ तुसा री ज्ञान ते सही ते गलत री समझ लगातार बदधी रेयो।

फिलिप्पियों 3:14

उस मंजिल तांइ लगातार कोसीस करदा कि मेरे परमेश्वर का स्वर्ग बिच जाणे रा से ईनाम मिल्लो जिस तांइ परमेश्वर ने असा जो मसीह यीशु रे कम्म री वजह कने चुणे रा है

कुलुस्सियों 1:10

तां तुसा रा चालचलन प्रभु जो पसंद आणे वाला बणना, ते तुसा परमेश्वर जो हर तरिक्के कने खुस करणे वाली जिन्दगी जीणी, ते तिसेरी वजह कने तुसा अपणी जिन्दगी बिच हर तरिक्के रे ठीक कम्म करदे रैह्णा, ते तुसा परमेश्वर जो होर भी ठीक तरिक्के कने जाणदे रैह्णा।

कुलुस्सियों 2:6

अते जिय्यां तुसा ने मसीह यीशु जो प्रभु मन्नी करी के अपणाई लित्ते रा है, तिय्यां ही तिन्हा पीच्छे चलदे रेयो।

1 थिस्सलुनीकियों 3:12

असी प्रार्थना करदे कि जिय्यां असी प्यार तुसा कने करदे तिय्यां ही मसीह यीशु तुसा जो इक्क दूए कने प्यार रखणे ते तिस बिच बधणे बिच मदद करे।

1 थिस्सलुनीकियों 4:2

किजोकी तुसा जो याद है कि असी तुसा जो मसीह यीशु रे नां बिच कै सिखाए रा है।

1 थिस्सलुनीकियों 5:12

ओ संगी विश्वासियों, असी तुसा का बिनती करदे कि जे मणू तुसा बिच मैहनत करदे, ते मसीह बिच तुसा रे अगुवे हिन, ते जे तुसा विश्वास री शिक्षा दिन्दे, तिन्हेरी गल्लां मन्नेया करो।

2 थिस्सलुनीकियों 1:3

ओ संगी विश्वासियों, असा जो तुसा तांइ हमेसा परमेश्वर रा शुकर करणा चाएदा। इय्यां करणा ठीक है किजोकी तुसा मसीह बिच विश्वास करणे बिच होर जादा मजबूत होया करदे हिन ते तुसा बिच आपसी प्यार भी बदेया करदा है।

2 थिस्सलुनीकियों 2:1

ओ संगी विश्वासियों, असी मसीह यीशु रे हटणे ते तिस बेल्ले रे बारे बिच गल्ल करणा चाह्‍ंदे जां असी तिन्हा कने दुबारा मिलणा।

2 थिस्सलुनीकियों 3:1

आखिर बिच, ओ संगी विश्वासियों, असा तांइ प्रार्थना करेया करो कि असी प्रभु रा बसेख तौले-तौले फैलाई सकण ते जिय्यां तुसा तिस पर विश्वास कित्तेया तिय्यां ही दूए मणू भी विश्वास करी सको।

2 थिस्सलुनीकियों 3:13

तुसा ओ संगी विश्वासियों, भले कम्म करणे बिच हिम्मत मत हारो।

1 तीमुथियुस 5:21

परमेश्वर ते मसीह यीशु ते चुणे रे स्वर्गदूतां जो असा बिच मझाटे हाजिर मन्नी करी मैं तेरे जो मेरी गल्लां मनणे रा हुकम दिंदा ते पक्षपात कने कोई कम्म मत करदा।

2 तीमुथियुस 4:1

जां मसीह यीशु ने इक्क राज्जे रे रुप बिच राज करणे तांइ आणा, तां तिन्हा ने जिन्दा लोक्कां रा ते मरे रे लोक्कां रा भी हिसाब-किताब करणा। इधेरे तांइ परमेश्वर ते मसीह जो गवाह मन्नी करी मैं तेरे पर इस गल्ल रा जोर पांदा

इब्रानियों 11:6

परमेश्वर बिच विश्वास कित्ते बिना, तिन्हा जो खुस करणा नामुमकिन है। किजोकी परमेश्वर का आणे वाले मणू जो ए विश्वास करणा चाएदा कि से परमेश्वर हिन। परमेश्वर तिन्हा लोक्कां जो ईनाम दिंदे, जे पूरी सच्चाई कने तिन्हा जो तोपदे।

इब्रानियों 13:16

भलाई रे कम्म करेयो, ते जे तुसा का है, तिसजो जरुरतमंद लोक्कां कने बंडेया करो। किजोकी परमेश्वर इदेय कुर्बानी कने खुस रैहन्दे।

इब्रानियों 13:22

मेरे संगी विश्वासियों, मैं तुसा का बिनती करदा कि तुसा सबर कने इस बसेख जो सुणो, जे मैं तुसा जो प्रोत्साहित करणे तांइ लिख्खे रा है। किजोकी मैं तुसा जो बड़ी घट शब्दां बिच लिख्खे रा है।

2 पतरस 3:18

पर तुसा जो असा रे प्रभु ते छुटकारा दैणे वाले मसीह यीशु रे अनुग्रह रा होर भी जादा अनुभव करणा चाएदा, ते तिन्हा जो समजणे बिच होर भी जादा बधणा चाएदा। तिन्हा रा आदरमान अब्बे ते हमेसा-हमेसा तिकर हुंदा रे।

1 यूहन्ना 3:22

अते जे असी किच्‍छ तिन्हा का मंगदे, से असा जो दिंदे किजोकी असी तिसेरे हुकमां जो मनदे, अते से ही करदे, जे तिसजो खरा लगदा