1 थिस्सलुनीकियों 3:5 - चम्बयाली नौआ नियम

⁵ इधेरे तांइ जां मेरे का तुसा रा हालचाल जाणे बगैर रेया नी गेया, तां मैं तुसा रे विश्वास रा हाल जानणे तांइ तीमुथियुस जो भेज्जी दित्ता। मेरे जो ता ए डर थिया कि कुते शैतान ने तुसा जो परिक्षा बिच पाई करी भटकाई दित्ते रा हो ते असा री सारी मैहनत बेकार होई गे री हो।

1 थिस्सलुनीकियों 3:5 ပူးပေါင်းရင်းမြစ်များ

मत्ती 4:3

तां शैतान यीशु का आया अते बोलणे लग्गेया, “जे तू परमेश्वर रा पुत्तर है तां इन्हा बट्टेयां जो अपणे खाणे तांइ रोट्टी बणी जाणे रा हुकम देई करी साबित कर।”

प्रेरितां रे कम्म 15:36

किच्‍छ रोज्जां बाद पौलुस ने बरनबास जो बोल्लेया, कि जिन्हा-जिन्हा सहरां बिच असा ने प्रभु रा वचन सुणाया थिया, चलो, फिर तित्ते जाई करी अपणे विश्वासियां जो दिख्खदे, कि कदेय हिन।

1 कुरुन्थियों 7:5

प्रार्थना बिच समय गुजारणे रे अलावा कुसकी होर गल्ल तांइ लाड़ा ते लाड़ी इक्क दूए जो अप्पु-मिते सम्बध बणाणे का मना ना करे, पर तिसेरे बाद से मणू अपणी आम ब्यात्ती री जिन्दगी जो तिय्यां ही जिन्दे रैह्ण। इस तरिक्के कने तुसा संयम री कमी री वजह कने शैतान री परिक्षा बिच पैणे का बची रैह्णा।

2 कुरुन्थियों 2:11

ताकि शैतान असा रा कोई फायदा नी उठाई सको किजोकी असी तिसेरी चाल्लां जो जाणदे।

2 कुरुन्थियों 6:1

असी जे परमेश्वर रे सहकर्मी हिन, छंदे करी के समझादें की परमेश्वर री अनुग्रह जे तुसा पर है, तिसजो बेकार मत जाणा देयो।

गलातियों 2:2

ते मैं तित्ते इधेरे तांइ गेया किजोकी परमेश्वर ने मेरे जो जाणे तांइ बोल्लेया थिया, अते जे सुब बसेख मैं गैर यहूदी लोक्कां बिच प्रचार करदा थिया, तिसजो मैं एकांत बिच कलीसिया रे प्रधान मणूआं जो सुणाया ताकि जे कम्म मैं पैल्ले कित्ते थिये से बेकार नी ठैहरे।

गलातियों 4:11

मैं तुसा रे कम्मां री वजह कने बड़ी फिकर बिच है कि जिन्नी मैहनत तुसा बिच कित्ती से कुथकी बेकार ना होई गे री हो।

इफिसियों 4:14

ताकि अग्गे जो असी बच्चेयां सांई ना रैह्ण, असी तिन्हा किस्तियां सांई नी रैह्णा जे लहरां ते हवा कने इत्ते-उत्ते डोलदी रेह्न्दी। इसेरा मतलब ए है कि चलाक ते ठग लोक्कां ने फिरी असा जो अपणी झूठ्ठी शिक्षा कने बेवकूफ नी बणाई सकणा।

फिलिप्पियों 2:16

ताकि जिस दिन मसीह यीशु ने हटी आणा तिस दिन मेरे जो ए घमंड होणा कि मेरी कोशीशां ते मैहनत फायदेमंद होई।

फिलिप्पियों 2:19

मेरे जो मसीह यीशु बिच ए आस है कि मैं तीमुथियुस जो तौले ही तुसा का भेजां, ताकि तुसा रा हालचाल जाणी के मेरे जो हिम्मत मिल्ले।

1 थिस्सलुनीकियों 2:1

ओ संगी विश्वासियों, तुसा अप्पु ही जाणदे की असा रा तुसा का ईणा बड़ा फायदेमंद होया,

1 थिस्सलुनीकियों 3:6

पर तीमुथियुस अब्बे तुसा री जगाह् का असा का पूज्जे रा है। तिसने असा जो तुसा रे विश्वास ते प्यार रा सुब बसेख भी दित्तेया। तिसने असा जो ए भी दस्सेया कि तुसा असा जो बड़ा याद करदे ते असा कने मिलणा चाह्‍ंदे जिय्यां असी भी तुसा कने मिलणा चाह्‍ंदे।