1 थिस्सलुनीकियों 3:12 - चम्बयाली नौआ नियम

¹² असी प्रार्थना करदे कि जिय्यां असी प्यार तुसा कने करदे तिय्यां ही मसीह यीशु तुसा जो इक्क दूए कने प्यार रखणे ते तिस बिच बधणे बिच मदद करे।

1 थिस्सलुनीकियों 3:12 ပူးပေါင်းရင်းမြစ်များ

मत्ती 22:39

ते तिसी सांई ए दुआ हुकम भी है कि अपणे पड़ोसी कने अप्पु सांई प्यार रख।

मत्ती 7:12

“इधेरे तांइ जिय्यां तुसा चाह्‍ंदे कि मणू तुसा कने करण, तुसा भी तिन्हा कने तिय्यां ही करो किजोकी परमेश्वर रे कानून अते भविष्यद्वक्ता री गल्लां रा ए ही मतलब है।”

लूका 17:5

तां यीशु रे बारा प्रेरितां ने बोल्लेया, प्रभु जी, असा जो विश्वास बिच मजबूत बणाओ।

रोमियों 13:8

प्यार जो छड्डी करी होर कुसकी चीज बिच कुसकी रे कर्जदार मत बणो। किजोकी जे दूज्जे कने प्यार रखदा, तिनिये मूसा रे कानून रे तिन्हा सारे हुकमां जो मन्नी लेया, जे परमेश्वर ने दित्ते री हिन।

2 कुरुन्थियों 9:10

किजोकी परमेश्वर ही हिन जे किसान जो बाणे तांइ बीह् ते तिसेरे जरिये रोट्टी भी उपलब्ध करांदे। तिस्सी तरिक्के कने, तिन्हा ने तुसा जो साधन उपलब्ध कराणे ते तिन्हा जो बधाणा ते तुसा बिच का उदारता री फसल जो कटणा।

गलातियों 5:22

पर पवित्रात्मा का पैदा होणे वाला स्वभाव बिच प्यार, आनंद, सांती, सबर, दया, नेकी, ते विश्वास है।

गलातियों 5:6

जां असी मसीह यीशु बिच विश्वास करणा सुरु करी दिंदे तां यहूदी या गैर यहूदी होणे रा कोई फरक नी रैहन्दा। पर जरुरी गल्ल ए है कि असी मसीह बिच विश्वास करदे ते तिस वजह कने परमेश्वर ते बाकि मणू प्यार रखदे।

फिलिप्पियों 1:9

मैं ए प्रार्थना करदा कि इक्क दूए तांइ तुसा रा प्यार बदधा जाए, ते जिन्दगी बिच सही चीजां जो चुनणे तांइ तुसा री ज्ञान ते सही ते गलत री समझ लगातार बदधी रेयो।

1 थिस्सलुनीकियों 2:8

ते तिय्यां ही असी तुसा री चाहत करदे होए, ना सिर्फ परमेश्वर रा सुब बसेख पर अपणी जान भी तुसा जो दैणे तांइ तैयार थिये, इस तांइ किजोकी तुसा जो बड़ा प्यार करदे थिये।

1 थिस्सलुनीकियों 4:1

आखिरकार, संगी विश्वासियों, असी तुसा जो मसीह यीशु बिच जोर पाई करी समझांदे कि इदेइ जिन्दगी जियो जिस कने परमेश्वर खुस हो, जिय्यां तुसा जिया भी करदे हिन ते असी तुसा होर बदिया जिन्दगी जीणे तांइ उत्साहित करदे।

1 थिस्सलुनीकियों 5:15

चुकन्ने रेयो कि कोई कुसकी कने बुराई रे बदले अन्दर बुराई ना करो पर हमेसा ठीक कम्म करणे तांइ हमेसा तैयार रेयो, अप्पु-मित्ते ते सबणी कने भी भलाई री ही कोसीस करो।

2 थिस्सलुनीकियों 1:3

ओ संगी विश्वासियों, असा जो तुसा तांइ हमेसा परमेश्वर रा शुकर करणा चाएदा। इय्यां करणा ठीक है किजोकी तुसा मसीह बिच विश्वास करणे बिच होर जादा मजबूत होया करदे हिन ते तुसा बिच आपसी प्यार भी बदेया करदा है।

याकूब 1:17

किजोकी हर इक्क बदिया वरदान ते उत्तम दान परमेश्वर रे पास्से का ही हुदां, ते अम्बरे रे चाँद-तारेयां जो बणाणे वाले पिता परमेश्वर रे पास्से का मिलदा जे हमेसा इक्क जदेय रैहन्दे ते कदी भी नी बदलदे।

2 पतरस 1:7

ते भक्ति पर भाईचारा बधांदे रेयो, ते भाईचारे पर प्यार भी बधांदे रेयो।

2 पतरस 3:18

पर तुसा जो असा रे प्रभु ते छुटकारा दैणे वाले मसीह यीशु रे अनुग्रह रा होर भी जादा अनुभव करणा चाएदा, ते तिन्हा जो समजणे बिच होर भी जादा बधणा चाएदा। तिन्हा रा आदरमान अब्बे ते हमेसा-हमेसा तिकर हुंदा रे।