1 थिस्सलुनीकियों 3:11 - चम्बयाली नौआ नियम

¹¹ असा रे पिता परमेश्वर अते असा रे प्रभु यीशु तुसा का आणे तांइ असा री मदद करण।

1 थिस्सलुनीकियों 3:11 ပူးပေါင်းရင်းမြစ်များ

मत्ती 6:14

“इधेरे तांइ जे तुसा मणूआं रे पाप्पां जो माफ करगे, तां तुसा रे पिता परमेश्वर ने जे स्वर्ग बिच रैहन्दे तुसा जो माफ करी दैणा।”

मत्ती 6:18

ताकि मणूआं जो नी पर तुसा रे पिता परमेश्वर जो जे स्वर्ग का तुसा जो गुप्त रीति कने दिखदे पता चले कि तुसा ब्रत्त रख्खे रा है, ते तिन्हा ने तुसा जो ईनाम दैणा।

मत्ती 6:26

दिख्खो, आसमान रे चिड़ू-पखेरु ना तां भी बीह् बांदे, ना बडदे, ते ना ही खलाड़े अन्दर कठेरदे, फिरी भी तुसा रा पिता परमेश्वर जे स्वर्ग बिच हिन, तिन्हा जो खुआन्दा। कै तुसा तिन्हा का बधी करी नी हिन?

मत्ती 6:32

किजोकी गैर यहूदी इन्हा सबणी चीजां रे पीच्छे लगे रैहन्दे, पर फिकर मत करो किजोकी तुसा रे पिता परमेश्वर जे स्वर्ग बिच हिन, तिन्हा जो पता है कि तुसा जो इन्हा सबणी चीजां री जरुरत है,

मत्ती 6:4

ताकि जे दान तू दित्ता से कुसकी जो पता ना लग्गे अते तेरा से परम-पिता जे तिज्जो लुकी करी दिखदा, तिन्हा ने तिज्जो उधेरा ईनाम दैणा।”

मत्ती 6:6

पर जां तू प्रार्थना करे, तां अपणे कमरे बिच जा, ते दुआर बांद्द करी के गुप्त बिच अपणे पिता परमेश्वर का प्रार्थना कर जे स्वर्ग बिच हिन, तां परमेश्वर पिता ने तुसा जो ईनाम दैणा जे स्वर्ग का तुसा जो गुप्त रीति कने दिखदे रैहन्दे।

मरकुस 1:3

“बियाबान बिच इक्क हक्क मारणे वाले री अवाज सुणिदीं, ‘प्रभु रे आणे तांइ अप्पु जो तैयार करो, ते तिन्हेरा रस्ता सीद्दा करो।’”

लूका 12:30

किजोकी दुनिया रे सब मणू इन्हा चीजां रे पीच्छे नह्स्सेया करदे हिन: पर परमेश्वर जो पता है कि तुसा जो भी इन्हा सबणी चीजां री जरुरत है

लूका 12:32

इधेरे तांइ ओ छोटे झुण्ड, डरो मत, किजोकी तुसा रा परम पिता परमेश्वर चाह्‍ंदा कि तुसा तिन्हेरे राज रे वारिस बणो।

यूहन्ना 20:17

यीशु ने तिसजो बोल्लेया, मेरे जो मत छू, किजोकी मैं हल्ले तांइ पिता का उप्पर नी गेया, पर मेरे चेल्‍लेयां का जाई करी तिन्हा जो बोल्ली दे, मैं अपणे ते तुसा रे परम पिता, अते अपणे ते तुसा रे परमेश्वर का उप्पर जाया करदा है।

रोमियों 1:3

ए सुब बसेख असा रे प्रभु, मसीह यीशु रे बारे बिच है। से शारीरिक तौर पर राजा दाऊद रे ‍खानदान बिच पैदा होए थिये।

2 कुरुन्थियों 6:18

ते मैं तुसा रा प्यो होणा ते तुसा मेरे बच्चे-बच्चियां होणे, ए सर्वशक्तिमान प्रभु परमेश्वर रा वचन है।”

गलातियों 1:4

असा रे परमेश्वर ते पिता री मर्जी रे हिसाब कने मसीह यीशु ने असा रे पाप्पां तांइ अप्पु जो कुर्बान होणे तांइ देई दित्तेया, ताकि असा जो अज्ज रे इस बुरे दुनिया रे असर का बची रैह्ण।

1 थिस्सलुनीकियों 3:13

अते इस तरिक्के कने से तुसा सारेयां रे मन जो मजबूत करण, अते पिता परमेश्वर रे सामणे असा रे प्रभु यीशु रे हटणे पर अपणे सब लोक्कां कने पवित्र अते बेकसूर ठैहराई देंन।

1 थिस्सलुनीकियों 4:16

किजोकी प्रभु यीशु ने अप्पु ही स्वर्ग का उतरणा ते जोर सणे ललकार होणी ते प्रधान दूत री अवाज सुनिणी ते परमेश्वर री तुरही बजाई जाणी, ते जे विश्वासी मणू मरी चुके रे होणे, पैल्ले तिन्हा सारेयां जो फिरी जिन्दा कित्तेया जाणा।

1 थिस्सलुनीकियों 5:23

ते परमेश्वर जे तुसा जो सांती दिंदे अप्पु ही तुसा जो पूरे तरिक्के कने पवित्र करण ते असा रे प्रभु यीशु मसीह रे हटी आणे तिकर तुसा री पूरी आत्‍मा ते पूरे प्राण ते पूरा सरीर कने बेकसूर ते सुरक्षित रे।

2 थिस्सलुनीकियों 2:16

असी अपणे प्रभु यीशु मसीह ते पिता परमेश्वर का प्रार्थना करदे जे असा कने प्यार करदे ते जिन्हा ने अपणे अनुग्रह रे जरिये असा जो कदी ना मुकणे वाली हिम्मत ते इक्क पक्की आस भी दित्ते री है।

2 थिस्सलुनीकियों 3:16

प्रभु जे सांती दैणे वाला है, मैं तिन्हा का प्रार्थना करदा कि से तुसा जो हमेसा ते हर तरिक्के री सांती दिंदे रैह्ण, ते प्रभु तुसा सारे जणेया कने रैह्ण।

2 थिस्सलुनीकियों 3:5

प्रभु यीशु मसीह तुसा जो ए समजणे री ताकत दे कि परमेश्वर अपणे लोक्कां कने किन्ना जादा प्यार करदे ते जिय्यां मसीह यीशु ने अप्पु सबर रख्खी करी सहन कित्तेया तिय्यां ही तुसा भी सहन करी सको।

1 यूहन्ना 3:1

ध्यान देयो कि परमेश्वर पिता ने असा कने कितणा प्यार कित्तेया ताकि असा जो परमेश्वर रे निके-निके बोल्लेया जाई सके अते वाक्केई असी तिन्हेरे बच्चे हिन भी! इधेरे तांइ दुनिया रे मणू असा जो नी जाणदे कि असी परमेश्वर रे बच्चे हिन किजोकी तिन्हा ने परमेश्वर पिता जो भी नी जाणेया।

प्रकाशित वाक्य 21:3

फिरी मैं परमेश्वर रे सिहांसन का कुसकी जो ऊच्ची अवाज बिच ए बोलदे होये सूणेया, दिख, अब्बे का लेई करी परमेश्वर ने लोक्कां बिच वास करणा, ते अब्बे का लेई करी परमेश्वर रा घर मणूआं रे बिच होणा। ते से परमेश्वर रे मणू होणे, ते परमेश्वर ने अप्पु ही तिन्हा जो अपणे मणू मनणा, ते तिन्हा कने रैह्णा, ते लोक्कां ने भी तिन्हा जो अपणा परमेश्वर मनणा।