1 थिस्सलुनीकियों 3:1 - चम्बयाली नौआ नियम

¹ जां तुसा जो मिल्ले बगैर असा का नी रेया गेया, तां मैं ते सीलास ने किल्ले ही एथेंस सहर बिच रैह्णे रा फैसला लेई लित्ता।

1 थिस्सलुनीकियों 3:1 ပူးပေါင်းရင်းမြစ်များ

प्रेरितां रे कम्म 17:15

पौलुस री मदद करणे वाले मणू तिसजो एथेंस सहर तक लेई गे, ते सीलास ते तीमुथियुस तांइ ए हुकम देई करी कि से जल्दी का जल्दी मेरे का आई जाण, तित्ते का चली पये।

प्रेरितां रे कम्म 17:16

जां पौलुस एथेंस सहर बिच तिन्हा जो भालेया करदा थिया, तां सहर जो मूर्तां कने भरितेरा दिख्खी करी तिसेरा कलेजा फुक्की गेया।

2 कुरुन्थियों 2:13

पर जां अपणे विश्वासी भ्याल तीतुस जो तित्ते नी दिख्खेया तां मेरा मन बड़ा बेचैन होई गेया, ते तिसजो तोपणे तांइ मैं त्रोआस सहर रे विश्वासियां का बिदा लेई करी आई गेया, ते मकिदुनिया प्रदेश जो हटी गेया।

1 थिस्सलुनीकियों 2:17

ओ संगी विश्वासियों, जां असी थोड़ी देर तांइ तुसा का दुर थिये पर मन बिच हमेसा तुसा जो याद रखदे थिये तां असी तुसा कने मिलणे तांइ बड़ी मैहनत कित्ती किजोकी असी दुबारा तुसा जो दिखणा चाह्‍ंदे थिये।

1 थिस्सलुनीकियों 3:5

इधेरे तांइ जां मेरे का तुसा रा हालचाल जाणे बगैर रेया नी गेया, तां मैं तुसा रे विश्वास रा हाल जानणे तांइ तीमुथियुस जो भेज्जी दित्ता। मेरे जो ता ए डर थिया कि कुते शैतान ने तुसा जो परिक्षा बिच पाई करी भटकाई दित्ते रा हो ते असा री सारी मैहनत बेकार होई गे री हो।