1 थिस्सलुनीकियों 2:3 - चम्बयाली नौआ नियम

³ किजोकी असा रा उपदेस ना वहम कने है ते ना गलत इराद्दे कने, ते ना छल कने है।

1 थिस्सलुनीकियों 2:3 ပူးပေါင်းရင်းမြစ်များ

प्रेरितां रे कम्म 13:15

ते मूसा रे कानून ते भविष्यद्वक्ता री कताबां रे पढ़ने का बाद सभास्थल रे सरदारा ने तिन्हा का बोल्ली भेज्जेया, कि ओ भाईयों, जे मणूआं री उपदेस तांइ तुसा रे मन बिच कोई गल्ल है तां बोल्लो।

प्रेरितां रे कम्म 4:36

यूसुफ नां रा इक्क साइप्रस रा लेवी गोत्र रा मणू थिया जिसेरा नां प्रेरितां ने बरनबास (मतलब कि सांती रा पुत्तर) रख्खे रा थिया

2 कुरुन्थियों 11:13

इदेय मणू झूठ्ठे प्रेरित हिन। से मणू मसीह रे प्रेरितां रे भेस बिच ठग्गी रे कम्म करणे वाले मणू हिन।

2 कुरुन्थियों 2:17

असी उन्हा केई मणूआं सांई नी हिन, जे पैसे रे लालच बिच परमेश्वर रे वचन बिच हेराफेरी करदे हिन, पर असी ए जाणदे होए कि परमेश्वर असा जो भेज्जे रा है, ते से असा जो दिख्खेया करदे हिन, ते असी मसीह रे हक कने हमेसा सच्चाई कने शिक्षा दिंदे।

2 कुरुन्थियों 4:2

पर असा ने शरम रे ते गुप्त कम्मां जो छड्डी दित्तेया, अते न चलाकी कने चलदे, अते ना परमेश्वर रे वचन बिच हेराफेरी करदे, पर परमेश्वर रे सामणे असी सिर्फ सच बोलदे, ते असी लोक्कां रे विवेक बिच ए बिठाई दिंदे कि जे असी बोल्लेया करदे हिन से सच है।

2 कुरुन्थियों 4:5

दिख्खो, असी लोक्कां बिच जाई-जाई करी अपणे बारे बिच प्रचार नी करेया करदे हिन। असी मसीह यीशु रा प्रचार करेया करदे हिन, ते मसीह रे खातिर असी तुसा रे सेवक हिन।

2 कुरुन्थियों 7:2

असा कने प्यार बणाई रख्खो, असी ना कुसकी कने नाईंसाफी कित्ती ते ना कुसकी रा किच्‍छ बिगाड़े रा है ते ना ही कुसकी जो ठग्गे रा है।

1 थिस्सलुनीकियों 2:11

तुसा जाणदे की जिय्यां पिता अपणे बच्चेयां कने बर्ताव करदा तिय्यां ही असी भी तुसा बिच हर इक्क जो सिखांदे, हिम्मत दिदें, ते समझादें थिये,

1 थिस्सलुनीकियों 4:7

किजोकी परमेश्वर ने असा जो अपवित्रता री जिन्दगी जीणे तांइ नी पर पवित्रता री जिन्दगी जीणे तांइ सद्दे रा है।

2 थिस्सलुनीकियों 2:11

इधेरे तांइ परमेश्वर ने तिन्हा बिच इक्क ताकत भेजणी जिसेरी वजह कने तिन्हा लोक्कां ने तिस झूठ पर भरोस्सा करणा जे तिस दुष्ट ने तिन्हा जो दसणा।

2 पतरस 1:16

जां असी प्रेरितां ने तुसा जो मसीह यीशु री ताकत ते तिन्हेरे हटणे रे बारे बिच दस्सेया थिया, तां असी तुसा जो चलाकी कने कोई मनघड़ंत कहाणी नी थिये सुणांदे। बल्कि असी मसीह री महिमा दिख्खे री है।