1 थिस्सलुनीकियों 2:19 - चम्बयाली नौआ नियम

¹⁹ भला असा री आस या खुसी या बड़ाई रा ताज कुण है? असा रे प्रभु यीशु रे हटणे बेल्ले से तुसा ने ही होणा।

1 थिस्सलुनीकियों 2:19 ပူးပေါင်းရင်းမြစ်များ

मत्ती 16:27

किजोकी मणू रा पुत्तर, जे मैं ही है अपणे स्वर्गदूतां कने अपणे पिता री महिमा बिच आणे वाला है तां तिन्ने हर इक्क मणू जो तिसेरे कम्मां रे हिसाब कने ईनाम दैणा।

मरकुस 8:38

जे कोई इस व्यभिचारी ते पाप्पी जुग बिच मेरे ते मेरे सुब बसेख का शर्मसार हुंदा, तां मणू रे पुत्तर ने भी, जे मैं ही है, तिन्हा लोक्कां का तिस दिन शर्मसार होणा जां मैं अपणे स्वर्गीय पिता री महिमा बिच अपणे पवित्र स्वर्गदूतां कने हटणा।

यूहन्ना 21:22

यीशु ने तिसजो बोल्लेया, जे मैं चाए कि से मेरे आणे तक, ए इत्ते ही रे, तां तिज्जो इस कने कै मतलब? तू मेरे पीच्छे चल ते मेरा चेल्ला बणे रे।

1 कुरुन्थियों 15:23

पर हर इक्क ने वरी-वरी करी के वापिस जिन्दे होई जाणा, सबका पैल्ले मसीह यीशु मुर्देयां बिच का जिन्दे होए, ते मसीह यीशु रे वापिस हटी आणे का बाद, हर इक्क से मणू वापिस जिन्दा करी दित्ता जाणा जिसेरा मसीह कने गहरा रिस्ता है।

1 कुरुन्थियों 4:5

इधेरे तांइ, पैल्ले ही कुसकी गल्ल रा हिसाब कताब मत करेया करो, बल्कि जां तांइ प्रभु नी आंदे तां तांइ रुकी रेयो। किजोकी तिन्हा ने लोक्कां री दिल री लुके री गल्लां रे बारे बिच साफ-साफ दसणा जिन्हा रे बारे बिच कोई नी जाणदा। तिन्हा ने लोक्कां रे दिल रे लुके रे इराद्देयां जो साफ-साफ ज़ाहिर करणा। तां फिरी परमेश्वर ने सारेयां री तारिफ करणी।

फिलिप्पियों 2:16

ताकि जिस दिन मसीह यीशु ने हटी आणा तिस दिन मेरे जो ए घमंड होणा कि मेरी कोशीशां ते मैहनत फायदेमंद होई।

फिलिप्पियों 4:1

इधेरे तांइ मेरे प्यारे संगी विश्वासियों, मैं तुसा कने बड़ा वरी प्यार करदा ते मैं तुसा कने मिलणे रा इंतजार करेया करदा है, जे मेरी खुसी ते मेरा ताज हिन। ते मेरे प्यारेयों, प्रभु बिच विश्वास करणे बिच इसी तरिक्के कने मजबूत हुंदे जाओ।

1 थिस्सलुनीकियों 2:20

असा री बड़ाई ते खुसी तुसा ही हिन।

1 थिस्सलुनीकियों 3:13

अते इस तरिक्के कने से तुसा सारेयां रे मन जो मजबूत करण, अते पिता परमेश्वर रे सामणे असा रे प्रभु यीशु रे हटणे पर अपणे सब लोक्कां कने पवित्र अते बेकसूर ठैहराई देंन।

1 थिस्सलुनीकियों 4:15

किजोकी असी तुसा जो प्रभु यीशु रे वचन रे हिसाब कने दस्सेया करदे हिन कि जां मसीह यीशु ने हटणा तां असा जिन्दे लोक्कां का पैल्ले मुर्देयां बिच का जिन्दे कित्ते गेरे लोक्कां ने मसीह यीशु कने मिलणा।

1 थिस्सलुनीकियों 5:23

ते परमेश्वर जे तुसा जो सांती दिंदे अप्पु ही तुसा जो पूरे तरिक्के कने पवित्र करण ते असा रे प्रभु यीशु मसीह रे हटी आणे तिकर तुसा री पूरी आत्‍मा ते पूरे प्राण ते पूरा सरीर कने बेकसूर ते सुरक्षित रे।

2 थिस्सलुनीकियों 1:4

इधेरे तांइ असी अप्पु परमेश्वर री कलीसिया बिच संगी विश्वासियां सामणे तुसा पर गर्व करदे, हालांकि तुसा बड़े दुख ते मुसीबतां का गुजरे पर तुसा फिरी भी बड़े सबर कने सैहन्दे रे ते तुसा मसीह बिच विश्वास करणा नी छड्डेया।

2 थिस्सलुनीकियों 1:7

किजोकी तुसा दुख-मुसीबतां सहन करेया करदे हिन इधेरे तांइ परमेश्वर ने तुसा ते असा जो अराम दैणा। ए सब किच्‍छ तां होणा जां मसीह यीशु ने अपणे ताकतवर स्वर्गदूतां कने धधकदी आग्ग सांई स्वर्ग का वापिस हटणा।

2 थिस्सलुनीकियों 2:1

ओ संगी विश्वासियों, असी मसीह यीशु रे हटणे ते तिस बेल्ले रे बारे बिच गल्ल करणा चाह्‍ंदे जां असी तिन्हा कने दुबारा मिलणा।

तीतुस 2:13

असी इस तरिक्के कने बर्ताव करदे किजोकी असी बड़ी बेसबरी कने तिस अनौखे दिन रा इंतजार करेया करदे हिन, जां असा जो छुटकारा दैणे वाले मसीह ने जे असा रे परमेश्वर हिन, अपणी महिमा कने इस धरती पर हटी आणा।

याकूब 5:7

इधेरे तांइ ओ मेरे संगी विश्वासियों, प्रभु रे आणे तिकर सबर रखो। जिय्यां किसान दुनिया री कीमती फसल री उम्मीद रख्खी करी पैल्ली ते आखरी बरखा तिकर सबर रखदा ताकि फसल उगे ते बड्डिणे तांइ तैयार होई जाए।

याकूब 5:8

तिय्यां ही तुसा भी सबर रखो, ते हिम्मत रख्खो, किजोकी प्रभु तौले ही आणे वाले हिन।

1 पतरस 5:4

जां मसीह यीशु ने हटी आणा जे असा रे सबका बड्डे पुहाल हिन, तां तिन्हा ने तुसा जो इक्क इदेया ईनाम दैणा जिसेरी चमक कदी नी मुकणी।

2 पतरस 1:16

जां असी प्रेरितां ने तुसा जो मसीह यीशु री ताकत ते तिन्हेरे हटणे रे बारे बिच दस्सेया थिया, तां असी तुसा जो चलाकी कने कोई मनघड़ंत कहाणी नी थिये सुणांदे। बल्कि असी मसीह री महिमा दिख्खे री है।

2 पतरस 3:4

अते तिन्हा लोक्कां ने बोलणा, तिनिये वापिस हटणे रा वादा कित्तेया थिया, पर तिनिये झूठ बोल्लेया थिया। सुरुआत बिच जे मणू असा रे मुखिया थिये, से सारे अवे मरी गेरे हिन, पर हल्ले तिकर किच्‍छ भी नी बदलेया। हर चीज तिय्यां ही होया करदी है जिय्यां तिस बेल्ले हुंदी थी जां परमेश्वर ने दुनिया जो बणाया थिया।

1 यूहन्ना 2:28

अते ओ बच्चेयों, मसीह बिच बणे रेयो कि जां मसीह हटी आये तां असा जो हिम्मत रे, ताकि तिन्हेरे आणे पर असी तिन्हेरे सामणे शर्मसार ना होण।

यहूदा 1:24

से ही इकलौत्ते परमेश्वर हिन जिन्हा ने असा जो मसीह यीशु रे सुली पर कुर्बानी दैणे रे जरिये कने बचाए रा है। असा रे प्रभु मसीह यीशु री वजह कने मणू परमेश्वर रा आदरमान ते महिमा करण। मणू ए समजी सकण कि दुनिया रे बणने रे पैल्ले का ही ते अज्ज रे समय तिकर परमेश्वर री ही ताकत ते हक है ते से हमेसा-हमेसा तिकर रैह्णी। आमीन!

प्रकाशित वाक्य 1:7

सुणो, मसीह यीशु ने बदलां पर आणा ते हर इक्क मणू ने तिन्हा जो दिखणा, इत्ते तिकर तिन्हा लोक्कां ने तिन्हेरे जो आंदे दिखणा, जिन्हा ने तिन्हा हो सुली पर चढाया थिया। ते धरती रे सारे मणूआं ने तिन्हा जो आंदा दिख्खी करी बड़ी लेरां मारी-मारी करी रोणा। हाँ, ए होणे वाला है, आमीन!

प्रकाशित वाक्य 22:12

तां फिरी मसीह यीशु ने बोल्लेया, सुणो, मैं झट ही आणे वाला है। मैं हर इक्क मणू जो तिन्हेरे कम्मां रे हिसाब कने फल्ल दैणा।