1 थिस्सलुनीकियों 2:16 - चम्बयाली नौआ नियम

¹⁶ ते से असा जो गैर यहूदी लोक्कां बिच तिन्हेरे छुटकारे रा सुब बसेख बंडणे का रोकदे ताकि तिन्हेरे पाप रा घड़ा भरी जाओ, पर अवे आखिर बिच परमेश्वर तिन्हा लोक्कां जो सजा दैणे वाले हिन।

1 थिस्सलुनीकियों 2:16 ပူးပေါင်းရင်းမြစ်များ

मत्ती 12:45

तां से दुष्टात्मा जाई करी अपणे कने होर जादा बुरी, होर सत्त दुष्टामां जो लेई आंदी, अते तिस मणू बिच रैह्णा लग्गी पैंदी, ते तिस मणू री हालत पैल्ले का भी जादा बुरी होई जांदी, अज्ज री इस बुरी पीढ़ी रे मणूआं री हालत भी इय्यां ही होणी।

मत्ती 23:32

इधेरे तांइ मैं जाणदा कि जे बुराई तुसा रे पूरखां ने सुरु कित्तेया, तुसा तिसजो पूरा करणा।

मत्ती 24:14

ते स्वर्ग राज रा ए सुब बसेख सारी दुनिया रे सारे लोक्कां बिच सूणाई जाणी, ताकि सारी दुनिया रे लोक्कां जो मनणे रा मौक्का मिल्ले, तां दुनिया रे मुकणे रा समय आई जाणा।

मत्ती 24:6

तुसा लड़ाईयां ते लड़ाईया री गल्लां सूणनी, तां डरी मत जादें किजोकी इन्हेरा होणा पक्का है, पर तिस बेल्ले खातमा नी होणा।

मत्ती 3:12

तिन्हेरा छज्ज तिन्हेरे हत्थां बिच है, अते तिन्हा ने अपणे खलाड़े जो खरा करी साफ करणा, कणक जो खत्ते अन्दर इकट्ठा करणा, ते भूह् जो तिस आग्ग अन्दर फुक्की दैणा, जे कदी भी नी बुझणी।”

मरकुस 16:16

जे विश्वास करी के बपतिस्मा लिन्गा तिसेरा ही छुटकारा होणा, पर जे विश्वास नी करगा, तिसेरे पाप माफ नी होणे ते से गुनेह्गार मन्नेया जाणा।

प्रेरितां रे कम्म 13:45

पर यहूदी अधिकारियां री भीड़ जो दिख्खी करी रड़णा लग्गे, ते बेजती करदे पौलुस री गल्लां रे खिलाफ होई करी बोलणा लग्गे

प्रेरितां रे कम्म 13:50

पर यहूदी अधिकारियां ने भक्तां ते कुलीन जनानियां जो ते सहर रे बड़े मणूआं जो उकसाया, ते पौलुस ते बरनबास पर जोर जबरदस्ती करी के तिन्हा जो अपणे सहर का बाहर कड्डी दित्तेया।

प्रेरितां रे कम्म 14:19

पर किन्ने ही यहूदियां अधिकारियां ने अन्ताकिया ते इकुनियुम रे सहरां बिच आई करी मणूआं जो अपणे पास्से करी लेया, ते पौलुस पर बट्टे भणकाये, ते मरे रा समजी करी तिसजो सहर का बाहर धरीड़ी लेई गे।

प्रेरितां रे कम्म 14:2

पर नी मनणे वाले यहूदियां ने गैर यहूदियां मणूआं जो संगी विश्वासियां रे खिलाफ उकसाए, ते फूट पाई दित्ती।

प्रेरितां रे कम्म 14:5

पर जां गैर यहूदियां ते यहूदी तिन्हेरी बेजती ते तिन्हेरे पर बट्टे बरसाणे तांइ अपणे सरदारां समेत तिन्हा पर दौड़े,

प्रेरितां रे कम्म 17:13

पर जां थिस्सलुनीके सहर बिच रैह्णे वाले यहूदी जाणी गे, कि पौलुस बिरीया सहर बिच भी परमेश्वर रा वचन सुणाया करदा है, तां तित्ते भी आई करी मणूआं जो उकसाणे ते हल्ला मचाणा लग्गे

प्रेरितां रे कम्म 19:9

पर जां कितणेयां ने अपणा मन कठोर करी के विश्वास नी कित्तेया, ते मणूआं रे सामणे इस पंथ जो बुरा भला बोलणा लग्गे, ते तिसने तिन्हा जो छड्डेया ते चेल्‍लेयां जो लेई करी चली गेया, ते हर रोज तुरन्नुस री पाठशाला बिच बैह्स करदा थिया ते लोक्कां जो समझांदा थिया।

प्रेरितां रे कम्म 21:21

उन्हा जो तेरे बारे अन्दर सिखाये रा थिया कि तू गैर यहूदी रे बिच रैह्णे वाले यहूदियां जो मूसा का हटी जाणे रे बारे अन्दर सखाया करदा है, ते बोल्लेया करदा है कि, नां तां अपणे निके-निक्केयां रा खतना कराओ ते नां ही रीति-रीवाजां पर चलेया करो।

प्रेरितां रे कम्म 23:12

जां सँझ होई तां यहूदी लोक्कां ने साजिश कित्ती ते कसम खाई कि जां तांइ असी पौलुस जो मारी नी छडगे, तां तिकर असी किच्‍छ खाण या पीन तां असा पर लाणत है।

प्रेरितां रे कम्म 24:9

यहूदियां ने भी तिसेरा साथ देई करी बोल्लेया, ए गल्लां इदेय ही हिन।

प्रेरितां रे कम्म 25:2

तां बड्डे पुरोत्तां ते यहूदी अधिकारियां ने तिसेरे सामणे पौलुस पर इल्जाम लाए।

प्रेरितां रे कम्म 25:7

जां से आया, तां जे यहूदी अधिकारी यरुशलेम का आए रे थिये, तिन्हा ने अपणे-अपणे खड़े होई करी पौलुस पर मते सारे बड्डे-बड्डे इल्जाम लाये, जिन्हेरा सबूत से नी देई सकदे थिये।

प्रेरितां रे कम्म 4:12

यीशु जो छड्डी करी कुसकी दूए रे जरिए छुटकारा नी, किजोकी आसमान रे थल्ले मणूआं बिच यीशु छड्डी करी होर कोई दुआ नां नी दित्तेया गेया, जिसेरे जरिए असी छुटकारा पाई सके।

प्रेरितां रे कम्म 9:23

जां शाऊल मते दिनां तांइ दमिश्क कस्बे बिच थिया, तां यहूदियां ने मिली करी तिसजो मारणे री योजना बणाई,

गलातियों 5:11

पर ओ संगी विश्वासियों, जे अगर मैं मसीह का छुटकारा मिलणे रे बसेख कने-कने खतना कराणे रा प्रचार करदा रैहन्दा ता ना ही कोई मेरे बुरा मनदा ते ना ही मेरे पर कोई जुल्म करदा।

इफिसियों 3:13

इधेरे तांइ मैं तुसा का छंदे करदा कि जे किच्‍छ मैं तुसा तांइ सहन करेया करदा है, तिसेरी वजह कने तुसा हिम्मत मत हारो, किजोकी तुसा जो गर्व महसूस करणा चाएदा कि मैं तुसा तांइ ए सब चीजां सहन करणा चाह्‍ंदा।

इफिसियों 3:8

हालांकि मैं परमेश्वर रे सारे लोक्कां बिच का सारेयां का घट काबिल है, पर फिरी भी परमेश्वर ने मेरे जो ए सौभाग्य दित्ते रा है कि मैं गैर यहूदियां बिच ए सुब बसेख सूणां कि मसीह यीशु भरपूर आशीषां रा जरिया हिन,

1 थिस्सलुनीकियों 1:10

अते स्वर्ग का परमेश्वर रे पुत्तर मतलब यीशु रे हटणे री भाल करो, जिस जो परमेश्वर ने मरे रेयां बिच का जिंदा कित्तेया अते तिन्हा ने ही परमेश्वर रे आणे वाले न्याय का असा जो बचाणा।

2 थिस्सलुनीकियों 2:10

तिनिये हर तरिक्के रे बुरे कम्म करणे ते तिनिये तिन्हा लोक्कां जो भटकाणा जिन्हा जो परमेश्वर ने नास करणा किजोकी तिन्हा ने मसीह रे सच्चाई रे बसेख जो नी अपणाया जे तिन्हा लोक्कां जो बचाई सकदा थिया।

1 तीमुथियुस 2:4

परमेश्वर चाह्‍ंदे कि सारे मणू छुटकारा पाए ते सच्चाई जो जाणे।

इब्रानियों 6:8

पर दूए मणू तिस जमीन सांई हिन, जिस पर झिल्ल-झंकाड़ ही उगदे। से जमीन बेकार है। जे मणू तैसी जमीन सांई होणे, तिन्हा पर परमेश्वर ने इल्जाम लाणा, ते तिन्हा जो नरक री आग्ग बिच फुक्की दैणा।

प्रकाशित वाक्य 22:11

जे मणू बुरे ते भिठ्ठे कम्म करदे, से मणू बुरे ते भिठ्ठे कम्म करदे रैह्ण। बिल्कुल तिस्सी तरिक्के कने जे मणू ठीक ते पवित्र कम्म करदे, से मणू ठीक पवित्र कम्म करदे रैह्ण।