1 थिस्सलुनीकियों 2:15 - चम्बयाली नौआ नियम

¹⁵ जिन्हा ने प्रभु यीशु ते भविष्यद्वक्ता जो भी मारी रख्खेया ते असा पर भी जुल्म करेया करदे हिन, पर परमेश्वर तिन्हा का खुस नी, ते से सारे मणूआं रा विरोध करदे,

1 थिस्सलुनीकियों 2:15 ပူးပေါင်းရင်းမြစ်များ

मत्ती 23:37

ओ यरुशलेम सहर रे लोक्कों! तुसा इदेय मणू हिन जे भविष्यद्वक्तां जो मारी रखदे अते परमेश्वर रे भेजे दूतां जो पत्थर मारदा, मैं कितणी वरी चाया कि जिय्यां कोई मुर्गी अपणे चुज्जेयां जो अप्पु का कठेरी करी बचाई लिंदी तिय्यां ही मैं तेरे बच्चेयां जो बचाणा चाएया, पर तुसा मणूआं ने नी चाया।

मत्ती 27:25

सब लोक्कां ने जवाब दित्ता, इसेरे खून रा जिम्मा असा पर ते असा रे औलादां पर हो!

मत्ती 5:12

तां खुस ते मगन होई जायो, किजोकी तुसा तांइ इधेरे बदले स्वर्ग अन्दर इक्क बड्डा ईनाम है। तिन्हा ने उन्हा भविष्यद्वक्ता जो जे तुसा का पैल्ले थिये इसी तरिक्के तंग कित्तेया थिया।”

लूका 24:20

अते असा रे बड्डे पुरोत्त अते यहूदी धर्म गुरुआं ने यीशु मौत री सजा दैणे तांइ पकड़वाई दित्तया अते मणूआं ने तिन्हा जो ने सुली पर चढ़ाई दित्ता असी सोच्चे दा थिया कि तिन्हा ने इस्राएल जो गुलामी का छुड़ाणा अते इन सब गल्लां जो होए दे अज्ज तिज्जा रोज है,

प्रेरितां रे कम्म 12:3

ते जां तिसने दिख्खेया, कि यहूदी मणू तिसका खुस हुन्दे, तां तिसने पतरस जो भी पकड़ी लेया, से रोज अखमीरी रोट्टी रे त्योहर रे रोज थिये।

प्रेरितां रे कम्म 2:23

तिस्सी यीशु जो, जे परमेश्वर री ठैहराई री योजना ते पैल्ले ज्ञान रे मुताबिक पकड़वाए गे, तुसा अधार्मिक लोक्कां री मदद कने यीशु जो पकड़वाई करी ते सुली पर चढ़वाई करी मरवाई दित्ता,

प्रेरितां रे कम्म 3:15

ते तुसा ने हमेसा री जिन्दगी रे राजकुमार जो मारी रख्खेया, जिस जो परमेश्वर ने मुर्देयां बिच का जिन्दा कित्ता ते इस गल्ल रे असी गवाह हिन, ते तिन्निए तिसरा सीद्दा हत्थ पकड़ी करी तिसजो चुक्केया ते तिस्सी बेल्ले तिसेरे पैरां ते गोड्डेयां बिच जोर आई गेया।

प्रेरितां रे कम्म 4:10

तां तुसा सारे इस्राएली लोक्कां ने जाणी लैणा कि जिस नासरत कस्बे रे मसीह यीशु जो, तुसा ने सुली पर चढ़ाया थिया, ते जिस जो परमेश्वर ने मरे रे लोक्कां बिच का जिन्दा कित्ता, तिन्हेरे जरिए ए मणू तुसा रे सामणे ठीक-ठाक खड़ित्ते रा है।

प्रेरितां रे कम्म 5:30

असा रे बाबे-दादेयां रे परमेश्वर ने यीशु जो जिन्दा कित्तेया, जिस जो तुसा ने सुली पर लटकाई करी मारी रख्खेया थिया।

प्रेरितां रे कम्म 7:52

भविष्यद्वक्ता बिच का कुस जो तुसा रे बाबे-दादेयां ने नी तगं कित्ता? तिन्हा ने तिस धार्मिक रे आणे री खबर दैणे वाले तिन्हा पैल्ले जमाने रे लोक्कां जो मारी रख्खेया ते जां मसीह आए तां तुसा तिन्हा जो पकड़वाई करी मरवाई रखणे वाले मणू हिन।

1 कुरुन्थियों 10:5

पर परमेश्वर तिन्हा बिच का मते जणेया का खुस नी होए, इधेरे तांइ से बियाबान बिच ही मरी गे।

2 कुरुन्थियों 11:26

मैं घड़ी-घड़ी यात्रा अन्दर दरिया रे जोखिमां अन्दर, ड़ाकुआं रे जोखिमां अन्दर, अपणी जात वाले मणूआं रे जोखिमां अन्दर, गैर यहूदियां रे जोखिमां अन्दर, सहरां रे जोखिमां, अन्दर बणां रे जोखिमां अन्दर, समुन्दर रे जोखिमां अन्दर, झूठे विश्वासियां रे मझाटे जोखिमां अन्दर रेया।