1 थिस्सलुनीकियों 2:14 - चम्बयाली नौआ नियम

¹⁴ इस तांइ तुसां, ओ संगी विश्वासियों, परमेश्वर रे तिन्हा कलीसिया रे लोक्कां सांई जिन्दगी जीणा लगे जे यहूदियां प्रदेश बिच मसीह यीशु बिच हिन किजोकी तुसा भी अपणे ही प्रदेश रे लोक्कां का तैसा ही दुख पाया जदेया तिन्हा ने यहूदियां प्रदेश का पाया,

1 थिस्सलुनीकियों 2:14 ပူးပေါင်းရင်းမြစ်များ

प्रेरितां रे कम्म 11:19

स्तिफनुस रे मारे जाणे रे बाद, विश्वासियां पर बड़ा जुल्म कित्तेया गेया जिस कने से बिखरी करी फीनीके ते साइप्रस ते अन्ताकिया बिच जाई पूज्जे, पर यहूदी लोक्कां जो छड्डी करी होर कोई भी तिन्हेरे मसीह यीशु रा सुब बसेख नी सुणादे थिये।

प्रेरितां रे कम्म 13:50

पर यहूदी अधिकारियां ने भक्तां ते कुलीन जनानियां जो ते सहर रे बड़े मणूआं जो उकसाया, ते पौलुस ते बरनबास पर जोर जबरदस्ती करी के तिन्हा जो अपणे सहर का बाहर कड्डी दित्तेया।

प्रेरितां रे कम्म 14:19

पर किन्ने ही यहूदियां अधिकारियां ने अन्ताकिया ते इकुनियुम रे सहरां बिच आई करी मणूआं जो अपणे पास्से करी लेया, ते पौलुस पर बट्टे भणकाये, ते मरे रा समजी करी तिसजो सहर का बाहर धरीड़ी लेई गे।

प्रेरितां रे कम्म 14:2

पर नी मनणे वाले यहूदियां ने गैर यहूदियां मणूआं जो संगी विश्वासियां रे खिलाफ उकसाए, ते फूट पाई दित्ती।

प्रेरितां रे कम्म 14:4

पर सहर रे मणूआं बिच फूट पेई गई थी, इस कने किन्ने ही तां यहूदियां रे पास्से, ते कितणे ही खास प्रेरितां रे पास्से होई गे,

प्रेरितां रे कम्म 14:5

पर जां गैर यहूदियां ते यहूदी तिन्हेरी बेजती ते तिन्हेरे पर बट्टे बरसाणे तांइ अपणे सरदारां समेत तिन्हा पर दौड़े,

प्रेरितां रे कम्म 17:13

पर जां थिस्सलुनीके सहर बिच रैह्णे वाले यहूदी जाणी गे, कि पौलुस बिरीया सहर बिच भी परमेश्वर रा वचन सुणाया करदा है, तां तित्ते भी आई करी मणूआं जो उकसाणे ते हल्ला मचाणा लग्गे

प्रेरितां रे कम्म 18:12

जां गल्लियो अखाया प्रदेश रा राज्यपाल थिया तां यहूदी मणू पौलुस रे खिलाफ होई गे, ते तिसजो हिसाब-किताब री गद्दी रे सामणे लियाई करी, बोल्णा लग्गे।

प्रेरितां रे कम्म 8:1

शाऊल स्तिफनुस रे मारे जाणे बिच सहमत थिया। तिस्सी दिन का यरुशलेम सहर री कलीसिया पर बड़ा अत्याचार होणा सुरु होई गेया ते प्रेरितां जो छड्डी करी बाकि सारे यहूदियां ते सामरिया प्रदेश बिच बिखरी गे।

प्रेरितां रे कम्म 8:3

पर शाऊल कलीसिया रे लोक्कां पर जुल्म करदा थिया ते सारे जनानियां ते मर्दां जो धृड़ी-धृड़ी करी जेल बिच पाया करदा थिया।

प्रेरितां रे कम्म 9:1

शाऊल जे हल्ले तिकर प्रभु यीशु रे चेल्‍लेयां जो मारणे ते धमकाणे री धुन बिच थिया, प्रधान पुरोत्त का गेया।

प्रेरितां रे कम्म 9:13

हनन्याह ने जवाब दित्तेया, ओ प्रभु जी, मैं इस मणू रे बारे बिच मते जणेया का सुणे रा है कि तिसने यरुशलेम सहर बिच तुसा रे परमेश्वर रे लोक्कां री बड़ी वरी बुराई कित्त्ते री है,

प्रेरितां रे कम्म 9:31

इस तरिक्के कने सारे यहूदियां, गलील ते सारे सामरिया रे प्रदेशां बिच कलीसिया जो सांती मिल्ली अते तिसेरी तरक्की हुंदी गेई, ते से प्रभु रे डर ते पवित्रात्मा रे जरिए कलीसिया बिच मणू बदधे गे ते सारे खुशहाल रे।

1 कुरुन्थियों 10:32

जे किच्‍छ भी मैं करदा तिस बिच मैं सारेयां जो खुस करणे री कोसीस करदा, मैं सिर्फ अपणा फायदा नी सोचदा पर सारेयां रे फायदे तांइ सोचदा ताकि से मणू छुटकारा पाई सकण। तिय्यां ही तुसा इस तरिक्के कने जिन्दगी जियो कि यहूदी, गैर यहूदी ते परमेश्वर री कलीसियां रे लोक्कां तांइ मुसीबत री वजह बणो।

1 कुरुन्थियों 7:17

ते जिय्यां परमेश्वर ने हर इक्क जो जिस तरिक्के री जिन्दगी जीणे रा वरदान दित्ते रा है ते अप्पु का सद्दे रा है, से तिस्सी हिसाब कने अपणी जिन्दगी जीण, ते मैं भी सारी कलीसियां जो ए ही बोलदा।

गलातियों 1:22

पर यहूदियां प्रदेश बिच मसीह यीशु जो मनणे वाली कलीसिया रे लोक्कां ने मेरे जो कदी दिख्खे रा नी थिया,

1 थिस्सलुनीकियों 1:1

मैं पौलुस, सिलवानुस अते तीमुथियुस कने थिस्सलुनीकियों सहर री कलीसिया जो ए चीठ्ठी लिख्खेया करदा है जे परमेश्वर अते प्रभु यीशु मसीह बिच है। तुसा जो अनुग्रह अते सांती मिलदी रेह्।

1 थिस्सलुनीकियों 1:6

अते बड़ी मुसीबतां रे बिच तुसा ने पवित्रात्मा का मिलणे वाली खुसी कने सुब बसेख जो अपणाया ते प्रभु अते असा सांई जिन्दगी जीणा लगे।

1 थिस्सलुनीकियों 3:4

किजोकी पैल्ले भी जां असी तुसा कने थिये, तां तुसा जो बोल्ली दित्तेया थिया कि असा कने जुल्म होणे, अते इय्यां ही होए रा भी है, तुसा तां ए जाणदे।

2 थिस्सलुनीकियों 1:1

मैं पौलुस, सिलवानुस अते तीमुथियुस कने थिस्सलुनीकियों सहर री कलीसिया जो ए चीठ्ठी लिख्खेया करदा है जे पिता परमेश्वर ते मसीह यीशु रे मणू हिन।

2 थिस्सलुनीकियों 1:4

इधेरे तांइ असी अप्पु परमेश्वर री कलीसिया बिच संगी विश्वासियां सामणे तुसा पर गर्व करदे, हालांकि तुसा बड़े दुख ते मुसीबतां का गुजरे पर तुसा फिरी भी बड़े सबर कने सैहन्दे रे ते तुसा मसीह बिच विश्वास करणा नी छड्डेया।