1 थिस्सलुनीकियों 2:1 - चम्बयाली नौआ नियम

¹ ओ संगी विश्वासियों, तुसा अप्पु ही जाणदे की असा रा तुसा का ईणा बड़ा फायदेमंद होया,

1 थिस्सलुनीकियों 2:1 ပူးပေါင်းရင်းမြစ်များ

1 कुरुन्थियों 15:10

परमेश्वर रे अनुग्रह री वजह कने ही मैं प्रेरित बणेया, तिन्हेरा से अनुग्रह जे मेरे पर होया, तिसेरा मेरी जिन्दगी बिच बड़ा जादा असर रेया। मैं तिन्हा सारे प्रेरितां का बधी करी मैहनत भी कित्ती: तां भी ए मेरे पास्से का नी होया पर परमेश्वर रे अनुग्रह री वजह जे मेरे पर है।

1 कुरुन्थियों 15:2

तिसेरी ही वजह कने तुसा रा छुटकारा भी होणा जे अगर तुसा तिस सुब बसेख बिच विश्वास करणा ना छड्डो जे मैं तुसा जो सुणाया थिया। पर जे अगर तुसा ने तिस बिच विश्वास करणा छड्डी दित्तेया तां तुसा रा मसीह बिच विश्वास करणा बेकार होई जाणा।

1 कुरुन्थियों 15:58

इधेरे तांइ ओ मेरे प्यारे संगी विश्वासियों, विश्वास बिच मजबूत बणे रेयो ते गलत शिक्षां री वजह कने मत भटकदे, ते प्रभु रे कम्मां बिच हमेसा बदधे रेयो, किजोकी जे मैहनत तुसा प्रभु तांइ करदे से कदी बेकार नी जांदी।

2 कुरुन्थियों 6:1

असी जे परमेश्वर रे सहकर्मी हिन, छंदे करी के समझादें की परमेश्वर री अनुग्रह जे तुसा पर है, तिसजो बेकार मत जाणा देयो।

गलातियों 2:2

ते मैं तित्ते इधेरे तांइ गेया किजोकी परमेश्वर ने मेरे जो जाणे तांइ बोल्लेया थिया, अते जे सुब बसेख मैं गैर यहूदी लोक्कां बिच प्रचार करदा थिया, तिसजो मैं एकांत बिच कलीसिया रे प्रधान मणूआं जो सुणाया ताकि जे कम्म मैं पैल्ले कित्ते थिये से बेकार नी ठैहरे।

गलातियों 4:11

मैं तुसा रे कम्मां री वजह कने बड़ी फिकर बिच है कि जिन्नी मैहनत तुसा बिच कित्ती से कुथकी बेकार ना होई गे री हो।

फिलिप्पियों 2:16

ताकि जिस दिन मसीह यीशु ने हटी आणा तिस दिन मेरे जो ए घमंड होणा कि मेरी कोशीशां ते मैहनत फायदेमंद होई।

1 थिस्सलुनीकियों 2:13

इस तांइ असी भी परमेश्वर रा शुक्रिया लगातार करदे की जां असा रे जरिए परमेश्वर रे सुब बसेख रा वचन तुसा ने सूणेया, तां तुसा तिसजो मणूआं रा नी पर परमेश्वर रा वचन समजी करी अपणाया कि से हकीकत बिच तिन्हेरे हिन, ते ए ही सुब बसेख तुसा विश्वास करणे वालेयां लोक्कां री जिन्दगी बिच कम्म करदा।

1 थिस्सलुनीकियों 3:5

इधेरे तांइ जां मेरे का तुसा रा हालचाल जाणे बगैर रेया नी गेया, तां मैं तुसा रे विश्वास रा हाल जानणे तांइ तीमुथियुस जो भेज्जी दित्ता। मेरे जो ता ए डर थिया कि कुते शैतान ने तुसा जो परिक्षा बिच पाई करी भटकाई दित्ते रा हो ते असा री सारी मैहनत बेकार होई गे री हो।

2 थिस्सलुनीकियों 1:10

ए सारी चीजां तिस बेल्ले होणी जां मसीह यीशु ने तिन्हा लोक्कां का महिमा ते आदरमान पाणे तांइ हटी आणा जे तिन्हा बिच विश्वास करदे ते जे तिन्हेरे अपणे मणू हिन। तुसा भी तिन्हा लोक्कां बिच होणा किजोकी तुसा तिस बसेख पर विश्वास कित्तेया जे असा ने तुसा जो दस्सेया थिया।

2 थिस्सलुनीकियों 3:1

आखिर बिच, ओ संगी विश्वासियों, असा तांइ प्रार्थना करेया करो कि असी प्रभु रा बसेख तौले-तौले फैलाई सकण ते जिय्यां तुसा तिस पर विश्वास कित्तेया तिय्यां ही दूए मणू भी विश्वास करी सको।