1 थिस्सलुनीकियों 1:8 - चम्बयाली नौआ नियम

⁸ किजोकी तुसा रे प्रदेश का परमेश्वर रे सुब बसेख री जे धूम मची से ना सिर्फ मकिदुनिया अते अखाया बिच बल्कि परमेश्वर बिच तुसा रा विश्वास हर कुते मन्नेया गेया ते असा जो होर कुसकी जो किच्‍छ बोलणे री जरुरत नी है।

1 थिस्सलुनीकियों 1:8 ပူးပေါင်းရင်းမြစ်များ

प्रेरितां रे कम्म 18:12

जां गल्लियो अखाया प्रदेश रा राज्यपाल थिया तां यहूदी मणू पौलुस रे खिलाफ होई गे, ते तिसजो हिसाब-किताब री गद्दी रे सामणे लियाई करी, बोल्णा लग्गे।

रोमियों 1:8

पैल्ले मैं तुसा सारे वास्ते मसीह यीशु रे जरिए अपणे परमेश्वर रा शुक्रिया करदा, किजोकी जगाह्-जगह मसीह बिच तुसा रे विश्वास री गल्लां होया करदी हिन।

रोमियों 15:26

किजोकी मकिदुनिया ते अखाया प्रदेश रे विश्वासियां जो ए सही लग्गेया कि यरुशलेम सहर बिच रैह्णे वाले पवित्र मणूआं बिच जे गरीब विश्वासी हिन, तिन्हा जो दैणे तांइ किच्‍छ दान इक्कठा कित्ता जाए।

रोमियों 16:19

हर कोई जाणदा कि तुसा प्रभु रे बड़े आज्ञाकारी हिन: ते इस कने मेरे जो बड़ी वरी खुसी हुंदी। मैं चाह्‍ंदा कि तुसा भलाई रे कम्म करणे बिच ता समजदार बणो, पर बुरे कम्म तांइ भोले बणो।

1 कुरुन्थियों 14:36

किजो तुसा बिच किच्‍छ जणियां परमेश्वर रे दस्से गे री गल्लां जो नी मनणा चाह्‍ंदी? तुसा जो कै इय्यां लगदा कि परमेश्वर रे बसेख जो पैल्ली वरी दसणे वाली तुसा थियां? या कै से सिर्फ तुसा जो दित्तेया गेया थिया?

2 कुरुन्थियों 2:14

परमेश्वर रा शुकर हो, मसीह कने असा रा रिस्ता होणे री वजह कने से असा जो मसीह कने हमेसा लेई करी चलदे ते असा जो जीत दुआंदे। ते परमेश्वर अपणे मसीह जो जानणे री खुशबू जो इक्क महक सांई असा रे जरिये हर जगाह् फैलांदे।

2 कुरुन्थियों 3:4

असी इय्यां इधेरे तांइ बोलदे किजोकी मसीह यीशु रे जरिए, परमेश्वर रे सामणे असा जो इदेइ हिम्मत हुंदी।

कुलुस्सियों 3:16

जिय्यां कि तुसा इक्क दूए जो बड़ी समजदारी ते ज्ञान कने सिखांदे हिन, ते बड़ी शुकरगुज़ारी कने परमेश्वर तांइ भजन, स्तुतीगान ते आत्मिक गीत गाया करदे हिन, तिस कने कने ही मसीह रे वचनां जो अप्पु अंदर भरपुरी कने बसणा देयो।

2 थिस्सलुनीकियों 1:4

इधेरे तांइ असी अप्पु परमेश्वर री कलीसिया बिच संगी विश्वासियां सामणे तुसा पर गर्व करदे, हालांकि तुसा बड़े दुख ते मुसीबतां का गुजरे पर तुसा फिरी भी बड़े सबर कने सैहन्दे रे ते तुसा मसीह बिच विश्वास करणा नी छड्डेया।

2 थिस्सलुनीकियों 3:1

आखिर बिच, ओ संगी विश्वासियों, असा तांइ प्रार्थना करेया करो कि असी प्रभु रा बसेख तौले-तौले फैलाई सकण ते जिय्यां तुसा तिस पर विश्वास कित्तेया तिय्यां ही दूए मणू भी विश्वास करी सको।

1 तीमुथियुस 2:8

मैं चाह्‍ंदा कि हर प्रार्थना सभा बिच पवित्र जिन्दगी जीणे वाले मर्द हत्थां जो चुक्की करी बगैर कुसकी गुस्से ते बैह्सबाजी रे प्रार्थना करेया करे।

2 तीमुथियुस 2:9

मैं मुजरिमां सांई तकलिफां सहन करेया करदा है किजोकी मैं सुब बसेख रा प्रचार करदा, इत्ते तिकर मैं कैद बिच भी पाया गे रा है, पर परमेश्वर रे बसेख जो फैलणे का कोई नी रोक्की सकदा।

3 यूहन्ना 1:12

कलीसिया बिच सारे मणू बोलदे कि दिमेत्रियुस खरा मणू है किजोकी से परमेश्वर रे सच्चे बसेख रे हिसाब कने चलदा। ते असी भी बोलदे कि से खरा मणू है ते तू ए जाणदा कि असा री गवाई सच्ची है।

प्रकाशित वाक्य 14:6

फिरी मैं इक्क होर स्वर्गदूत जो आसमान बिच उड़दे दिख्खेया जिस का धरती बिच रैह्णे वाले इक्क कुल, देस, भाषा, ते लोक्कां जो सुनाणे तांइ हमेसा सुब बसेख थिया।

प्रकाशित वाक्य 22:17

पवित्रात्मा ते उरणू री नौई लाड़ी यीशु जो बोलदे, “तुसां रा आणा जरुरी है।” हर बसेख जो सुनणे वाले हर इक्क मणू जो बोलणा जरुरी है, “आ!” जे कोई भी प्यासा है से जरुर आए ते तिस पाणी जो अपणाए जिस कने मुफ्त बिच जिन्दगी मिलदी।