1 थिस्सलुनीकियों 1:5 - चम्बयाली नौआ नियम5 किजोकी मसीह यीशु रा सुब बसेख तुसा का ना सिर्फ गल्लां बिच, पर पवित्रात्मा री ताकत अते मजबूत भरोस्से कने पूजाया गेया। तुसा जाणदे कि जां असी तुसा रे कने थिये, तां कुस तरिक्के री जिन्दगी जिया करदे थिये। အခန်းကိုကြည့်ပါ။ |
1 थिस्सलुनीकियों 1:5
60 ပူးပေါင်းရင်းမြစ်များ
परमेश्वर रा बसेख इक्क बीह् सांई है जे जमीन बिच बाया गेया। मैं तुसा लोक्कां जो सुब बसेख सुणाया जिय्यां इक्क मणू खेत्तर बिच बीह् बांदा, ते अपुल्लोस ने तिस कम्म जो शिक्षा दैणे कने जारी रख्खेया जिय्यां इक्क मणू पौधेयां जो पाणी दिंदा पर सिर्फ परमेश्वर ने ही तुसा जो आत्मिक रुप कने बधणे रे काबिल बणाया जिय्यां से पौधेयां जो बधांदे।
पर परमेश्वर ने तिन्हा भविष्यद्वक्तां जो ए दस्सेया कि ए बसेख तिन्हा तांइ नी पर तुसा लोक्कां तांइ है। से बसेख मसीह यीशु रा सुब बसेख है जिस जो अवे तुसा सुणी चुके रे हिन। तुसा जो सुब बसेख सुनाणे तांइ लोक्कां री मदद तांइ परमेश्वर ने स्वर्ग का अपणे पवित्रात्मा जो भेज्जेया थिया। स्वर्गदूत भी इन्हा गल्लां जो बड़े उत्तेजित होई करी दिख्खेया करदे हिन।
असा रे प्रभु मसीह यीशु रे पिता ते परमेश्वर रा शुक्रिया हो। असा पर तिन्हेरी दया री वजह कने तिन्हा ने मसीह यीशु जो मरे रे लोक्कां बिच का फिरी जिन्दा करी के असा जो इक्क नौई जिन्दगी दित्ती, ते तिन्हा ने असा जो बड़े हौंसले कने जीणे रे जोग्गे बणाया, इसेरा मतलब ए है कि असी तिन्हा सारी चीजां जो पाणे री आस रख्खी सकदे जिस जो दैणे रा वादा परमेश्वर ने असा ने कित्ते रा है।
इधेरे तांइ असी भविष्यद्वक्तां री बोल्ले री गल्लां बिच होर भी जादा हिम्मत रखदे। जे अगर तुसा इस बसेख पर ध्यान दिंगे ता से बड़ी बदिया गल्ल होणी, किजोकी ए इक्क दीये सांई है जे न्याहरे बिच तां तांइ चमकदी जां तांइ दिन नी आई जांदा ते मसीह री रौसनी तुसा रे दिल बिच नी चमकदी, बिल्कुल तिय्यां ही जिय्यां भ्याग्गे रा तारा इस दुनिया बिच रौसनी लांदा।
ကြော်ငြာတွေ