1 थिस्सलुनीकियों 1:3 - चम्बयाली नौआ नियम

³ जां असी पिता परमेश्वर का प्रार्थना करदे तां असी तुसा लोक्कां रे विश्वास रे हिसाब रे कम्मां जो, ते विश्वासी लोक्कां तांइ तुसा रे प्यार भरे कम्मां जो, ते मसीह यीशु रे हटणे री आस बिच मुसीबतां रे दौरान तुसा रे सबर रखणे जो भी याद करदे।

1 थिस्सलुनीकियों 1:3 ပူးပေါင်းရင်းမြစ်များ

यूहन्ना 14:15

जे तुसा मेरे कने प्यार करदे तां मेरे हुकमा जो मन्नो।

यूहन्ना 15:10

जे तुसा मेरे हुकमां जो मंनगे, तां मेरे प्यार बिच बणी रैहन्गे, तिय्यां ही जिय्यां मैं अपणे पिता रे हुकमां जो मनदा अते तिन्हेरे प्यार बिच बणी रैहन्दा।

प्रेरितां रे कम्म 10:31

ते बोलणे लग्गेया, ओ कुरनेलियुस, तेरी प्रार्थना ते तेरे दान जो परमेश्वर ने ग्रहण कित्ते रा है,

प्रेरितां रे कम्म 3:19

इस तांइ, तौबा करो ते परमेश्वर रे पास्से हटी आओ की तुसा रे पाप मिटाए जाण, जिस कने तुसा जो परमेश्वर रे पास्से का सुख-चैन रे दिन मिलण,

रोमियों 12:12

जे परमेश्वर ने असा तांइ करणा तिस आस बिच खुस रेयो, मुसीबतां बिच सबर रख्खो, प्रार्थना बिच लगातार लग्गी रेयो।

रोमियों 15:13

मैं आस दैणे वाले परमेश्वर का प्रार्थना करदा, कि तुसा जो विश्वास करणे बिच पूरे तरिक्के खुसी ते सांती दे, ताकि पवित्रात्मा री ताकत कने तुसा री उम्मीद बदधी जाओ।

रोमियों 15:4

जिन्नी गल्लां पैल्ले पवित्रशास्त्र बिच लिख्खी गे री हिन, से असा जो शिक्षा दैणे तांइ ही लिख्खी गे री हिन, कि असी सबर ते पवित्रशास्त्र का मिलणे वाले प्रोत्साहन कने ए आस बणाई रखण, कि परमेश्वर ने वादा कित्ते रा है तिसजो तिन्हा ने पूरा करणा।

रोमियों 16:26

ते जिय्यां कि परमेश्वर ने पैल्ले का हुकम दित्तेया, ते भविष्यद्वक्तां ने पवित्रशास्त्र बिच दस्से रा है, ए लुके री गल्ल अवे गैर यहूदियां बिच दस्सी दित्ती गे री है, ताकि से मणू अवे परमेश्वर पर विश्वास करणे वाले ते तिन्हेरे हुकमां जो मनणे वाले मणू बणी जाण।

रोमियों 16:6

मरियम जो मेरा नमस्कार, जिन्हा ने तुसा तांइ बड़ी वरी मैहनत कित्ती।

रोमियों 2:7

जे ठीक कम्मां बिच टिके रेई करी महिमा, इज्जत ते हमेसा री जिन्दगी री खोज बिच हिन, परमेश्वर ने तिन्हा लोक्कां जो हमेसा री जिन्दगी दैणी।

1 कुरुन्थियों 13:13

पर अवे ए त्रै तरिक्के री चीजां हिन जे असा जो करणा चाएदी। परमेश्वर बिच विश्वास रखणा, परमेश्वर रे वादेयां री आस रखणा ते सारेयां जो प्यार करणा। पर इन्हा त्रैन्नी चीजां बिच का परमेश्वर ते सारेयां जो प्यार करणा सबका जादा जरुरी है।

1 कुरुन्थियों 15:58

इधेरे तांइ ओ मेरे प्यारे संगी विश्वासियों, विश्वास बिच मजबूत बणे रेयो ते गलत शिक्षां री वजह कने मत भटकदे, ते प्रभु रे कम्मां बिच हमेसा बदधे रेयो, किजोकी जे मैहनत तुसा प्रभु तांइ करदे से कदी बेकार नी जांदी।

2 कुरुन्थियों 2:17

असी उन्हा केई मणूआं सांई नी हिन, जे पैसे रे लालच बिच परमेश्वर रे वचन बिच हेराफेरी करदे हिन, पर असी ए जाणदे होए कि परमेश्वर असा जो भेज्जे रा है, ते से असा जो दिख्खेया करदे हिन, ते असी मसीह रे हक कने हमेसा सच्चाई कने शिक्षा दिंदे।

गलातियों 1:4

असा रे परमेश्वर ते पिता री मर्जी रे हिसाब कने मसीह यीशु ने असा रे पाप्पां तांइ अप्पु जो कुर्बान होणे तांइ देई दित्तेया, ताकि असा जो अज्ज रे इस बुरे दुनिया रे असर का बची रैह्ण।

गलातियों 5:13

ओ संगी विश्वासियों, परमेश्वर ने तुसा जो अजाद होणे तांइ सद्दे रा है इधेरे तांइ अवे तुसा जो मूसा रा कानून मन्नी करी चलणे री जरुरत नी है। अपणे सरीर री बुरी इच्छा जो पूरा करणे रा मौक्का मत देयो बल्कि आपसी प्यार कने इक्क-दूए री सेवा करो।

गलातियों 5:6

जां असी मसीह यीशु बिच विश्वास करणा सुरु करी दिंदे तां यहूदी या गैर यहूदी होणे रा कोई फरक नी रैहन्दा। पर जरुरी गल्ल ए है कि असी मसीह बिच विश्वास करदे ते तिस वजह कने परमेश्वर ते बाकि मणू प्यार रखदे।

गलातियों 6:9

असा जो नेक कम्म करणे तांइ हिम्मत नी छडणी चाएदी, किजोकी जे अगर असी हिम्मत ना छड्डे तां असा ने परमेश्वर रे ठैहराए रे समय पर ईनाम पाणा।

1 थिस्सलुनीकियों 3:6

पर तीमुथियुस अब्बे तुसा री जगाह् का असा का पूज्जे रा है। तिसने असा जो तुसा रे विश्वास ते प्यार रा सुब बसेख भी दित्तेया। तिसने असा जो ए भी दस्सेया कि तुसा असा जो बड़ा याद करदे ते असा कने मिलणा चाह्‍ंदे जिय्यां असी भी तुसा कने मिलणा चाह्‍ंदे।

2 थिस्सलुनीकियों 1:11

इधेरे तांइ असी हमेसा तुसा तांइ प्रार्थना भी करदे कि परमेश्वर तुसा जो तैसी जिन्दगी जीणे रे लायक बनाण जे जीणे तांइ तिन्हा ने तुसा जो सद्दे रा है। ते से तुसा अपणी ताकत रे हिसाब कने चलाण ताकि तुसा रा हर इक्क खरा मकसद ते हर इक्क चीज तुसा विश्वास कने करदे से पूरा होई जाए।

2 थिस्सलुनीकियों 1:3

ओ संगी विश्वासियों, असा जो तुसा तांइ हमेसा परमेश्वर रा शुकर करणा चाएदा। इय्यां करणा ठीक है किजोकी तुसा मसीह बिच विश्वास करणे बिच होर जादा मजबूत होया करदे हिन ते तुसा बिच आपसी प्यार भी बदेया करदा है।

1 तीमुथियुस 1:14

परमेश्वर ने लगातार मेरे पर भरपूर अनुग्रह कित्तेया, ते तिन्हा ने मेरे जो मसीह यीशु बिच विश्वास ते प्यार दित्तेया।

1 तीमुथियुस 2:3

इय्यां प्रार्थना करणा ठीक गल्ल है ते ए असा जो छुटकारा दैणे वाले परमेश्वर जो खरा लगदा।

इब्रानियों 10:36

किजोकी तुसा जो सबर रखणा जरुरी है, ताकि तुसा परमेश्वर री मर्जी जो पूरा करी के, तिन्हा जो खुस करी सको ते तुसा ने तिस ईनाम जो पाणा जिसेरा वादा परमेश्वर ने कित्ते रा है।

इब्रानियों 11:17

परमेश्वर ने अब्राहम कने वादा कित्ते थिया कि, तिसेरे इकलौत्ते मुंडे इसहाक का तिसेरा ‍खानदान बधणा। पर जां अब्राहम परखेया गेया, तां तिनिये विश्वास रख्खेया, ते इत्ते तिकर कि अपणे मुंडे इसहाक जो कुर्बानी करणे तांइ भी तैयार होई गेया।

इब्रानियों 13:21

ते परमेश्वर प्रभु यीशु मसीह री ताकत कने तुसा बिच से हर इक्क ठीक चीज पैदा करे, जिस कने से खुस हुंदे, जिस कने तिन्हेरी महिमा हमेसा-हमेसा तिकर हुंदी रेयो। आमीन।

इब्रानियों 4:11

इधेरे तांइ असी भी तिस अराम री जगाह् बिच जाणे तांइ हर कोसीस करदे रैह्ण, कुसकी जो भी तिन्हा लोक्कां सांई नी चलणा चाएदा जिन्हा ने परमेश्वर रे हुकमां री ना-फरमानी कित्ती। तां असा ने अराम री जगाह् बिच जाणा।

इब्रानियों 6:15

ते इस तरिक्के कने अब्राहम ने सबर करी के परमेश्वर रे वादे जो हासिल कित्ता।

1 पतरस 3:4

निम्ते ते चुप्प रेई करी अपणे दिल का खूबसुरत बणो। इदेइ खूबसुरती हमेसा तांइ रेह्न्दी ते परमेश्वर री नजर बिच ए कीमती है।

1 यूहन्ना 3:18

ओ प्यारे बच्चों, असा रा प्यार सिर्फ गल्लां बिच ही नी रैह्णा चाएदा बल्कि से कम्मां बिच दिसणा चाएदा अते सच्चा होणा चाएदा।

1 यूहन्ना 3:21

ओ प्यारे विश्वासियों, जे अगर असा रा मन असा जो दोषी नी ठेहरांदा तां असा जो परमेश्वर का प्रार्थना करणे री हिम्मत मिलदी।

1 यूहन्ना 3:3

हर कोई जे मसीह पर इदेयी आस रखदा, से अप्पु जो तिय्यां ही पवित्र रखदा, जिय्यां मसीह यीशु पवित्र है।

1 यूहन्ना 5:3

परमेश्वर कने प्यार करणे रा मतलब ए है कि असी तिन्हेरे हुकमां जो मन्ने ते तिन्हेरे हुकम मुस्किल नी हिन।

प्रकाशित वाक्य 2:19

मैं जाणदा कि तुसा इक्क-दूए कने प्यार करदे ते तुसा मेरे पर बड़ा वरी विश्वास करदे। मैं जाणदा कि तुसा किय्यां इक्क-दूए री मदद करदे, ते तुसा रे सबर कने सहन करणे री खूबी जो भी मैं जाणदा। मैं जाणदा कि तुसा अवे ए सब किच्‍छ तिस समय का जादा करेया करदे हिन जां तुसा पैल्ली वरी मेरे पर विश्वास कित्तेया थिया।

प्रकाशित वाक्य 3:10

इधेरे तांइ तुसा ने सबर कने जुल्मां जो सैह्णे रा मेरा हुकम मन्नेया। तिस वजह कने, मैं तुसा जो परिक्षा रे समय बिच बचाणा। ए परिक्षा रा समय दुनिया रे हर इन्सान री जिन्दगी बिच आणा।