1 थिस्सलुनीकियों 1:2 - चम्बयाली नौआ नियम

² असी हमेसा तुसा तांइ परमेश्वर रा शुकर करदे ते प्रार्थना बिच तुसा जो याद रखदे।

1 थिस्सलुनीकियों 1:2 ပူးပေါင်းရင်းမြစ်များ

रोमियों 6:17

पर परमेश्वर रा शुकर हो, कि तुसा जे पाप रे गुलाम थिये, अवे मन कने तिन्हा शिक्षां जो मनणे वाले बणी गेरे हिन, जे मैं तुसा जो मसीह रे बारे बिच सिखाई थी।

1 कुरुन्थियों 1:4

मैं तुसा तांइ परमेश्वर रा बड़ा शुकर करदा किजोकी तिन्हा ने बड़े अनुग्रह कने तुसा रा रिस्ता मसीह यीशु कने जोड़ी करी अपणी आशीषां दित्ते री हिन। खासतौर पर तिन्हा ने तुसा जो मते तरिक्के रे आत्मिक वरदान दित्ते रे हिन, ताकि तुसा दूज्जे लोक्कां जो तिन्हेरे बसेख ते वचन रे ज्ञान रे बारे बिच दस्सी सको। इधेरे तांइ परमेश्वर ने तुसा लोक्कां बिच ए साबित कित्ते रा है कि मसीह यीशु रा सुब बसेख सच है।

कुलुस्सियों 1:3

असी हमेसा तुसा तांइ प्रार्थना करदे ते असा रे प्रभु यीशु मसीह रे पिता मतलब कि परमेश्वर रा शुकर करदे।

1 थिस्सलुनीकियों 2:13

इस तांइ असी भी परमेश्वर रा शुक्रिया लगातार करदे की जां असा रे जरिए परमेश्वर रे सुब बसेख रा वचन तुसा ने सूणेया, तां तुसा तिसजो मणूआं रा नी पर परमेश्वर रा वचन समजी करी अपणाया कि से हकीकत बिच तिन्हेरे हिन, ते ए ही सुब बसेख तुसा विश्वास करणे वालेयां लोक्कां री जिन्दगी बिच कम्म करदा।

1 थिस्सलुनीकियों 3:9

तुसा री वजह कने असा जो जे खुसी मिल्ली तिस तांइ असी परमेश्वर रा जिन्ना भी जादा शुक्रिया करण से घट है।

2 थिस्सलुनीकियों 1:3

ओ संगी विश्वासियों, असा जो तुसा तांइ हमेसा परमेश्वर रा शुकर करणा चाएदा। इय्यां करणा ठीक है किजोकी तुसा मसीह बिच विश्वास करणे बिच होर जादा मजबूत होया करदे हिन ते तुसा बिच आपसी प्यार भी बदेया करदा है।

फिलेमोन 1:4

मैं हमेसा तुसा जो प्रार्थना बिच याद करदा ते तुसा तांइ परमेश्वर रा शुक्रिया करदा।