1 थिस्सलुनीकियों 1:10 - चम्बयाली नौआ नियम

¹⁰ अते स्वर्ग का परमेश्वर रे पुत्तर मतलब यीशु रे हटणे री भाल करो, जिस जो परमेश्वर ने मरे रेयां बिच का जिंदा कित्तेया अते तिन्हा ने ही परमेश्वर रे आणे वाले न्याय का असा जो बचाणा।

1 थिस्सलुनीकियों 1:10 ပူးပေါင်းရင်းမြစ်များ

मत्ती 1:21

तिसने इक्क मुंडे जो जमणा, ते तू तिसेरा नां यीशु रख्खेया, किजोकी तिनिए सारी दुनिया रे मणूआं रा तिन्हेरे पाप्पां का छुटकारा दैणा।”

मत्ती 16:27

किजोकी मणू रा पुत्तर, जे मैं ही है अपणे स्वर्गदूतां कने अपणे पिता री महिमा बिच आणे वाला है तां तिन्ने हर इक्क मणू जो तिसेरे कम्मां रे हिसाब कने ईनाम दैणा।

मत्ती 16:28

“मैं तुसा कने सच बोलदा कि इत्ते खड़ितेरे लोक्कां बिच का किच्‍छ, इदेय भी हिन कि जां तांइ मणू रे पुत्तर, जे मैं ही है जो तिसेरे राज बिच का आन्दे नी दिख्खी लिन्दे, तां तांइ तिन्हा ने मौत नी दिखणी।”

मत्ती 3:7

जां यूहन्ना बपतिस्मा दैणे वाले ने मते सारे फरीसी ते सदूकी लोक्कां जो बपतिस्मा लैणे तांइ अप्पु का आंदे दिख्खेया, तां तिन्हा जो बोल्लेया, “ओ जहरिल्ले कीड़ेयां रे बच्चेयों, तुसा जो कुसने परमेश्वर री सजा का बचणे तांइ खबरदार कित्तेया?”

लूका 2:25

तिन्हा दिनां बिच, यरुशलेम सहर अन्दर शमौन नां रा इक्क मणू रैहन्दा थिया, से परमेश्वर रे रस्ते पर चलणे वाला, भला अते नेक मणू थिया, से बड़ी उम्मीद कने मसीह रे आणे रा इंतजार करेया करदा थिया ताकि से आई करी इस्राएल रे मणूआं जो सांती दये, ते शमौन पवित्रात्मा रे गलाये चलदा थिया।

लूका 3:7

यूहन्ना ने तिन्हा सबणी मणूआं जो बोल्लेया, जे तिसका बपतिस्मा लैणे जो आए रे थिये, ओ जहरिल्ले सप्प सांई बुरे लोक्कों, तुसा जो कुसने दस्सेया तुसा परमेश्वर रे आणे वाले क्रोध का बचो?

प्रेरितां रे कम्म 1:11

ते तिन्हेरे जो बोल्लेया, ओ गलीली मणूओं, तुसा किजो खड़ी करी आसमान पास्से दिख्खेया करदे हिन? ए ही यीशु, जे तुसा रे का स्वर्ग पर चुक्की लित्ते गेरे हिन, जिस तरिक्के कने तुसा उन्हा जो स्वर्ग पर जादें दिख्खेया तिसी तरिक्के कने उन्हा ने फिरी हटणा।

प्रेरितां रे कम्म 17:31

किजोकी तिन्हा ने इक्क रोज पक्का कित्तेया है, तिन्हा मणूआं रे जरिए धर्म कने दुनिया रा हिसाब-किताब करणा, जिन्हा जो तिन्हा ने चुणे रा है तिन्हा जो मरे रेयां बिच का जिंदा करणा, ए गल्ल सबनियां पर प्रमाणित करी दित्ती गे री है।

प्रेरितां रे कम्म 2:24

पर तिन्हा ही जो परमेश्वर ने मौत रे बधंन का छुड़ाई करी जिन्दा करी दित्ता, किजोकी ए नामुमकिन थिया कि से तिसेरे वस बिच रैहन्दे,

प्रेरितां रे कम्म 2:32

इसी यीशु जो परमेश्वर ने जिन्दा कित्तेया, जिसेरे असी सारे गवाह हिन

प्रेरितां रे कम्म 3:15

ते तुसा ने हमेसा री जिन्दगी रे राजकुमार जो मारी रख्खेया, जिस जो परमेश्वर ने मुर्देयां बिच का जिन्दा कित्ता ते इस गल्ल रे असी गवाह हिन, ते तिन्निए तिसरा सीद्दा हत्थ पकड़ी करी तिसजो चुक्केया ते तिस्सी बेल्ले तिसेरे पैरां ते गोड्डेयां बिच जोर आई गेया।

प्रेरितां रे कम्म 3:21

जरुरी है कि से स्वर्ग बिच तिस बेल्ले रैह्ण जां तिकर की से सारी चीजां जो दुबारा नौआ ना बणाई लये, जिस गल्ल रा वादा परमेश्वर ने अपणे पवित्र भविष्यद्वक्ताओं कने बड़े पैल्ले कित्ता थिया।

प्रेरितां रे कम्म 4:10

तां तुसा सारे इस्राएली लोक्कां ने जाणी लैणा कि जिस नासरत कस्बे रे मसीह यीशु जो, तुसा ने सुली पर चढ़ाया थिया, ते जिस जो परमेश्वर ने मरे रे लोक्कां बिच का जिन्दा कित्ता, तिन्हेरे जरिए ए मणू तुसा रे सामणे ठीक-ठाक खड़ित्ते रा है।

रोमियों 1:4

ते जां से पवित्रात्मा री ताकत कने मरे रे लोक्कां बिच का फिरी जिन्दे कित्ते गे, तां से परमेश्वर रे पुत्तर ठैहरे।

रोमियों 2:7

जे ठीक कम्मां बिच टिके रेई करी महिमा, इज्जत ते हमेसा री जिन्दगी री खोज बिच हिन, परमेश्वर ने तिन्हा लोक्कां जो हमेसा री जिन्दगी दैणी।

रोमियों 4:25

मसीह यीशु असा रे पाप्पां तांइ पकड़वाए गे ते मारे गे, ते असा जो धार्मिक ठैहराणे तांइ परमेश्वर ने तिन्हा जो जिन्दा भी कित्ता।

रोमियों 8:34

इदेया कोई नी है जे असा पर सजा रा हुकम देई सके, किजोकी से मसीह यीशु ही हिन जे असा तांइ मरे ते मुर्देयां बिच का जिन्दे होई गे, ते परमेश्वर रे सज्जे पास्से बैठ्ठे रे हिन, ते असा तांइ बिनती करेया करदे हिन।

1 कुरुन्थियों 1:7

ते इसी वजह कने पवित्रात्मा ने तुसा जो आत्मिक वरदान दित्ते रे हिन जां हल्ले तुसा मणू मसीह यीशु रे हटणे रा इंतजार करेया करदे हिन।

गलातियों 3:13

मसीह यीशु ने असा जो मूसा रे कानून रे श्राप का छुटकारा दैणे तांइ तिस श्राप जो अपणे उप्पर लेई करी सुली पर अपणी जान देई दित्ती, किजोकी पवित्रशास्त्र बिच लिख्खे रा है, “शापित है से मणू जे सुली पर मरदा।”

फिलिप्पियों 3:20

पर असी स्वर्ग रे मणू जित्ते असा रे छुटकारा दैणे वाले प्रभु यीशु मसीह रैहन्दे। ते असी बेसबरी कने तिन्हेरे हटणे रा उतालेपन कने इंतजार करेया करदे हिन।

कुलुस्सियों 1:18

से ही कलीसिया जो, जे तिन्हेरे सरीर सांई है, सही मायने बिच चलांदे ते से अप्पु कलीसिया रे सिर हिन। से ही सुरुआत हिन, ते से ही मुर्देयां बिच का फिरी जिन्दे होणे वाले पैल्ले हिन, ताकि हर इक्क चीज बिच से ही प्रधान ठेहरण।

1 थिस्सलुनीकियों 1:7

इसी तरिक्के कने तुसा मकिदुनिया प्रदेश अते अखाया प्रदेश रे विश्वासियां तांइ मिसाल बणी गे।

1 थिस्सलुनीकियों 2:16

ते से असा जो गैर यहूदी लोक्कां बिच तिन्हेरे छुटकारे रा सुब बसेख बंडणे का रोकदे ताकि तिन्हेरे पाप रा घड़ा भरी जाओ, पर अवे आखिर बिच परमेश्वर तिन्हा लोक्कां जो सजा दैणे वाले हिन।

1 थिस्सलुनीकियों 2:7

पर जिय्यां मां अपणे बच्चेयां रा पालण-पोषण करदी, तिय्यां ही असी भी तुसा मझाटे रेई करी कौमलता दिखाई

1 थिस्सलुनीकियों 5:9

किजोकी परमेश्वर ने असा जो अपणे गुस्से बिच सजा दैणे तांइ नी चुणे रा है पर मसीह यीशु रे जरिए छुटकारा पाणे तांइ चुणे रा है।

2 तीमुथियुस 4:1

जां मसीह यीशु ने इक्क राज्जे रे रुप बिच राज करणे तांइ आणा, तां तिन्हा ने जिन्दा लोक्कां रा ते मरे रे लोक्कां रा भी हिसाब-किताब करणा। इधेरे तांइ परमेश्वर ते मसीह जो गवाह मन्नी करी मैं तेरे पर इस गल्ल रा जोर पांदा

तीतुस 2:13

असी इस तरिक्के कने बर्ताव करदे किजोकी असी बड़ी बेसबरी कने तिस अनौखे दिन रा इंतजार करेया करदे हिन, जां असा जो छुटकारा दैणे वाले मसीह ने जे असा रे परमेश्वर हिन, अपणी महिमा कने इस धरती पर हटी आणा।

इब्रानियों 10:27

हाँ, तां फिरी असा जो बड़े डर कने ए गल्ल जाणी लैणी चाएदी कि परमेश्वर ने तिन्हा विरोधी लोक्कां का हिसाब लैणा ते तिन्हा जो नरक री आग्ग बिच पाई करी सजा दैणी।

इब्रानियों 9:28

तिय्यां ही मसीह भी मते जणेया रे पाप्पां री माफी तांइ इक्क वरी कुर्बानी होए। तिन्हा ने इक्क वरी फिरी हटी करी आणा, पर असा रे पाप्पां तांइ नी, पर तिन्हा लोक्कां जो बचाए जाणे तांइ जे बड़ी लगन कने तिन्हेरा इंतजार करेया करदे हिन।

1 पतरस 1:21

मसीह यीशु ने जे असा तांइ कित्तेया तिसेरी वजह कने अवे तुसा परमेश्वर बिच विश्वास करदे। तिन्हा ने ही मसीह यीशु जो मुर्देयां बिच का फिरी जिन्दा कित्तेया ते तिन्हा जो महिमा दित्ती। इधेरे तांइ परमेश्वर बिच तुसा रा विश्वास ते आस अवे मजबूत है।

1 पतरस 1:3

असा रे प्रभु मसीह यीशु रे पिता ते परमेश्वर रा शुक्रिया हो। असा पर तिन्हेरी दया री वजह कने तिन्हा ने मसीह यीशु जो मरे रे लोक्कां बिच का फिरी जिन्दा करी के असा जो इक्क नौई जिन्दगी दित्ती, ते तिन्हा ने असा जो बड़े हौंसले कने जीणे रे जोग्गे बणाया, इसेरा मतलब ए है कि असी तिन्हा सारी चीजां जो पाणे री आस रख्खी सकदे जिस जो दैणे रा वादा परमेश्वर ने असा ने कित्ते रा है।

1 पतरस 2:21

तुसा इधेरे तांइ भी सद्दे गेरे हिन ताकि तुसा परमेश्वर तांइ दुख सहन करो। मसीह इस गल्ल रा उदारण हिन जिन्हा ने तुसा तांइ दुख सहन कित्तेया। इधेरे तांइ तुसा जो से सब तिय्यां ही करणा चाएदा जिय्यां तिन्हा कित्तेया।

1 पतरस 3:18

मैं ए इधेरे तांइ बोल्लेया करदा है किजोकी मसीह ने असा रे पाप्पां रे बदले जुल्म सैह्‍ण कित्तेया ते मारे गे। से इक्क ही वरी मरे ते तिय्यां दुबारा करणे री जरुरत नी है। से अप्पु धार्मिक थिये जिन्हा असा जो परमेश्वर रे नेड़े अणने तांइ असी पाप्पी लोक्कां तांइ अपणी जान देई दित्ती। लोक्कां ने तिन्हेरे सरीर जो मारी छड्डेया पर तिन्हेरी आत्‍मा हल्ले भी जिया करदी है।

2 पतरस 3:12

जां तुसा बड़ी बेसबरी कने तिस दिन रा इंतजार करेया करदे हिन जे परमेश्वर ने मसीह रे हटणे तांइ रख्खे रा है तां तुसा इसी तरिक्के कने बोल-चाल बणाई रख्खो, ते तिस दिन जो तौले लाणे तांइ तुसा पूरी कोसीस करो। तिस दिन परमेश्वर ने आसमान जो आग्ग के मुकाई दैणा, ते आग्ग री गरमी ने आसमान री सब चीजां जो गलाई दैणा।

2 पतरस 3:14

इधेरे तांइ मेरे प्यारे दोस्तों, जां तुसा तिस दिन रा इंतजार करेया करदे हिन, तां तुसा जो अपणी पूरी कोसीस करणा जरुरी है कि से तुसा जो सुच्चा, बेदाग ते अप्पु कने सांती बिच पाए।

प्रकाशित वाक्य 1:18

मैं जिंदा है। मैं मरी गेया थिया, पर अवे दिख, मैं हमेसा-हमेसा तांइ जिंदा है। मौत अते पताल जित्ते मरे रे लोक्कां री आत्मां रेह्न्दी, तिस पर मेरा हक है।

प्रकाशित वाक्य 1:7

सुणो, मसीह यीशु ने बदलां पर आणा ते हर इक्क मणू ने तिन्हा जो दिखणा, इत्ते तिकर तिन्हा लोक्कां ने तिन्हेरे जो आंदे दिखणा, जिन्हा ने तिन्हा हो सुली पर चढाया थिया। ते धरती रे सारे मणूआं ने तिन्हा जो आंदा दिख्खी करी बड़ी लेरां मारी-मारी करी रोणा। हाँ, ए होणे वाला है, आमीन!