1 पतरस 5:9 - चम्बयाली नौआ नियम

⁹ तुसा जो अपणे मजबूत विश्वास कने तिसेरा सामणा करणा चाएदा। याद रख्खो, पूरी दुनिया बिच सारे विश्वासी तैसे ही जुल्म सहन करेया करदे हिन जदेय तुसा सहन करेया करदे हिन।

1 पतरस 5:9 ပူးပေါင်းရင်းမြစ်များ

लूका 22:32

पर मैं तेरे तांइ परमेश्वर का प्रार्थना कित्ती कि तेरा विश्वास टुटी ना जाओ अते जां तू फिरी तौबा करी हटणा तेरे भरोसे जो दिख्खी करी तेरे संगी विश्वास भ्यालां रा भी होंसला होई जाओ।

यूहन्ना 16:33

ए गल्लां मैं तुसा रे कने बोल्ली हिन कि तुसा जो मेरे जरिए सांती मिल्लो, दुनिया बिच तुसा जो तकलिफां मिल्ली हिन, पर हिम्मत रख्खो किजोकी मैं इस दुनिया रे सरदार, शैतान जो हराई दित्ते रा है।

प्रेरितां रे कम्म 14:22

ते हर इक्क कस्बे बिच जाई करी चेल्‍ले रे मन जो मजबूत करदे रे ते ए उपदेस दिंदे थिये, कि विश्वास बिच बणे रेयो, ते ए बोलदे थिये कि असा जो बड़े दुख सहन करी के परमेश्वर रे राज बिच पुजणा है।

1 कुरुन्थियों 10:13

तुसा सिर्फ इदेइ ही परिक्षा बिच ही पे, जदेई परिक्षा बिच सारे जणे पैंदे। परमेश्वर भरोस्सेमंद हिन ते तिन्हा ने तुसा जो सैह्णे री ताकत का बधी करी कुसकी परिक्षा बिच नी पैणा दैणा। पर तिन्हा ने तुसा जो से ताकत दैणी जिसेरी जरुरत तुसा जो पाप करणे का बचणे तांइ पैणी।

इफिसियों 4:27

ते शैतान जो मौक्का मत दिंदे कि से तुसा जो धोख्खा देई सको।

कुलुस्सियों 2:5

हालांकि मैं तुसा का दुर है, तां भी मैं हमेसा तुसा रे बारे बिच सोचदा रैहन्दा, मैं इस गल्ल कने खुस है कि तुसा इक्क-मन होई करी तिय्यां ही रेया करदे हिन जिय्यां तुसा जो रैह्णा भी चाएदा ते मसीह बिच तुसा रा विश्वास भी मजबूत है।

1 थिस्सलुनीकियों 3:3

ताकि इन्हा मुसीबतां का कोई ना घबराये किजोकी तुसा तां जाणदे ही कि असा जो जुल्म सैह्‍णे ही हिन।

1 तीमुथियुस 6:12

जिय्यां इक्क खरा सिपाई लड़ाई रे मैदान बिच कदी हार नी मनदा तिय्यां ही तुसा जो भी परमेश्वर बिच विश्वास करणा ते तिन्हा रे हुकमां जो मनणा नी छडणा चाएदा ते हमेसा री जिन्दगी जो थाम्मि लेयो।

2 तीमुथियुस 3:12

हर इक्क तिस मणू पर जुल्म कित्तेया जाणा जिनिये से कम्म करणे री कोसीस करणी जिस कने परमेश्वर खुस हुंदे ते जे मसीह यीशु बिच विश्वास करदा।

2 तीमुथियुस 4:7

इक्क पहलवान सांई मैं भी इक्क ठीक लड़ाई लड़े री है, मैं से कम्म पूरा कित्ते रा है जे मेरे जो मसीह ने दित्तेया थिया जिय्यां कि इक्क दौड़ लाणे वाला अपणी दौड़ पूरी करदा ते मैं आखिर तिकर भरोस्सेमंद रेया।

इब्रानियों 11:33

तिन्हा ने भरोसे रे ही जरिए राज जित्ते धर्म रे कम्म कित्ते वादे कित्ते रे चीजां कित्ती परमेश्वर ने शेरां जो तिन्हा लोक्कां खाणे री अनुमती नी दित्ती।

इब्रानियों 12:8

जिय्यां परमेश्वर अपणी सारी औलाद्दां जो बकदे, जे अगर से तिय्यां तुसा जो नी बकदे, तां तुसा तिन्हेरी औलाद्दां नी हिन, पर नाजायज़ औलाद्दां हिन।

याकूब 4:7

इधेरे तांइ परमेश्वर रे अधीन होई जाओ। शैतान रे खिलाफ रेयो, ते तिनिये तुसा रे सामणे का नह्सी जाणा।

1 पतरस 1:6

भले ही मते तरिक्के री चीजां तुसा जो दुखी करी दिंदी पर फिरी भी इन्हा गल्लां री वजह कने तुसा खुस हुंदे।

1 पतरस 2:21

तुसा इधेरे तांइ भी सद्दे गेरे हिन ताकि तुसा परमेश्वर तांइ दुख सहन करो। मसीह इस गल्ल रा उदारण हिन जिन्हा ने तुसा तांइ दुख सहन कित्तेया। इधेरे तांइ तुसा जो से सब तिय्यां ही करणा चाएदा जिय्यां तिन्हा कित्तेया।

1 पतरस 3:14

पर जे अगर तुसा जो भलाई रे कम्म करणे री वजह कने भी जुल्म सैह्‍णा पये, तां परमेश्वर ने तुसा जो आशीष दैणी। तिय्यां ही करो जिय्यां कि यशायाह ने पवित्रशास्त्र बिच लिख्खे रा है, “तिन्हा लोक्कां का मत डरो जे तुसा जो धमकांदे, ते इस गल्ल री फिकर मत करदे कि लोक्कां ने कै करणा।”

1 पतरस 4:13

बल्कि इस गल्ल तांइ सिर्फ खुस हो, किजोकी तुसा जो मसीह पर होए जुल्मां री बराबरी बिच थोड़ा जदेया हिस्सा मिल्लेया। किजोकी जां मसीह ने लोक्कां पर अपणी महिमा जाहिर करणे तांइ हटणा, तिस बेल्ले तुसा जो बड़ा आनंद मिलणा।

प्रकाशित वाक्य 1:9

मैं यूहन्ना सबर कने तुसा कने तिन्हा जुल्मां जो सहन करणे बिच तुसा रा साथी है जे असा पर मसीह कने रिस्ता होणे री वजह हुंदे, ते मैं परमेश्वर रे राज बिच तुसा रा साथी है। परमेश्वर रा बसेख सुनाणे ते यीशु रे सच्चे वचन रा प्रचार करणे री वजह कने रोमी साम्राज्य रे अधिकारियां ने मेरे जो पतमुस टाप्पु पर भेज्जी दित्ते रा है।

प्रकाशित वाक्य 6:11

तां तिन्हा बिच का हर इक्क जणे जो चिट्टे कपड़े दित्ते गे ते तिन्हा जो थोड़ी देर होर इंतजार करणे तांइ बोल्लेया गेया। मसीह री सेवा बिच तिन्हेरे होर भी संगी सेवादार हल्ले भी थिये जिन्हेरा मारेयां जाणा जरुरी थिया। तिन्हा जो ता तांइ करणा जरुरी थिया, जां तांइ ए सब किच्‍छ पूरे तरिक्के कने मुकी नी जाए।

प्रकाशित वाक्य 7:14

मैं तिसजो जवाब दित्तेया, ओ मेरे स्वामी, मैं ता नी जाणदा तुसा ही जाणदे। तिसने मेरे जो बोल्लेया, ए मणू जिन्हा ने चिट्टे कपड़े पाए रे हिन, ए से ही मणू हिन जे तिस बड़े वरी मुसीबतां ते जुल्मां रे समय रे दौरान मरी गे थिये। ए से मणू हिन जिन्हा ने अप्पु जो “उरणू” री कुर्बानी रे जरिये सुच्चा कित्तेया।