1 पतरस 5:7 - चम्बयाली नौआ नियम

⁷ परमेश्वर तुसा री फिकर करदे, इधेरे तांइ अपणी सारी फिकरां तिन्हेरे हवाल्ले करी देयो।

1 पतरस 5:7 ပူးပေါင်းရင်းမြစ်များ

मत्ती 6:27

तुसा बिच का इदेया कुण है, जे फिकर करी के अपणी उमर अन्दर इक्क घड़ी भी बद्धाई सकदा हो?

मत्ती 6:28

कपड़ेयां तांइ तुसा किजो फिकर करदे हिन? जंगली फूलां जो दिख्खो कि से किय्यां बद्धदे, से ना तां कम्म करदे ते ना ही अपणे कपड़े बणांदे,

मत्ती 6:31

“इधेरे तांइ तुसा ए बोल्ली करी फिकर मत करो, असी कै खान्गें या असी कै पिन्गे या कै पान्गें?”

मरकुस 4:38

पर यीशु अप्पु किस्ती रे पिछले हिस्से बिच गद्दी पराले सुत्ते रे थिये। तां तिन्हा ने उन्हेरे जो जगाई करी उन्हा जो बोल्लेया, “ओ गुरु, कै तुसा जो फिकर नी कि असी डूबणे वाले हिन?”

लूका 12:22

फिरी यीशु ने अपणे चेल्‍लेयां जो बोल्लेया, इधेरे तांइ मैं तुसा जो बोलदा कि अपणे जीणे री फिकर मत करेया करो कि असी हर रोज रोट्टी ते कपड़े कुदका खान्गे अते लान्गे।

लूका 12:26

जे फिकर करी के तुसा इस छोटी जह्णी गल्ल जो नी करी सकदे तां बड्डी गल्लां री फिकर करी के कै फायदा?

फिलिप्पियों 4:6

कुसकी भी गल्ल री फिकर मत करो पर हर हालात बिच तुसा री मिन्नतां, प्रार्थना ते याचिका रे जरिए, धन्यवाद कने परमेश्वर रे सामणे रख्खे जाण।