1 पतरस 5:6 - चम्बयाली नौआ नियम

⁶ इधेरे तांइ अप्पु जो परमेश्वर रे सामणे निम्ता बणाओ जे तुसा जो बचाणे तांइ ताकतवर हिन ताकि से तुसा जो सही समय पर बड़ा आदरमान दैण।

1 पतरस 5:6 ပူးပေါင်းရင်းမြစ်များ

मत्ती 23:12

जे कोई अप्पु जो बड्डा बणागां, ओ छोटा कित्ता जाणा: ते जे कोई अप्पु जो छोटा बणागां, से बड्डा कित्ता जाणा।

लूका 1:52

तिन्हा ने ताकतवर मणूआं जो तिन्हेरे राज-पद का हटाई दित्ता, अते निम्ते मणूआं जो आदर दित्ता,

लूका 14:11

किजोकी जे भी अप्पु जो बड्डा बणांगा, तिसजो परमेश्वर ने लोक्कां री नजरां अन्दर छोटा करणा, पर जे अप्पु जो छोटा बणागा, तिसजो परमेश्वर ने बड्डा करणा।

लूका 18:14

यीशु ने फिरी बोल्लेया, मैं तुसा जो बोलदा हाँ कि ए चुंगी लैणे वाला मणू परमेश्वर रे अग्गे धार्मिक मन्नेया गेया, अते अपणे घरे वापिस हटी गेया, ना कि दुज्जा! पर फरीसी कने इदेया नी होया, किजोकी जे कोई भी अपणे आप जो बड्डा समझगा, से छोटा कित्ता जाँणा, पर जे कोई अपणे आप जो छोटा समझगा, तिसजो बड्डा कित्तेया जाँणा।

रोमियों 5:6

किजोकी जां असी कमजोर ही थिये, तां मसीह यीशु, परमेश्वर रे ठैहराए रे समय पर दुष्ट लोक्कां तांइ मरे।

1 कुरुन्थियों 10:22

जे अगर असी इय्यां करदे तां असी प्रभु जो बड़ा वरी गुस्सा चढांदे। असी परमेश्वर का जादा ताकतवर नी हिन।

1 तीमुथियुस 2:6

सारे लोक्कां शैतान ते पाप रे काबू का छुड़ाणे तांइ मसीह ने अप्पु जो कुर्बान कित्तेया ते तिन्हेरी कुर्बानी सही समय इस गल्ल रा सबूत थी कि परमेश्वर सारे लोक्कां जो छुटकारा दैणा चाह्‍ंदे थिये।

तीतुस 1:3

ते अवे बिल्कुल सही समय पर परमेश्वर ने ए सुब बसेख असा पर जाहिर कित्ते रा है ते असी इसेरा प्रचार सारे मणूआं बिच करदे। परमेश्वर जे असा जो छुटकारा दिंदे, तिन्हा ने मेरे जो ए जिम्मेदारी दित्ते री है ते तिन्हा तांइ मेरे जो ए कम्म करणे रा हुकम दित्ते रा है।

याकूब 4:10

प्रभु रे सामणे निमते बणो तां तिन्हा ने तुसा जो आदर दैणा।

याकूब 4:7

इधेरे तांइ परमेश्वर रे अधीन होई जाओ। शैतान रे खिलाफ रेयो, ते तिनिये तुसा रे सामणे का नह्सी जाणा।

याकूब 5:10

ओ संगी विश्वासियों, जिन्हा भविष्यद्वक्ता ने प्रभु रे नां कने गल्लां कित्ती, तिन्हेरे दुख चुक्कणे ते सबर रखणे जो इक्क आर्दश समझो।