1 पतरस 5:2 - चम्बयाली नौआ नियम

² कि जिय्यां इक्क पुहाल अपणी भेड़ां री रखवाल्ली करदा, तिय्यां ही तुसा भी तिन्हा सारेयां री रखवाल्ली करो जिन्हा जो परमेश्वर ने तुसा जो सौंप्पे रा है। ए सब किच्‍छ अपणी मर्जी कने करो किजोकी ए ही परमेश्वर री मर्जी है। ए सब इधेरे तांइ मत करो किजोकी तुसा पैसे कमाणा चाह्‍ंदे, पर इधेरे तांइ करो किजोकी तुसा परमेश्वर ते लोक्कां री सेवा करणा चाह्‍ंदे।

1 पतरस 5:2 ပူးပေါင်းရင်းမြစ်များ

लूका 12:32

इधेरे तांइ ओ छोटे झुण्ड, डरो मत, किजोकी तुसा रा परम पिता परमेश्वर चाह्‍ंदा कि तुसा तिन्हेरे राज रे वारिस बणो।

प्रेरितां रे कम्म 20:29

मैं जाणदा कि खूंखार भेड़िये जदेय झूठ्ठे शिक्षकां ने तुसा रे बिच-मझाटे मण्डली जो तोडणे तांइ घुसी जाणा।

प्रेरितां रे कम्म 21:13

पर पौलुस ने जवाब दित्तेया, तुसा करदे कै हिन कि रोई-रोई करी मेरा दिल तोड़ेया करदे हिन? मैं तां प्रभु यीशु तांइ यरुशलेम अन्दर ना सिर्फ कैद होणे तांइ पर तां मरणे तांइ भी तैयार है

रोमियों 1:15

अते मैं तुसा का रोम सहर बिच आई करी मसीह रा सुब बसेख सुनाणे तांइ उत्सुक है।

1 कुरुन्थियों 9:7

इदेया कोई भी मणू नी है जे फौज बिच सिपाई रा कम्म करदा हो ते अपणा खर्चा अप्पु ही चुकदा हो। इदेया कोई भी मणू नी है जे अंगूर रा बगीच्चा लांदा ते से तिस बगीच्चे रा फल्ल ना खांदा हो। इदेया कोई भी मणू नी है जे भेडू-बकरु चारदा हो ते तिन्हेरा दूद्द ना पिंदा हो।

1 तीमुथियुस 3:3

कलीसिया रा मुखिया पियक्कड़ ते मार-कुटाई करणे वाला ना हो बल्कि से नरमदिल मणू होणा चाएदा। से ना ता झगड़ालू ते ना ही पैसे रा लालची ना हो।

1 तीमुथियुस 3:8

तिय्यां ही कलीसिया रे सेवादार मणूआं रा भी लोक्कां बिच खरा नां होणा चाएदा। से दोगली गल्लां करणे वाला, सराबी ते पैसे रा लालची नी होणा चाएदा,

तीतुस 1:11

इदेय लोक्कां जो बाकि विश्वासियां जो सिखाणे का रोक्को किजोकी जां से इदेइ गल्लां सिखांदे तां से पूरे परिवार रे विश्वास जो बर्बाद करी दिंदे। से इय्यां इधेरे तिकर करदे ताकि से पैसे कमाई सकण।

तीतुस 1:7

किजोकी कलीसिया रे मुखिए जो परमेश्वर रा कम्म करणे री वजह कने बेकसूर होणा चाएदा, से ना ता जिद्दी, ना गुस्सा करणे वाला, ना सराब पीणे वाला, ना मार-कुटाई करणे वाला, ते ना ही बेईमानी री कमाई रा लालची हो।

तीतुस 2:14

जिन्हा ने असा जो पाप री ताकत का छुटकारा दैणे तांइ अप्पु जो कुर्बान करी दित्ता ते असा जो धार्मिक ठैहराया ताकि असी तिन्हेरे अपणे खास मणू बणी जाण जिन्हा बिच ठीक कम्म करणे री बड़ी वरी इच्छा है।

तीतुस 3:1

विश्वासी लोक्कां जो समझा कि से हाकिमां ते अधिकारियां री इज्जत करण, ते तिन्हेरे हुकमां जो मनण, ते हर इक्क मणू दुज्जेया तांइ ठीक कम्म करणे तांइ हर बेल्ले तैयार रे।

फिलेमोन 1:14

पर मैं तेरी मर्जी रे बगैर किच्‍छ भी नी करणा चाह्‍ंदा ताकि तू कुसकी दवाब बिच नी पर अपणी खुसी कने मेरी मदद करे।

इब्रानियों 12:15

ते चुकन्ने रेयो, कुते इय्यां ना हो कि कोई परमेश्वर रे अनुग्रह का अछुता रेई जाओ, ते तुसा तांइ इक्क मुसीबत री वजह बणी जाए। इदेया कोई भी मणू अप्पु ता परमेश्वर रे सच्चे रस्ते का दुर चली जांदा ते मते जणेया तांइ परमेश्वर री सच्चाई का भटकणे री वजह बणी सकदा।

2 पतरस 2:3

ए झूठ्ठे शिक्षक लालची होणे, ते तिन्हा ने तुसा का रुपया लैणे तांइ तुसा जो मनघड़ंत गल्लां सुनाणी। परमेश्वर ने बड़े पैल्ले ही इस गल्ल रा फैसला करी लित्तेया थिया तिन्हा ने इन्हा लोक्कां जो सजा दैणी ते से इय्यां करणे तांइ तैयार भी हिन। तिन्हा ने इन्हा लोक्कां जो यकिनन बर्बाद करी दैणा।