1 पतरस 5:11 - चम्बयाली नौआ नियम

¹¹ से महिमा पाणे रे हकदार हिन किजोकी तिन्हेरी ताकत रा कोई अंत नी है। आमीन!

1 पतरस 5:11 ပူးပေါင်းရင်းမြစ်များ

रोमियों 11:36

किजोकी परमेश्वर रे ही पास्से का, ते तिन्हेरे ही जरिए, ते तिन्हेरे तांइ ही सब किच्‍छ है। तिन्हेरी महिमा हमेसा-हमेसा तांइ हुंदी रेयो: आमीन।”

1 पतरस 4:11

उदारण रे तौर पर, जे अगर तुसा का प्रचार करणे रा वरदान है, तां तुसा जो परमेश्वर रे बसेख रा प्रचार करणा चाएदा। जे अगर तुसा का लोक्कां री सेवा करणे रा वरदान है, ता परमेश्वर री दित्ते री ताकत कने लोक्कां री सेवा करो। तां हर इक्क चीज जे तुसा करदे, तिस कने परमेश्वर जो मसीह यीशु रे जरिये महिमा मिलणी। सारी महिमा ते ताकत हमेसा-हमेसा तांइ परमेश्वर री ही है। आमीन!

प्रकाशित वाक्य 1:6

तिन्हा ने असा कने प्यार कित्ता। तिन्हा ने सुली पर अपणा खून बहाई करी असा रे पाप्पां रा मुल्ल चुकाया। इसेरी वजह कने असी पुरोत्तां रा परिवार बणी गेरे हिन जे तिन्हेरे पिता यानी परमेश्वर री सेवा करदे। परमेश्वर ने असा जो तिन्हेरे अपणे मणू बणाया जिन्हा पर से राज करदे। इस वजह कने मसीह यीशु जो महिमा ते ताकत हमेसा-हमेसा तांइ मिल्ले, आमीन!

प्रकाशित वाक्य 5:13

फिरी मैं स्वर्ग, धरती, पताल ते समुंद्र बिच परमेश्वर री बणाए री हर इक्क चीज जो ए बोलदे सूणेया, “आओ असी तिन्हेरी अराधना करण जे सिहांसन पर बैठ्ठे रे हिन। असी उरणू री तारीफ करण। आओ असी हमेसा तिन्हेरी इज्जत ते आदरमान करण, किजोकी से सारेया का जादा ताकतवर हिन।”