1 पतरस 5:10 - चम्बयाली नौआ नियम10 परमेश्वर जे पूरे तरिक्के कने अनुग्रह कने भरित्ते रे हिन, तिन्हा ने असा रा मसीह कने रिस्ता होणे री वजह कने अपणी हमेसा तिकर रैह्णी वाली महिमा बिच हिस्सेदार बणने तांइ सद्दे रा है। तुसा रे थोड़े समय तिकर जुल्म सैह्णे का बाद परमेश्वर ने तुसा जो खरा मणू बनाणा ताकि तुसा बिच कोई खोट ना रे ते तिन्हा ने तुसा रे दिल जो मजबूत बनाणा ताकि तुसा तिन्हा बिच विश्वास करणे बिच मजबूत बणो। အခန်းကိုကြည့်ပါ။ |
1 पतरस 5:10
39 ပူးပေါင်းရင်းမြစ်များ
परमेश्वर ने असा जो छुटकारा दित्तेया ते असा जो इक्क पवित्र जिन्दगी जीणे तांइ सद्दे रा है। तिन्हा ने असा जो इधेरे तांइ नी चुणेया कि असी कोई भलाई रे कम्म कित्ते थिये, पर तिन्हा ने असा जो अपणे मकसद ते अनुग्रह री वजह कने चुणेया। परमेश्वर ने मसीह यीशु जो धरती पर भेजणे रे जरिये असा जो अपणा अनुग्रह दिखाणे रा मकसद इस दुनिया जो बणाणे का पैल्ले ही करी लित्तेया थिया।
मसीह ने अपणी जान देई करी तिन्हा लोक्कां जो तिन्हेरे पाप्पां का छुटकारा दित्तेया जिन्हा ने पाप कित्तेया थिया, ते तिन्हा जो भी बचाई लित्तेया जिन्हा ने पैल्ली वाचा रे कानूनां जो तोडे़या थिया। किजोकी कोई भी मणू पुराणी वाचा रे कानूनां जो मन्नी करी सिद्व नी बणी सकदा थिया। पर अवे मसीह असा रे ते परमेश्वर रे बिच नौई वाचा रे स्थापित करी दित्ती। ए तिन्हा ने इधेरे तांइ कित्तेया ताकि जिन्हा लोक्कां जो परमेश्वर ने चुणे रा है, से मणू हमेसा-हमेसा तिकर तिन्हेरे वारिस बणी जाण, जिय्यां कि परमेश्वर ने तिन्हा कने वादा कित्तेया थिया।
उदारण रे तौर पर, जे अगर तुसा का प्रचार करणे रा वरदान है, तां तुसा जो परमेश्वर रे बसेख रा प्रचार करणा चाएदा। जे अगर तुसा का लोक्कां री सेवा करणे रा वरदान है, ता परमेश्वर री दित्ते री ताकत कने लोक्कां री सेवा करो। तां हर इक्क चीज जे तुसा करदे, तिस कने परमेश्वर जो मसीह यीशु रे जरिये महिमा मिलणी। सारी महिमा ते ताकत हमेसा-हमेसा तांइ परमेश्वर री ही है। आमीन!
से ही इकलौत्ते परमेश्वर हिन जिन्हा ने असा जो मसीह यीशु रे सुली पर कुर्बानी दैणे रे जरिये कने बचाए रा है। असा रे प्रभु मसीह यीशु री वजह कने मणू परमेश्वर रा आदरमान ते महिमा करण। मणू ए समजी सकण कि दुनिया रे बणने रे पैल्ले का ही ते अज्ज रे समय तिकर परमेश्वर री ही ताकत ते हक है ते से हमेसा-हमेसा तिकर रैह्णी। आमीन!
ကြော်ငြာတွေ