1 पतरस 5:1 - चम्बयाली नौआ नियम1 तुसा रे कलीसिया रे बुजुर्ग लोक्कां कने मैं इक्क संगी मुखिया ते मसीह पर होए जुल्मां रा इक्क इदेया गवाह होणे रे नात्ते, जिनिये तिन्हेरी महिमा बिच हिस्सेदार भी होणा ए बिनती करदा, အခန်းကိုကြည့်ပါ။ |
1 पतरस 5:1
38 ပူးပေါင်းရင်းမြစ်များ
अवे परमेश्वर ने मेरे तांइ स्वर्ग बिच इक्क ईनाम रख्खे रा है किजोकी मैं इक्क धार्मिक जिन्दगी जीत्ती री है जिस कने परमेश्वर खुस हुंदे, प्रभु जे धार्मिकता कने फैसला करदे जां तिन्हा ने दुनिया रा हिसाब-किताब करणे तांइ आणा तां तिन्हा ने से मुकुट मेरे जो दैणा। पर तिन्हा ए ईनाम सिर्फ मेरे जो ही नी दैणा पर तिस हर इक्क मणू जो दैणा जे बड़ी बेसबरी कने तिन्हेरे हटणे रा इंतजार करेया करदे हिन।
मैं, पौलुस, मसीह रा प्रेरित होणे रे नाते हिम्मत कने हुकम भी देई सकदा पर मैं सिर्फ तुसा का छंदे करदा किजोकी मैं जाणदा कि तुसा मेरे ते अपणे सारे संगी विश्वासियों जो प्यार करदे। मसीह यीशु री सेवा करणे री वजह कने अवे मैं कैद बिच पाया गे रा है ते बुजुर्ग होणे रे नात्ते मेरे जो ए ही सही लग्गेया कि अवे मैं तुसा बिनती ही करां।
पर परमेश्वर ने तिन्हा भविष्यद्वक्तां जो ए दस्सेया कि ए बसेख तिन्हा तांइ नी पर तुसा लोक्कां तांइ है। से बसेख मसीह यीशु रा सुब बसेख है जिस जो अवे तुसा सुणी चुके रे हिन। तुसा जो सुब बसेख सुनाणे तांइ लोक्कां री मदद तांइ परमेश्वर ने स्वर्ग का अपणे पवित्रात्मा जो भेज्जेया थिया। स्वर्गदूत भी इन्हा गल्लां जो बड़े उत्तेजित होई करी दिख्खेया करदे हिन।
इन्हा मुसीबतां रा मकसद ए दर्शाणा है कि तुसा परमेश्वर पर विश्वास करदे भी या नी। मसीह बिच तुसा विश्वास सोन्ने का भी जादा कीमती है। जिय्यां कि सोन्ना जे इक्क दिन खत्म होई जाणा, तिसजो भी आग्ग बिच परखेया ते निखारेया जांदा। जे अगर तुसा रा विश्वास इन्नी कड़ी मुसीबतां रे बाद भी बणेया रैहन्दा, तां इसेरी वजह कने तुसा जो तिस दिन बड़ा आदरमान ते महिमा मिलणी जिस दिन मसीह यीशु ने हटी आणा।
मैं यूहन्ना सबर कने तुसा कने तिन्हा जुल्मां जो सहन करणे बिच तुसा रा साथी है जे असा पर मसीह कने रिस्ता होणे री वजह हुंदे, ते मैं परमेश्वर रे राज बिच तुसा रा साथी है। परमेश्वर रा बसेख सुनाणे ते यीशु रे सच्चे वचन रा प्रचार करणे री वजह कने रोमी साम्राज्य रे अधिकारियां ने मेरे जो पतमुस टाप्पु पर भेज्जी दित्ते रा है।
ကြော်ငြာတွေ