1 पतरस 4:9 - चम्बयाली नौआ नियम

⁹ बगैर बुड़बुड़ाए मेहमान्नां जो अपणे घरे रुकाओ ते तिन्हेरी खात्तरदारी करेया करो।

1 पतरस 4:9 ပူးပေါင်းရင်းမြစ်များ

रोमियों 12:13

पवित्र मणूआं तांइ जे किच्‍छ भी जरुरी हो, तिस अन्दर तिन्हेरी मदद करो। अजनबी लोक्कां रीखातिर दारी करणे बिच लग्गी रेयो।

रोमियों 16:23

गयुस रे पास्से का भी तुसा जो नमस्कार। अब्बे मैं तिसेरे घरे ही रेया करदा है, जित्ते कलीसिया संगती करणे तांइ कठिंदी। इरास्तुस रे पास्से का भी तुसा जो नमस्कार, जे सहर रा भण्डारी है, ते भ्याल क्वारतुस रे पास्से का भी तुसा जो नमस्कार।

2 कुरुन्थियों 9:7

हर इक्क मणू जदेया से अपणे मन बिच पक्का करी लेयो तदेया ही दान करो। ना ता कुढ़ी-कुढ़ी करी ते नां ही कुसकी दवाब री वजह कने से दान करो, किजोकी परमेश्वर खुसी कने दान दैणे वालेयां कने प्यार करदे हिन।

फिलिप्पियों 2:14

सारे कम्म बगैर कुडकुडाए ते बगैर कुसकी बैसहबाजी रे करेया करो।

1 तीमुथियुस 3:2

इधेरे तांइ ए जरुरी है कि कलीसिया रा मुखिया बेकसूर, तिसेरी सिर्फ इक्क ही लाड़ी हो, हर कम्म बिच अप्पु जो काबू बिच रखणे वाला, सूझ-बूझ कने बर्ताव करणे वाला, इज्जतदार, मेहमान्नां री खैर ख्वाह करणे वाला, ते जिस जो लोक्कां जो परमेश्वर रा बसेख शिक्षां दैणा आंदा हो।

तीतुस 1:8

पर परौणे रा सत्कार करणे वाला हो, सारेयां री भलाई चाह्‍णे वाला, अप्पु पर काबू रखणे वाला, जे सही ते गलत रा फैसला करणे रे जोग्गे हो, ते अनुशासन बिच रैह्णे वाला हो।

फिलेमोन 1:14

पर मैं तेरी मर्जी रे बगैर किच्‍छ भी नी करणा चाह्‍ंदा ताकि तू कुसकी दवाब बिच नी पर अपणी खुसी कने मेरी मदद करे।

इब्रानियों 13:16

भलाई रे कम्म करेयो, ते जे तुसा का है, तिसजो जरुरतमंद लोक्कां कने बंडेया करो। किजोकी परमेश्वर इदेय कुर्बानी कने खुस रैहन्दे।

इब्रानियों 13:2

जिन्हा भी विश्वासियां कने तुसा पैल्ले ना मिल्ले रे होण, तिन्हा जो अपणे घर मेहमान बणाई करी तिन्हेरी सेवा पाणी करणा मत भूलदे। किजोकी इय्यां ही जाणे-अजनाणे बिच लोक्कां ने स्वर्गदूतां री भी मेहमान-नवाज़ी कित्ते री है।

याकूब 5:9

ओ संगी विश्वासियों, इक्क दूज्जे पर मत कुड़कुड़ाओ, ताकि परमेश्वर जे हाकिम है तुसा जो सजा ना दे, ते से अवे बड़े नेड़े है ते वस पुजणे ही वाला है।