1 पतरस 4:8 - चम्बयाली नौआ नियम

⁸ अते सबका बड्डी गल्ल ए है कि इक्क-दूज्जे तांइ प्यार रखो, किजोकी प्यार अणगिणत पाप्पां जो ढक्की दिंदा

1 पतरस 4:8 ပူးပေါင်းရင်းမြစ်များ

1 कुरुन्थियों 13:1

जे अगर मैं मणूआं ते स्वर्गदूतां री भाषां बोल्लां, पर कुसकी कने प्यार ना करां, तां मेरी गल्ल-बात इक्क ठणठणांदे पित्तल ते झणझणादीं झाज्जं सांई बेमतलब है।

1 कुरुन्थियों 13:4

प्यार करणे वाले लोक्कां बिच सबर हुंदा ते से दयालू हुंदे, प्यार करणे वाले मणू नफरत नी करदे, से अप्पु री बड़ाई नी करदा ते से घमंड नी करदे।

कुलुस्सियों 3:14

सबका जादा जरुरी गल्ल ए है, कि तुसा इक्क-दूए कने भरपूर प्यार करो। इय्यां करणे कने तुसा पूरे तरिक्के कने इक्क-मन होई जाणा।

1 थिस्सलुनीकियों 3:12

असी प्रार्थना करदे कि जिय्यां असी प्यार तुसा कने करदे तिय्यां ही मसीह यीशु तुसा जो इक्क दूए कने प्यार रखणे ते तिस बिच बधणे बिच मदद करे।

2 थिस्सलुनीकियों 1:3

ओ संगी विश्वासियों, असा जो तुसा तांइ हमेसा परमेश्वर रा शुकर करणा चाएदा। इय्यां करणा ठीक है किजोकी तुसा मसीह बिच विश्वास करणे बिच होर जादा मजबूत होया करदे हिन ते तुसा बिच आपसी प्यार भी बदेया करदा है।

1 तीमुथियुस 1:5

ए हुकम दैणे रा मकसद ए है कि तुसा साफ मन, साफ विवेक अते सच्चे विश्वास कने इक्क-दूए कने प्यार करो।

इब्रानियों 13:1

भाईचारे रे रा प्यार बणी रे।

याकूब 5:12

पर ओ मेरे संगी विश्वासियों, सबका खरी गल्ल ए है कि कदी कसम मत खांदे, न स्वर्ग री, ना धरती री, ते ना ही कुसकी होर चीज दी पर तुसा री गल्ल हाँ री हाँ ते ना री ना हो, ताकि परमेश्वर तुसा पर इल्जाम लाई करी तुसा जो सजा दे।

याकूब 5:20

तां से ए जाणी लये कि जे कोई कुसकी भटके रे पापी जो परमेश्वर का हटणे बिच मदद करदा तां परमेश्वर ने तिस पापी मणू रे मते सारे पाप्पां जो माफ करी दैणा ते तिसजो हमेसा री मौत का बचाई लैणा।

1 पतरस 1:22

सच्चाई जो मन्नी करी चलणे री वजह कने अवे तुसा सुच्चे कित्ते गे, अवे तुसा जो तन-मन लाई करी संगी विश्वासियां कने आपसी प्यार रखणा चाएदा। बड़ी चाह्‍त ते पूरे दिल कने इक्क-दूए कने प्यार रख्खो।

3 यूहन्ना 1:2

ओ मेरे प्यारे दोस्त, मेरी प्रार्थना है कि जिय्यां तू मसीह यीशु बिच विश्वास करणे बिच मजबूत बणेया करदा है, तिय्यां ही तू सरीर बिच भी मजबूत बणी रे ते तेरे कने ठीक चीजां हुंदी रे।