1 पतरस 4:6 - चम्बयाली नौआ नियम

⁶ इसी वजह कने मरे रे लोक्कां ने भी मसीह रा सुब बसेख सूणेया। हर इक्क सांई तिन्हेरी शरीरी मौत होई, पर अवे से आत्‍मा बिच परमेश्वर कने हमेसा-हमेसा तांइ जिया करदे हिन।

1 पतरस 4:6 ပူးပေါင်းရင်းမြစ်များ

मत्ती 24:9

तां तिन्हा लोक्कां ने जे तुसा रे खिलाफ हिन तुसा जो सताणे तांइ पकड़वाणा, ते तिन्हा ने तुसा जो मारी रखणा, ते मेरे पीच्छे चलणे री वजह कने सारी जातियां रे लोक्कां ने तुसा कने नफरत रखणी।

रोमियों 8:2

किजोकी पवित्रात्मा ने तिन्हा जो मसीह यीशु रे जरिये पाप ते मौत रे काबू का अजाद करी दित्ते रा है ते नौई जिन्दगी दित्ते री है।

गलातियों 2:19

मैं ए गल्ल समजदा कि मैं मूसा रे कानून जो मनणे कने धार्मिक नी ठैहरी सकदा। तां मैं ए समजदा कि मैं मूसा रे कानून तांइ मरी गेया ताकि मैं परमेश्वर तांइ जियां।

गलातियों 5:25

जां पवित्रात्मा ने असा जो नौई जिन्दगी दित्ते री है, तां असा जो पवित्रात्मा रे कहे मुताबिक जीणा भी चाएदा।

1 पतरस 1:12

पर परमेश्वर ने तिन्हा भविष्यद्वक्तां जो ए दस्सेया कि ए बसेख तिन्हा तांइ नी पर तुसा लोक्कां तांइ है। से बसेख मसीह यीशु रा सुब बसेख है जिस जो अवे तुसा सुणी चुके रे हिन। तुसा जो सुब बसेख सुनाणे तांइ लोक्कां री मदद तांइ परमेश्वर ने स्वर्ग का अपणे पवित्रात्मा जो भेज्जेया थिया। स्वर्गदूत भी इन्हा गल्लां जो बड़े उत्तेजित होई करी दिख्खेया करदे हिन।

1 पतरस 3:18

मैं ए इधेरे तांइ बोल्लेया करदा है किजोकी मसीह ने असा रे पाप्पां रे बदले जुल्म सैह्‍ण कित्तेया ते मारे गे। से इक्क ही वरी मरे ते तिय्यां दुबारा करणे री जरुरत नी है। से अप्पु धार्मिक थिये जिन्हा असा जो परमेश्वर रे नेड़े अणने तांइ असी पाप्पी लोक्कां तांइ अपणी जान देई दित्ती। लोक्कां ने तिन्हेरे सरीर जो मारी छड्डेया पर तिन्हेरी आत्‍मा हल्ले भी जिया करदी है।

1 पतरस 3:19

तिसका बाद तिन्हेरी आत्‍मा ने जाई करी तिस जगाह् बिच होर आत्मां जो सुब बसेख सुणाया जिन्हा जो परमेश्वर ने तिस जगाह् बिच कैद करी छड्डे रा है जित्ते सारे मरे रे लोक्कां री आत्मां रेह्न्दी।

प्रकाशित वाक्य 14:18

फिरी इक्क होर स्वर्गदूत जिस का आग्ग पर हक थिया, वेदी बिच का निकलेया, ते जिस का तेज दराट्टी थी, तिसजो जोरे सणे बोल्लेया, अपणी तेज दराट्टी लाई करी धरती रे अंगूर रे रस्स रे गुच्छे बड्डी लै, किजोकी तिसेरा अंगूर रा रस्स पकी गे रा है।