1 पतरस 4:4 - चम्बयाली नौआ नियम

⁴ इसी वजह कने अवे से मणू हैरान हुंदे जां तुसा तिन्हेरे गंदे कम्मां बिच तिन्हा कने शामिल नी हुंदे। इधेरे तांइ से तुसा रे बारे बिच गलत गल्लां बोलदे।

1 पतरस 4:4 ပူးပေါင်းရင်းမြစ်များ

मत्ती 23:25

ओ ढोंगी शास्त्रि ते फरीसी लोक्कों! तुसा पर लाणत है, जिय्यां भांडे बाहर का तां साफ पर अंदर का गंदे हुंदे, तिय्यां ही तुसा भी अप्पु जो लोक्कां सामणे तां पवित्तर बणी करी दसदे पर अंदर का लालच ते मतलबीपन कने भरे रे हिन।

लूका 15:13

हल्ले बड़े रोज नी थिये होये रे, कि तिसेरा हल्का निक्का अपणा सारा समान बटोली करी कुसकी दूज्जे देसा जो चली गेया अते तित्ते अपणे सारे पैसे बुरे कम्मां अन्दर उड़ाई दित्ते।

प्रेरितां रे कम्म 13:45

पर यहूदी अधिकारियां री भीड़ जो दिख्खी करी रड़णा लग्गे, ते बेजती करदे पौलुस री गल्लां रे खिलाफ होई करी बोलणा लग्गे

प्रेरितां रे कम्म 18:6

पर जां तिन्हा लोक्कां ने पौलुस रे खिलाफ होई करी तिसेरी बेजती करणा लग्गे, तां पौलुस ने अपणे कपड़े झाड़ी करी तिन्हा जो बोल्लेया, तुसा अपणी जिन्दगी तांइ अप्पु जिम्मेदार हिन, मैं बेकसूर है, अव्वे मैं गैर यहूदी रे मणूआं का जाई करी तिन्हा जो परमेश्वर रा बसेख सूणाणा।

रोमियों 13:13

असा जो रौसनी बिच रैह्णे वाले लोक्कां सांई अपणे चालचलन जो खरा बणाई करी रखणा चाएदा। पर न्याहरे बिच रैह्णे वाले लोक्कां सांई मतवाल्ले, पियक्कड़, रंगरेलियां, व्यभिचारी करणे वाले, अश्लील, झगड़े करणे वाले ते हिर्स करणे वाले ना बणे।

इफिसियों 5:18

सराब पी करी मतवाल्ले मत बणो किजोकी इस कने बेकाबू होई करी बेशर्मी रे गलत कम्म हुंदे। पर इसेरे बजाए पवित्रात्मा रे काबू बिच जिन्दगी बिताओ,

1 पतरस 2:12

तुसा रे नेड़े-तेड़े रैह्णे वाले मणू जे परमेश्वर बिच विश्वास नी करदे इय्यां जरुर बोलगे कि तुसा गलत कम्म करेया करदे हिन। पर तुसा इक्क इदेइ जिन्दगी जियो ताकि से मणू तुसा रे भलाई रे कम्मां जो दिख्खी सकण ते मसीह यीशु रे हटणे रे दिन पर परमेश्वर री महिमा करण।

1 पतरस 3:16

हमेसा भलाई रे कम्म करणे तांइ तैयार रेयो, तिन्हा ने तुसा रे बदिया बोल-चाल जो दिख्खी करी शर्मिंदा होणा किजोकी तुसा मसीह रे मणू हिन।

2 पतरस 2:12

पर ए झूठ्ठे शिक्षक जंगली जानवरां सांई हिन। ए जानवर नी जाणदे कि किय्यां सोचणा चाएदा ते तिन्हेरी जिन्दगी मकसद सिर्फ पकड़ी करी मरणा ही है। ए मणू जे भी तिन्हेरे दिमाग बिच आंदा, से ही करदे, ते से तिस गल्ल रे बारे बिच भी गलत गल्लां बोलदे जिन्हा जो से समजदे नी। तिन्हा ने पक्के तौर पर बर्बाद होई जाणा।

2 पतरस 2:22

जे तिन्हा कने होया से इस गल्ल जो जाहिर करदा कि नीतीवचन सच्चे हिन, “से मणू कूत्तेयां सांई हिन जे अपणी उल्टी जो चटणे तांइ हटी आंदे, ते से सूअरां सांई हिन जिस जो नुहाया गे रा हो पर फिरी से मिट्टी बिच रुलकणे लग्गी पैंदा।”

यहूदा 1:10

पर मसीह बिच विश्वास करणे रा ढोंग करणे वाले ए मणू तिन्हा गल्लां रे बारे बिच पुठ्ठी-सीद्दी गल्लां बोलदे जिस जो से समजदे भी नी, ते जिन्हा चीजां जो से जाणदे ते कुदरती तौर पर जानवरां सांई करदे से चीजां करणे री वजह कने ही बर्बाद भी होई जांदे।