1 पतरस 4:19 - चम्बयाली नौआ नियम

¹⁹ इधेरे तांइ तिन्हा लोक्कां जो परमेश्वर बिच विश्वास करणा जारी रखणा चाएदा जे मणू परमेश्वर री मर्जी रे मुताबिक जुल्म सहन करदे। परमेश्वर से चीज हमेसा करदे जिसेरा वादा तिन्हा ने कित्ते रा हो, इधेरे तांइ भलाई रे कम्म करदे रेयो।

1 पतरस 4:19 ပူးပေါင်းရင်းမြစ်များ

लूका 23:46

अते यीशु ने जोरे सणे बोल्लेया, ओ परम पिता, मैं अपणी आत्‍मा तुसा बिच दिन्दा अते बोल्ली करी यीशु ने अपणे प्राण देई दित्ते।

प्रेरितां रे कम्म 7:59

से स्तिफनुस पर बट्टे मारदे रे ते से ए बोल्ली करी प्रार्थना करदा रेया, ओ प्रभु यीशु मेरी आत्‍मा जो अपणाई लेयो।

रोमियों 2:7

जे ठीक कम्मां बिच टिके रेई करी महिमा, इज्जत ते हमेसा री जिन्दगी री खोज बिच हिन, परमेश्वर ने तिन्हा लोक्कां जो हमेसा री जिन्दगी दैणी।

2 तीमुथियुस 1:12

इसी गल्ल री वजह कने मैं इत्ते कैद बिच दुख भी सहन करेया करदा है, मैं फिरी भी इस गल्ल तांइ शर्मिंदा नी है किजोकी मैं मसीह जो जाणदा जिन्हा पर मैं विश्वास कित्ते रा है ते मेरे जो पक्का पता है कि से तिसेरी रखवाली करणे बिच पूरे तरिक्के कने ताकतवर हिन जे तिन्हा ने मेरे जो सौंप्पे रा है।

1 पतरस 2:15

परमेश्वर चाह्‍ंदे कि तुसा भलाई रे कम्म करो ताकि तुसा तिन्हा मुर्ख लोक्कां जो अप्पु पर इल्जाम लाणे का रोक्की सको जे परमेश्वर जो नी जाणदे।

1 पतरस 3:17

जे अगर परमेश्वर री ए ही मर्जी हो कि असा जो अपणे भलाई रे कम्मां रे बदले जुल्म सैह्‍णा पेयो, तां से ही बदिया है। ए अपणे बुरे कम्मां रे बदले जुल्म सैह्णे का जादा खरा है।

1 पतरस 3:20

ए तिन्हा लोक्कां री आत्मां हिन जिन्हा ने लम्बे समय पैल्ले परमेश्वर रे हुकम री ना-फरमानी कित्ती थी, जां नूह अपणा जहाज बणाया करदा थिया, ते परमेश्वर इस गल्ल रा इंतजार करेया करदे थिये कि ए मणू अपणे पाप्पां का तौबा करगे कि नी। पर सिर्फ आठ्ठ मणू ही तिस भयानक बाढ़ बिच डूबणे का बचाए गे।