1 पतरस 4:16 - चम्बयाली नौआ नियम

¹⁶ बल्कि तुसा मसीह बिच विश्वास करणे वाले मणू हिन, ते तुसा तिसजो अपणी बेजती मत समजदे, बल्कि मसीह बिच विश्वास करणे रे नात्ते परमेश्वर री महिमा करो।

1 पतरस 4:16 ပူးပေါင်းရင်းမြစ်များ

प्रेरितां रे कम्म 11:26

ते जां तिन्हा कने मिल्लेया तां से तिन्हा जो अन्ताकिया सहर लेई आया, ते इय्यां होया कि पौलुस ते बरनबास इक्क साल तांइ कलीसिया कने मिलदे ते बड़े जणेया जो मसीह यीशु रा उपदेस दिंदे रे, ते चेल्लेया बिच सबका पैल्ले अन्ताकिया बिच मसीही बोल्लेया गेया।

प्रेरितां रे कम्म 26:28

तां अग्रिप्पा ने पौलुस जो बोल्लेया, तू मेरे जो थोड़ा करी समझाई करी मसीही बनाणा चाह्‍ंदा?

प्रेरितां रे कम्म 28:22

पर तेरा कै विचार है? सेह्ई असी तेरे का सुनणा चाह्‍ंदे, किजोकी असा जो पता है कि हर जगाह् इस गल्ल रे खिलाफ मणू गल्लां करदे

प्रेरितां रे कम्म 5:41

से इस गल्ल का खुस होई करी महासभा रे सामणे का चली गे, कि असी यीशु रे नां री बड़ाई होणे रे जोग्गे तां ठैहरे।

फिलिप्पियों 1:20

मेरी तां ए ही दिल का लालसा ते आस है कि मैं कुसकी गल्ल अन्दर शर्मिंदा ना होआं, पर जिय्यां मेरे हिम्मत कने मसीह रा बसेख सुनाणे री वजह कने मसीह यीशु री बड़ाई मेरे जरिए हमेसा हुंदी आए री है, तिय्यां ही अब्बे भी हो, चाए मैं जियां या मरी जां।

फिलिप्पियों 1:29

किजोकी मसीह यीशु री वजह कने तुसा पर ए दया होई कि नां सिर्फ तुसा तिन्हा पर विश्वास करो पर तिन्हा तांइ दुख भी सही सको।

2 तीमुथियुस 1:12

इसी गल्ल री वजह कने मैं इत्ते कैद बिच दुख भी सहन करेया करदा है, मैं फिरी भी इस गल्ल तांइ शर्मिंदा नी है किजोकी मैं मसीह जो जाणदा जिन्हा पर मैं विश्वास कित्ते रा है ते मेरे जो पक्का पता है कि से तिसेरी रखवाली करणे बिच पूरे तरिक्के कने ताकतवर हिन जे तिन्हा ने मेरे जो सौंप्पे रा है।

याकूब 2:7

ए से ही मणू हिन जे तुसा रे मसीह यीशु रे उत्तम नां री बुराई करदे।

1 पतरस 2:12

तुसा रे नेड़े-तेड़े रैह्णे वाले मणू जे परमेश्वर बिच विश्वास नी करदे इय्यां जरुर बोलगे कि तुसा गलत कम्म करेया करदे हिन। पर तुसा इक्क इदेइ जिन्दगी जियो ताकि से मणू तुसा रे भलाई रे कम्मां जो दिख्खी सकण ते मसीह यीशु रे हटणे रे दिन पर परमेश्वर री महिमा करण।

1 पतरस 4:11

उदारण रे तौर पर, जे अगर तुसा का प्रचार करणे रा वरदान है, तां तुसा जो परमेश्वर रे बसेख रा प्रचार करणा चाएदा। जे अगर तुसा का लोक्कां री सेवा करणे रा वरदान है, ता परमेश्वर री दित्ते री ताकत कने लोक्कां री सेवा करो। तां हर इक्क चीज जे तुसा करदे, तिस कने परमेश्वर जो मसीह यीशु रे जरिये महिमा मिलणी। सारी महिमा ते ताकत हमेसा-हमेसा तांइ परमेश्वर री ही है। आमीन!

1 पतरस 4:14

जे मसीह यीशु रे नां री वजह कने तुसा री बेजती कित्ती जांदी तां तुसा धन्न हिन, किजोकी परमेश्वर रा महिमामय आत्‍मा तुसा बिच वास करदा।

1 पतरस 4:19

इधेरे तांइ तिन्हा लोक्कां जो परमेश्वर बिच विश्वास करणा जारी रखणा चाएदा जे मणू परमेश्वर री मर्जी रे मुताबिक जुल्म सहन करदे। परमेश्वर से चीज हमेसा करदे जिसेरा वादा तिन्हा ने कित्ते रा हो, इधेरे तांइ भलाई रे कम्म करदे रेयो।