1 पतरस 4:15 - चम्बयाली नौआ नियम

¹⁵ जे अगर तुसा जो दुख झेलणा पे, तां इस वजह कने नी कि तुसा हत्यारे, चोर ते बुरे कम्म करणे वाले मणू हिन, या दूज्जेयां रे कम्म बिच रुकावट पाणे वाले मणू हिन,

1 पतरस 4:15 ပူးပေါင်းရင်းမြစ်များ

मत्ती 5:11

“धन्न हिन तुसा, जां मेरे चेल्‍ले होणे री वजह कने लोक्कां ने तुसा जो बेइज्जत करणा ते तंग करणा ते झूठ बोल्ली करी तुसा रे खिलाफ हर तरह री गल्लां बोलणी,

1 थिस्सलुनीकियों 4:11

ते जिय्यां असी तुसा जो समझाये रा है कि तुसा इक्क सांती कने भरपूर जिन्दगी जियो, दूए लोक्कां रे कम्मां बिच दखल मत देयो ते मैहनत कने अपणा अपणा काम्म-काज करेयो।

2 थिस्सलुनीकियों 3:11

असी सुणे रा है कि तुसा बिच किच्‍छ मणू बड़े आलसी हिन ते किच्‍छ कम्म नी करदे पर दूज्जे लोक्कां रे कम्मां बिच अड़चणा पांदे रैह्‍न्दे।

1 तीमुथियुस 5:13

ते इस कने से लोक्कां रे घरे-घरे घुम्मी-फिरी करी आलसी होई जांदी ते लोक्कां रे बारे बिच चुगलखोरी करणा सुरु करी दिंदी, से लोक्कां रे मामलेयां बिच दखलअंदाजी करदी ते पुठ्ठी-सीद्दी चीजां बोलदी।

2 तीमुथियुस 2:9

मैं मुजरिमां सांई तकलिफां सहन करेया करदा है किजोकी मैं सुब बसेख रा प्रचार करदा, इत्ते तिकर मैं कैद बिच भी पाया गे रा है, पर परमेश्वर रे बसेख जो फैलणे का कोई नी रोक्की सकदा।

1 पतरस 3:14

पर जे अगर तुसा जो भलाई रे कम्म करणे री वजह कने भी जुल्म सैह्‍णा पये, तां परमेश्वर ने तुसा जो आशीष दैणी। तिय्यां ही करो जिय्यां कि यशायाह ने पवित्रशास्त्र बिच लिख्खे रा है, “तिन्हा लोक्कां का मत डरो जे तुसा जो धमकांदे, ते इस गल्ल री फिकर मत करदे कि लोक्कां ने कै करणा।”

1 पतरस 3:17

जे अगर परमेश्वर री ए ही मर्जी हो कि असा जो अपणे भलाई रे कम्मां रे बदले जुल्म सैह्‍णा पेयो, तां से ही बदिया है। ए अपणे बुरे कम्मां रे बदले जुल्म सैह्णे का जादा खरा है।