1 पतरस 4:13 - चम्बयाली नौआ नियम13 बल्कि इस गल्ल तांइ सिर्फ खुस हो, किजोकी तुसा जो मसीह पर होए जुल्मां री बराबरी बिच थोड़ा जदेया हिस्सा मिल्लेया। किजोकी जां मसीह ने लोक्कां पर अपणी महिमा जाहिर करणे तांइ हटणा, तिस बेल्ले तुसा जो बड़ा आनंद मिलणा। အခန်းကိုကြည့်ပါ။ |
1 पतरस 4:13
35 ပူးပေါင်းရင်းမြစ်များ
इधेरे तांइ अपणे मन जो इय्यां तैयार करी लेयो कि जिय्यां मणू अपणी कमर बन्नी करी कम्म करणे तांइ तैयार हुंदे। इसेरा मतलब ए है कि तुसा जो अपणी सोच पर काबू रखणा चाएदा। बड़े हौसंले कने तिस छुटकारे री पूरी आस रख्खी करी अपणी बोल-चाल जो सही रख्खो जे परमेश्वर ने तुसा जो मसीह यीशु रे स्वर्ग हटणे रे समय पर बड़े अनुग्रह कने दैणा।
परमेश्वर जे पूरे तरिक्के कने अनुग्रह कने भरित्ते रे हिन, तिन्हा ने असा रा मसीह कने रिस्ता होणे री वजह कने अपणी हमेसा तिकर रैह्णी वाली महिमा बिच हिस्सेदार बणने तांइ सद्दे रा है। तुसा रे थोड़े समय तिकर जुल्म सैह्णे का बाद परमेश्वर ने तुसा जो खरा मणू बनाणा ताकि तुसा बिच कोई खोट ना रे ते तिन्हा ने तुसा रे दिल जो मजबूत बनाणा ताकि तुसा तिन्हा बिच विश्वास करणे बिच मजबूत बणो।
से ही इकलौत्ते परमेश्वर हिन जिन्हा ने असा जो मसीह यीशु रे सुली पर कुर्बानी दैणे रे जरिये कने बचाए रा है। असा रे प्रभु मसीह यीशु री वजह कने मणू परमेश्वर रा आदरमान ते महिमा करण। मणू ए समजी सकण कि दुनिया रे बणने रे पैल्ले का ही ते अज्ज रे समय तिकर परमेश्वर री ही ताकत ते हक है ते से हमेसा-हमेसा तिकर रैह्णी। आमीन!
मैं यूहन्ना सबर कने तुसा कने तिन्हा जुल्मां जो सहन करणे बिच तुसा रा साथी है जे असा पर मसीह कने रिस्ता होणे री वजह हुंदे, ते मैं परमेश्वर रे राज बिच तुसा रा साथी है। परमेश्वर रा बसेख सुनाणे ते यीशु रे सच्चे वचन रा प्रचार करणे री वजह कने रोमी साम्राज्य रे अधिकारियां ने मेरे जो पतमुस टाप्पु पर भेज्जी दित्ते रा है।
ကြော်ငြာတွေ