1 पतरस 4:12 - चम्बयाली नौआ नियम

¹² ओ प्यारे दोस्तो, मसीह रे मणू होणे रे नात्ते तुसा जे जुल्म सहन करेया करदे हिन, तिन्हेरी वजह कने हैरान मत हो, पर ए सारी चीजां ए दिखाणे तांइ होया करदी हिन कि तुसा हकीकत बिच परमेश्वर बिच विश्वास करदे या नी। इधेरे तांइ ए मत सोच्चो कि तुसा कने किच्‍छ अजीब होया करदा है।

1 पतरस 4:12 ပူးပေါင်းရင်းမြစ်များ

1 कुरुन्थियों 10:13

तुसा सिर्फ इदेइ ही परिक्षा बिच ही पे, जदेई परिक्षा बिच सारे जणे पैंदे। परमेश्वर भरोस्सेमंद हिन ते तिन्हा ने तुसा जो सैह्णे री ताकत का बधी करी कुसकी परिक्षा बिच नी पैणा दैणा। पर तिन्हा ने तुसा जो से ताकत दैणी जिसेरी जरुरत तुसा जो पाप करणे का बचणे तांइ पैणी।

1 कुरुन्थियों 3:13

पर इक्क दिन पता लग्गी जाणा कुसने कदेया कम्म कित्ते रा है। किजोकी जिस दिन मसीह ने वापिस हटी करी आणा तां तिन्हा ने इस गल्ल जो साफ-साफ ज़ाहिर करी दैणा। ए सब किच्‍छ इदेया होणा कि सारेयां ने तिस घर जो बणाणे तांइ इस्तेमाल कित्ते रे समान जो आग्ग बिच पाई करी परखेया जाणा। तिन्हा ने ए दिखणा कि परमेश्वर रे हर इक्क सेवक ने कदेया कम्म कित्ते रा है, ते तिन्हा ने इस गल्ल फैसला करणा कि तिन्हेरा कम्म खरा है या बेकार। जिय्यां कोई आदमी घर बणाणे रे समान जो आग्ग कने परखी करी दिखदा कि से जादा समय तांइ चलणा या तौले ही फुकी जाणा।

2 तीमुथियुस 3:12

हर इक्क तिस मणू पर जुल्म कित्तेया जाणा जिनिये से कम्म करणे री कोसीस करणी जिस कने परमेश्वर खुस हुंदे ते जे मसीह यीशु बिच विश्वास करदा।

1 पतरस 2:11

प्यारे विश्वासियों, तुसा इस दुनिया बिच इक्क अजनबी सांई रेया करदे हिन। मैं तुसा जो चितौणी देया करदा है कि तुसा सरीर री बुरी इच्छां का दुर रेयो किजोकी से तुसा री आत्‍मा रे खिलाफ लड़दी।

1 पतरस 4:4

इसी वजह कने अवे से मणू हैरान हुंदे जां तुसा तिन्हेरे गंदे कम्मां बिच तिन्हा कने शामिल नी हुंदे। इधेरे तांइ से तुसा रे बारे बिच गलत गल्लां बोलदे।

1 पतरस 5:9

तुसा जो अपणे मजबूत विश्वास कने तिसेरा सामणा करणा चाएदा। याद रख्खो, पूरी दुनिया बिच सारे विश्वासी तैसे ही जुल्म सहन करेया करदे हिन जदेय तुसा सहन करेया करदे हिन।