1 पतरस 4:1 - चम्बयाली नौआ नियम

¹ इधेरे तांइ जिय्यां मसीह ने भी जुल्म सहन कित्ते जां तिकर से अपणे सरीर बिच रे, तिय्यां ही तुसा भी तिस्सी व्यवहार कने जुल्म सैह्ण करणे तांइ तैयार रेयो जदेया मसीह रा थिया। किजोकी जे अगर तुसा मसीह तांइ जुल्म सैह्‍ण करणे रा फैसला करी लित्ते रा है, तां इधेरा मतलब है कि तुसा पाप ना करणे रा फैसला कित्ते रा है।

1 पतरस 4:1 ပူးပေါင်းရင်းမြစ်များ

मरकुस 3:3

यीशु ने सुके हत्थ वाले मणू जो बोल्लेया, “बिच मझाटे खड़ा हो।”

रोमियों 6:11

इय्यां ही तुसा जो अप्पु जो पाप रे काबू तांइ ता मरे रा ते मसीह यीशु रे जरिये परमेश्वर री महिमा तांइ जिन्दा समझणा चाएदा।

रोमियों 6:2

नी! बिल्कुल भी नी, असी जे पाप तांइ मरी गेरे हिन तां फिरी अग्गे जो पाप बिच जिन्दगी नी बिताई सकदे।

रोमियों 6:7

जां असी मसीह यीशु कने मरी गे, तां असी पाप रे काबू का अजाद करी दित्ते गे थिये।

गलातियों 2:20

ए इदेया है कि जां यीशु मसीह सुली पर मरे तिय्यां ही मैं भी मरी गेया ते अवे मैं जिंदा नी रेया, पर मसीह यीशु मेरे बिच जिंदे। अते मैं अवे जे जिंदा है तां सिर्फ तिस विश्वास कने जिंदा है, जे मेरे जो परमेश्वर रे पुत्तर पर है, जिन्हा ने मेरे कने प्यार कित्तेया, अते मेरे तांइ अप्पु जो देई दित्तेया।

गलातियों 5:24

अते जे मणू मसीह यीशु रे हिन, तिन्हा ने अपणे सरीर री बुरी इच्छां जो मसीह कने सुली पर चढ़ाई दित्ते रा है, ते से अवे अपणी सरीर री बुरी इच्छा रे काबू बिच नी हिन।

फिलिप्पियों 2:5

जदेया प्रभु यीशु रा स्वभाव थिया तदेया तुसा रा भी स्वभाव हो।

इब्रानियों 12:3

इधेरे तांइ यीशु रे उदारण पर ध्यान करो। जे पाप्पी मणू तिन्हा कने नफरत करदे थिये, तिन्हेरी वजह कने यीशु जो किन्ना जादा सहन करणा पेया। ताकि तुसा निरास होई करी हिम्मत ना छड्डी देयो।

इब्रानियों 4:10

परमेश्वर ने अपणे सारे कम्म मुकाई करी अराम कित्ता। ते ए तिन्हा सारे लोक्कां ताइं तदेया ही होणा जिन्हा ने परमेश्वर कने तिस अराम री जगाह् बिच जाणा। तिन्हा लोक्कां ने भी अपणे सारे कम्म मुकाणे रे बाद अराम करणा।

1 पतरस 2:21

तुसा इधेरे तांइ भी सद्दे गेरे हिन ताकि तुसा परमेश्वर तांइ दुख सहन करो। मसीह इस गल्ल रा उदारण हिन जिन्हा ने तुसा तांइ दुख सहन कित्तेया। इधेरे तांइ तुसा जो से सब तिय्यां ही करणा चाएदा जिय्यां तिन्हा कित्तेया।

1 पतरस 3:18

मैं ए इधेरे तांइ बोल्लेया करदा है किजोकी मसीह ने असा रे पाप्पां रे बदले जुल्म सैह्‍ण कित्तेया ते मारे गे। से इक्क ही वरी मरे ते तिय्यां दुबारा करणे री जरुरत नी है। से अप्पु धार्मिक थिये जिन्हा असा जो परमेश्वर रे नेड़े अणने तांइ असी पाप्पी लोक्कां तांइ अपणी जान देई दित्ती। लोक्कां ने तिन्हेरे सरीर जो मारी छड्डेया पर तिन्हेरी आत्‍मा हल्ले भी जिया करदी है।