1 पतरस 3:8 - चम्बयाली नौआ नियम

⁸ आखिरकार मैं तुसा सारेयां जो ए बोलणा चाह्‍ंदा कि तुसा सारे जणे इक्क-मन होई करी रेयो। इक्क दूए कने हमदर्दी रख्खो। इक्क-दूए जो अपणे परिवार रे मणूआं सांई प्यार करो, इक्क-दूए तांइ दयालू बणो ते सारेयां कने नरम बणो।

1 पतरस 3:8 ပူးပေါင်းရင်းမြစ်များ

मत्ती 18:33

मैं जिय्यां तेरे पर तरस खाया थिया, तिज्जो भी तिय्यां ही अपणे साथी नौक्कर पर भी तरस खाणा चाएदा थिया।

लूका 10:33

पर इक्क सामरिया प्रदेश रा मणू उत्ते का जाया करदा थिया, जां तिनिए उस बचारे अध-मरे मणू जो तड़पदे दिख्खेया, तां तिसजो उस पर बड़ा तरस आया।

प्रेरितां रे कम्म 2:1

जां यहूदी लोक्कां रे पिन्तेकुस्त रा त्याहार रा दिन आया, तां से सारे इक्क जगाह् कठित्ते रे थिये।

प्रेरितां रे कम्म 27:3

दूए रोज्जे असा सैदा कस्बे बिच पूजी करी तित्ते रुके, ते यूलियुस ने पौलुस पर रहम करी के तिसजो मित्रां का जाणा दित्तेया कि तिसेरी आदर-खातर होई सको।

प्रेरितां रे कम्म 28:7

तिस जगाह् रे अरे-परे तिस टापू रे प्रधान पुबलियुस री जमीन थी तिनिये असा जो अपणे घरे लेई जाई करी त्रै रोज्जां तांइ बड़े प्यार कने देखभाल कित्ती।

प्रेरितां रे कम्म 4:32

भरोसे करणे वालेयां री मडंली इक्क मन रे थिये, इत्ते तिकर कोई भी अपणी जायदाद जो अपणा नी बोलदा थिया, पर सारा किच्‍छ आपस रा थिया

रोमियों 12:10

भाईचारे रे प्यार कने इक्क-दूज्जे कने लगाव रख्खो। अप्पु-मिते इक्क दूए री इज्जत दैणे बिच इक्क-दूज्जे का बदधे चलो।

रोमियों 15:5

मैं परमेश्वर का प्रार्थना करदा कि से तुसा जो सबर ते सांती दे ताकि तुसा अप्पु मिते मिली जुली होई करी रेई सको, जिय्यां कि असा जो मसीह यीशु विश्वास बिच करणे वालया जो जचदा भी।

1 कुरुन्थियों 1:10

अवे ओ मेरे संगी विश्वासियों, मैं असा रे प्रभु यीशु मसीह रे हक कने तुसा जो इय्यां करणे तांइ जोर पांदा कि तुसा सारे जणे इक्क ही गल्ल पर राज़ी होया करो, ते तुसा लोक्कां बिच कोई फूट ना हो ते मैं जोर पाई करी बोलदा कि इक्क मकसद ते इक्क ही तरिक्के सोच विचार रख्खी करी अप्पु-मिते सांती बणाई रख्खो।

1 कुरुन्थियों 12:26

इस तांइ जे अगर इक्क अंग बिच कमजोरी हुंदी तां सारा सरीर तकलीफ बिच हुंदा। ते तिय्यां ही जां असा रे सरीर रे इक्क अंग री बड़ी बदिया दिख्ख-रिख्ख हुंदी

इफिसियों 4:2

मतलब कि सारी दीनता ते निम्तेपन कने, ते सबर रख्खी करी प्यार कने इक्क-दूज्जे री सहन करी लेयो।

इफिसियों 4:31

सबणी किस्मे री कड़वाट, ते गुस्से ते लैहर-र ते कहला, ते बेजती, सारे बैर भाव समेत तुसा का दुर कित्ते जान्

इफिसियों 4:32

हमेसा इक्क-दूए तांइ कृपालू ते दयावान बणो, इक्क-दूए जो माफ करो, जिय्यां परमेश्वर ने मसीह यीशु बिच तुसा जो माफ कित्ता।

फिलिप्पियों 2:3

मतलबीपन या झूठ्ठी बड़ाई तिकर किच्‍छ मत करो, पर दीनता कने इक्क दुजे जो अप्पु का बदिया समझो।

फिलिप्पियों 3:16

असा जो तिस सच रे हिसाब कने जिन्दगी बिताणी चाएदी जे परमेश्वर ने असा पर ज़ाहिर कित्ते री है।

कुलुस्सियों 3:12

किजोकी परमेश्वर तुसा जो प्यार करदे ते तिन्हा ने तुसा जो अपणे पवित्र मणू बणने तांइ चुणी लित्ते रा है, इधेरे तांइ तुसा बड़ी करुणा, निमतापन, भलाई, कने सहनशीलता ते दया रा स्वभाव धारण करी लेयो।

इब्रानियों 13:1

भाईचारे रे रा प्यार बणी रे।

याकूब 2:13

जे अगर तुसा होर लोक्कां कने दया रख्खी हो तां परमेश्वर ने भी हिसाब-किताब करणे रे दिन पर तुसा पर दया करणी।

याकूब 3:17

पर परमेश्वर रे पास्से का मिलणे वाला ज्ञान सबका पैल्ले तां से पवित्र हुन्दा, फिरी मिलनसार, भद्र, दया कने भरितेरा अते ठीक कम्मां कने लद्दितेरा, अते बगैर भेद-भाव रे ते सच्चा भी हुन्दा।

याकूब 5:11

असी सबर रखणे वाले लोक्कां जो धन्न बोलदे। तुसा अय्यूब नां रे मणू रे सबर रखणे रे बारे बिच तां सुणे रा ही है, ते प्रभु ने आखर तिसजो जे प्रतिफल दित्ता तिसजो तुसा जाणी लित्ते रा कि प्रभु अती करुणामयी ते दयालू हिन।

1 पतरस 1:22

सच्चाई जो मन्नी करी चलणे री वजह कने अवे तुसा सुच्चे कित्ते गे, अवे तुसा जो तन-मन लाई करी संगी विश्वासियां कने आपसी प्यार रखणा चाएदा। बड़ी चाह्‍त ते पूरे दिल कने इक्क-दूए कने प्यार रख्खो।

1 पतरस 2:17

सारेयां री इज्जत करो, मुख्य अधिकारी री इज्जत करो, ते अपणे संगी विश्वासियां कने प्यार करो।

1 पतरस 5:5

तिय्यां ही, तुसा जवान मणू भी अपणे का बड्डे विश्वासियां रे कहे मुताबिक चलेया करो। तुसा जो निम्तेपन कने इक्क-दूए री सेवा करणा चाएदी, जिय्यां कि पवित्रशास्त्र बिच लिख्खे रा है, “परमेश्वर घमंडी मणूआं रे खिलाफ हिन, पर से निम्ते मणूआं कने ठीक हिन।”

2 पतरस 1:7

ते भक्ति पर भाईचारा बधांदे रेयो, ते भाईचारे पर प्यार भी बधांदे रेयो।

1 यूहन्ना 3:14

असी जाणदे कि असी हमेसा री मौत रे वस बिच नी हिन ते अवे असा का परमेश्वर रे पास्से का हमेसा री जिन्दगी है किजोकी असी अपणे संगी विश्वासी कने प्यार करदे ते जे मणू प्यार नी करदा, से हमेसा री मौत रे वस बिच हिन।