1 पतरस 3:7 - चम्बयाली नौआ नियम

⁷ तिय्यां ही ओ लाड़ेयों, अपणी लाड़ियां कने बड़ी नरमीयत कने रेयो, तुसा जो ए गल्ल याद रखणी चाएदी कि से तुसा का कमजोर हिन, इधेरे तांइ तुसा जो तिन्हेरी इज्जत करणा चाएदी, किजोकी तुसा दोन्नों तिस वरदान बिच हिस्सेदार हिन जे परमेश्वर ने तुसा जो बड़े अनुग्रह कने दित्ते रा है, जे कि हमेसा री जिन्दगी है। इय्यां ही करेया करो किजोकी जां तुसा प्रार्थना करेया करो तां से तुसा जो सुणे।

1 पतरस 3:7 ပူးပေါင်းရင်းမြစ်များ

मत्ती 18:19

मैं तुसा कने फिरी सच बोलदा, जे तुसा रे बिच का दो जणे कुसकी गल्ल तांइ इकमत होई करी प्रार्थना करो, तां तिसजो मेरे स्वर्ग बिच रैह्णे वाले पिता ने पूरा करी दैणा।

1 कुरुन्थियों 7:3

ए जरुरी है कि हर लाड़ा अपणी लाड़ी तांइ अपणी हर जिम्मेवारी जो निभाए ते हर इक्क लाड़ी अपणे लाड़े तांइ अपणी जिम्मेवारियां जो निभाए।

इफिसियों 3:6

ते से राज़ ए है कि मसीह यीशु रा सुब बसेख सुनणे ते तिन्हा कने रिस्ता बणने री वजह कने गैर यहूदी लोक्कां जो भी विरासत बिच हिस्सा मिलणा। से अवे मसीह रे सरीर रा इक्क हिस्सा बणी गेरे हिन जे कलीसिया है। ते तिन्हा सारी चीजां बिच तिन्हेरा हिस्सा भी है जिसेरा वादा परमेश्वर ने यहूदी लोक्कां कने कित्तेया थिया।

इफिसियों 4:30

अपणे कम्मां री वजह कने पवित्रात्मा जो दुखी मत करो जिन्हेरे जरिये छुटकारे वाले दिन तांइ तुसा पर मौहर लाई गे री है।

इफिसियों 5:33

ए ही गल्ल तुसा बिच का हर इक्क पर लागू हुंदी कि तुसा सारे अपणी लाड़ियां कने अपणे बराबर प्यार रख्खे, ते लाड़ी भी अपणे लाड़े री इज्जत करे।

इफिसियों 6:18

हर बेल्ले ते हर तरिक्के कने पवित्रात्मा रे कहे मुताबिक प्रार्थना ते बिनती करदे रेयो, ते इस गल्ल तांइ जागदे रेयो की परमेश्वर रे सारे लोक्कां तांइ लगातार बिनती करेया करो।

कुलुस्सियों 3:19

ओ लाड़ेयों, तुसा भी अपणी लाड़ियां कने प्यार कने रेयो ते तिन्हा कने सख्ती मत करो।

1 थिस्सलुनीकियों 4:4

तां तुसा बिच का हर इक्क जणे ने अपणे सरीर जो काबू बिच रखणा ते पवित्रता ते आदर कने जीणा।

तीतुस 3:7

ताकि असी तिस हमेसा री जिन्दगी जो पाणे री आस बिच रे जिस जो दैणे रा वादा परमेश्वर ने अपणे बच्चेयां कने कित्ते रा है। ते असी इस गल्ल बिच निचिंदे रेई सकदे किजोकी परमेश्वर ने अपणे अनुग्रह कने असा जो अपणी नजर बिच धार्मिक ठैहराए रा है।

इब्रानियों 1:14

तां फिरी स्वर्गदूत कै करदे? कै से सिर्फ परमेश्वर री सेवा करदे? परमेश्वर तिन्हा जो छुटकारा पाणे वाले लोक्कां री देख-रेख करणे तांइ भेजदे।

1 पतरस 3:1

ओ लाड़ियों, तुसा भी अपणे लाड़ेयां रे अधीन रेयो, किजोकी जे अगर तिन्हा बिच का कोई भी सुब बसेख जो मनणे का इन्कार करी दे, तां तिन्हा ने तुसा रे सुच्चे ते भक्ति कने भरपूर रैह्ण-सैह्‍ण जो दिख्खी करी तुसा रे बोल्ले बगैर ही मसीह बिच विश्वास करी लैणा।