1 पतरस 3:22 - चम्बयाली नौआ नियम

²² ते अवे से स्वर्ग जो चली गेरे हिन। से अवे सबका ऊच्ची जगाह् पर, परमेश्वर रे सज्जे हत्थ पास्से का सारे स्वर्गदूतां पर ते सारी हुकुमतां ते ताकतां पर राज करेया करदे हिन।

1 पतरस 3:22 ပူးပေါင်းရင်းမြစ်များ

मत्ती 22:44

प्रभु ने मेरे प्रभु जो बोल्लेया, मेरे सज्जे पास्से बैह्, जा तिकर मैं तेरे बैरियां जो तेरे पैरां रे थल्ले ना करी देयां।

मत्ती 28:18

फिरी यीशु ने उन्हेरे का जाई करी बोल्लेया, स्वर्ग ते जमीन बिच सब हक मेरे जो दित्ते गे हिन।

मरकुस 12:36

किजोकी दाऊद ने अप्पु ही पवित्रात्मा अन्दर होई करी बोल्ले रा है: ‘परमेश्वर ने मेरे प्रभु जो बोल्लेया, मेरे सज्जे पास्से बैह्, जां तांइ मैं तेरे दुश्मणा जो तेरे पैरां हेठ नी करी दिन्दा।’

मरकुस 16:19

प्रभु यीशु उन्हा कने गल्लां करणे का बाद स्वर्ग बिच चुक्की लित्ते गे, ते परमेश्वर रे सज्जे पास्से बेई गे।

लूका 20:42

किजोकी दाऊद ने तां अप्पु ही भजन संहिता री कताब अन्दर ए लिख्खे दा है कि प्रभु (परमेश्वर) जी ने मेरे प्रभु (मसीह यीशु) जी जो बोल्लेया,

यूहन्ना 13:32

ते जिय्यां परमेश्वर जो अपणे पुत्तर री वजह कने महिमा मिल्ले री है तिय्यां ही पिता-परमेश्वर ने भी अपणे पुत्तर जो जल्द ही महिमा दैणी।

प्रेरितां रे कम्म 1:11

ते तिन्हेरे जो बोल्लेया, ओ गलीली मणूओं, तुसा किजो खड़ी करी आसमान पास्से दिख्खेया करदे हिन? ए ही यीशु, जे तुसा रे का स्वर्ग पर चुक्की लित्ते गेरे हिन, जिस तरिक्के कने तुसा उन्हा जो स्वर्ग पर जादें दिख्खेया तिसी तरिक्के कने उन्हा ने फिरी हटणा।

प्रेरितां रे कम्म 3:21

जरुरी है कि से स्वर्ग बिच तिस बेल्ले रैह्ण जां तिकर की से सारी चीजां जो दुबारा नौआ ना बणाई लये, जिस गल्ल रा वादा परमेश्वर ने अपणे पवित्र भविष्यद्वक्ताओं कने बड़े पैल्ले कित्ता थिया।

रोमियों 8:34

इदेया कोई नी है जे असा पर सजा रा हुकम देई सके, किजोकी से मसीह यीशु ही हिन जे असा तांइ मरे ते मुर्देयां बिच का जिन्दे होई गे, ते परमेश्वर रे सज्जे पास्से बैठ्ठे रे हिन, ते असा तांइ बिनती करेया करदे हिन।

रोमियों 8:38

किजोकी मैं पक्के तौर पर जाणदा, कि ना मौत, ना जिन्दगी, ना स्वर्गदूत, ना स्वर्ग बिच रैह्णे वाले शासक, ना आज्‍ज, ना आणे वाला कल, ना ताकत, ना ही ऊंचाई असा जो मसीह रे प्यार का बखरा नी करी सकदे।

1 कुरुन्थियों 15:24

इसेरे बाद जां मसीह ने सारा किच्‍छ मुकाई दैणा, तां दुनिया रा खात्मा होई जाणा ते मसीह यीशु ने राज परमेश्वर पिता जो सौंप्पि दैणा।

कुलुस्सियों 3:1

अवे जां तुसा मसीह यीशु कने मुर्देयां बिच का फिरी जिन्दे कित्ते गे, तां तुसा स्वर्ग री चीजां री इच्छा रख्खो, ते जित्ते मसीह यीशु हिन, से परमेश्वर रे सबका जादा महिमामय जगाह् पर तिन्हेरे नेड़े बैठ्ठे रे हिन।

इब्रानियों 1:13

परमेश्वर ने अपणे स्वर्गदूतां बिच का कुसकी जो कदी ए नी बोल्लेया, “मेरे सज्जे पास्से, महिमा री जगाह् बिच बेई जा, जां तांइ मैं तेरे दुश्मणा जो तेरे अधीन ना करी देयां?”

इब्रानियों 1:3

पुत्र ही परमेश्वर री महिमा री रौसनी है, ते पुत्र रे जरिये ही असी दिखदे कि परमेश्वर कदेय हिन। अते से अपणी ताकत रे वचनां कने से ब्रम्हांड जो चलाया करदे हिन। तिन्हा ने लोक्कां रे पाप्पां जो माफ कित्ता, ते परमेश्वर री महिमामय बिच स्वर्ग अंदर तिन्हेरे सज्जे पास्से बेई गे।

इब्रानियों 1:6

जां परमेश्वर ने अपणे महिमामय मुंडे जो इस दुनिया रे लोक्कां बिच भेज्जेया, तां तिन्हा ने अपणे स्वर्गदूतां जो पुत्तर री अराधना करणे रा हुकम दित्ता।

इब्रानियों 10:12

पर मसीह यीशु, जे असा रे बड्डे पुरोत्त हिन, से ता असा रे पाप्पां रे बदले, इक्क ही वरी कुर्बान होए, ते परमेश्वर रे सज्जे पास्से जाई बैठ्ठे।

इब्रानियों 12:2

असा जो अपणी हाख्खियां यीशु पर लाई रखणी चाएदी, जे असा जो विश्वास बिच अग्गे बधांदे ते पूरा भी करदे। तिन्हा ने सुली पर जान दैणे ते बेज्जती जो भी, बाद बिच मिलणे वाले आनंद रे बारे बिच सोचदे होए सहन करी लित्तेया। से अवे परमेश्वर रे सिहांसन रे सज्जे पास्से बैठ्ठे रे हिन।

इब्रानियों 4:14

यीशु जे स्वर्ग बिच गे थिये, से परमेश्वर रे पुत्तर ते असा रे प्रधान पुरोत्त हिन। से असा सारेयां रे बड्डे पुरोत्त हिन। इधेरे तांइ, असा जो तिस विश्वास जो छड्डे बगैर तिन्हा बिच मजबूती कने बणी रैह्णा चाएदा, जिस जो असी सबका पैल्ले अपणाए रा है।

इब्रानियों 6:20

यीशु मसीह असा का पैल्ले स्वर्ग बिच असा तांइ गे। से हमेसा-हमेसा तांइ मलिकिसिदक सांई प्रधान पुरोत्त बणी गेरे हिन।

इब्रानियों 8:1

अब्बे जे गल्ल असी करेया करदे हिन, तिन्हा बिच का सबका जादा जरुरी गल्ल ए है, कि असा का इक्क इदेया प्रधान पुरोत्त है, जे स्वर्ग बिच परमधन्य परमेश्वर रे सज्जे पास्से बैठ्ठे रे हिन।

इब्रानियों 9:24

इधेरे तांइ मसीह मणूआं रे हत्थ रे बणाए रे तम्बू बिच नी गे। से तिस असली तम्बू री सिर्फ इक्क नकल है। बल्कि से स्वर्ग बिच गे ते अवे तित्ते परमेश्वर कने हिन, ताकि से असा री मदद करी सकण।