1 पतरस 3:21 - चम्बयाली नौआ नियम

²¹ पुराणे जमान्ने बिच तिन्हेरा छुटकारा अवे अज्ज रे जमान्ने बिच तिस छुटकारे रा उदारण है जे असा जो बपतिस्मा लैणे रे जरिये मिलदा। जिस पाणी बिच असी बपतिस्मा लिंदे से सरीर री गंदगी जो दुर नी करदा, पर ए इस गल्ल री निशानी है कि असा ने परमेश्वर का अपणे पाप्पां री माफी मंगे री है, ते असा रे मन तिन्हा पाप्पां री वजह कने अवे परेशान नी हिन। असा जो अवे असा रे पाप्पां का माफी मिल्ली सकदी किजोकी मसीह यीशु मुर्देयां बिच का फिरी जिन्दा होई गेरे हिन,

1 पतरस 3:21 ပူးပေါင်းရင်းမြစ်များ

मत्ती 28:19

इधेरे तांइ तुसा जाओ अते जाति-जाति रे लोक्कां जो मेरा चेल्ला बणाओ तुसा जो ए कम्म परम पिता रे नां बिच, पुत्तर रे नां बिच अते पवित्रात्मा रे नां बिच उन्हा जो बपतिस्मा देई करी पूरा करणा है।

मरकुस 16:16

जे विश्वास करी के बपतिस्मा लिन्गा तिसेरा ही छुटकारा होणा, पर जे विश्वास नी करगा, तिसेरे पाप माफ नी होणे ते से गुनेह्गार मन्नेया जाणा।

यूहन्ना 13:9

शमौन पतरस ने तिन्हा जो बोल्लेया, ओ प्रभु जी, तां मेरे पैर ही नी, बल्कि हत्थ ते सिर भी धोई देयो

प्रेरितां रे कम्म 16:33

फिरी जेल रा से अधिकारी तिस्सी रात ते तिस्सी बेल्ले तिन्हा जो तित्ते का लेई गेया तिसने तिन्हेरे जख्म धोये, ते तिसने अपणे घरेतां समेत बपतिस्मा लित्तेया

प्रेरितां रे कम्म 2:38

पतरस ने तिन्हा जो बोल्लेया, अपणे पाप्पां का तौबा करो, ते तुसा बिच का हर इक्क अपणे-अपणे पाप्पां री माफी पाणे तांइ मसीह यीशु रे नां कने बपतिस्मा लै तां तुसा पवित्रात्मा रा दान मिलणा।

प्रेरितां रे कम्म 22:16

अवे ऐड्डी हाण किजो लाया करदा है? उठ, बपतिस्मा लै, ते तिन्हेरा नां लै ताकि तेरे पाप माफ होई जाण।

प्रेरितां रे कम्म 8:36

रस्ते बिच जादें-जादें से इक्क तलाब का गुजरेया करदे थिये, तां तिस किन्नर ने बोल्लेया, दिख्ख इत्ते तलाब है अवे मेरे जो बपतिस्मा लैणे बिच कै रोक है?

प्रेरितां रे कम्म 8:37

फिलिप्पुस ने तिसजो बोल्लेया, जे अगर तू अपणे पूरे मन कने विश्वास करदा, तां ए होई सकदा: तिसने जवाब दित्तेया कि मैं विश्वास करदा कि मसीह यीशु ही परमेश्वर रे पुत्तर हिन।

रोमियों 5:14

तां भी आदम का लेई करी मूसा तिकर जिन्ने लोक्कां ने पाप कित्ता ते से सारे मरी गे, इत्ते तिकर से मणू भी मरी गे जिन्हा ने परमेश्वर रे हुकमां जो नी टालेया, जिय्यां आदम ने टालेया थिया। जां आदम आया, तां तिसेरे पाप करणे री वजह कने सारे लोक्कां री जिन्दगी पर असर पेया, पर जां मसीह यीशु दुनिया बिच आए तां पाप्पां का छुटकारा दैणे री वजह कने सारे लोक्कां री जिन्दगी पर असर पेया।

1 कुरुन्थियों 12:13

तिय्यां ही असी सारे जणे चाए यहूदी या गैर यहूदी, चाए गुलाम हो या अजाद, असी सारेयां रा इक्क ही सरीर बिच इक्क बणी जाणे तांइ तिस ही आत्‍मा रे जरिये बपतिस्मा होए रा है ते असी सारेयां ने इक्क ही आत्‍मा पाए रा है।

1 कुरुन्थियों 4:6

ओ संगी विश्वासियों, मैं इस गल्ल-बात बिच अपणा ते अपुल्लोस रा ज़िकर इधेरे तांइ कित्तेया ताकि तुसा असा रा उदारण लेई सको ते तुसा इसेरे मतलब जो समजी सको जिसेरे बारे बिच पवित्रशास्त्र बिच ए लिख्खे रा है, “पवित्रशास्त्र बिच लिख्खे री गल्लां का बधी करी होर किच्‍छ ना सोच्चो।” अते ए गल्ल ठीक नी है कि तुसा इक्क कने आदरमान कने रेयो ते दूए रे खिलाफ होई करी तिसेरी बेज़ती करो।

2 कुरुन्थियों 1:12

किजोकी असी अपणे विवेक री इस गवाई पर असी पूरी बुड़ख कने बोलदे कि असी अपणे हर काम्म-काज बिच परमेश्वर री दित्ते री पवित्रता ते सच्चाई कने जिन्दगी जिन्दे, खासतौर पर जां असी तुसा कने थिये। असी अपणी इन्सानी समझ पर नी पर परमेश्वर रे अनुग्रह पर निर्भर रैहन्दे।

2 कुरुन्थियों 7:1

अते ओ प्यारे संगी विश्वासियों, जां परमेश्वर ने असा कने ए वादा कित्ते रा है कि तिन्हा ने असा जो अपणे बच्चेयां रे रुप बिच अपणाई लैणा, इधेरे तांइ, आओ असी हर तरिक्के री बुराई जो छड्डी दैण, ते इक्क पवित्र जिन्दगी जीणे री कोसीस करदे रैह्ण।

इफिसियों 5:26

ताकि तिसजो अपणे वचन रे जरिए जल रे स्नान कने साफ करी के पवित्र बणाए।

कुलुस्सियों 2:12

तिय्यां ही जां तुसा जो बपतिस्मा दित्तेया गेया तां तुसा रे पापी स्वभाव जो इय्यां गाड़ेया गेया जिय्यां मसीह यीशु जो गाड़ेया गेया थिया। ते जिय्यां से फिरी मुर्देयां बिच का जिन्दे होई गे थिये, तिय्यां ही तुसा जो भी नौई जिन्दगी दित्ती गयी, किजोकी तुसा परमेश्वर री बड्डी ताकत पर विश्वास कित्तेया, जिन्हा ने मसीह यीशु जो मुर्देयां बिच का फिरी जिन्दा कित्तेया थिया।

1 तीमुथियुस 1:5

ए हुकम दैणे रा मकसद ए है कि तुसा साफ मन, साफ विवेक अते सच्चे विश्वास कने इक्क-दूए कने प्यार करो।

1 तीमुथियुस 6:12

जिय्यां इक्क खरा सिपाई लड़ाई रे मैदान बिच कदी हार नी मनदा तिय्यां ही तुसा जो भी परमेश्वर बिच विश्वास करणा ते तिन्हा रे हुकमां जो मनणा नी छडणा चाएदा ते हमेसा री जिन्दगी जो थाम्मि लेयो।

इब्रानियों 10:22

इधेरे तांइ, असा जो सच्चे मन ते मसीह बिच पूरे विश्वास रख्खी करी, परमेश्वर का जाणा चाएदा। ए मसीह ही हिन, जिन्हा ने असा जो पाप्पां का बचाया ते असा जो साफ कित्ते रा है, किजोकी असा रे विवेक पर मसीह यीशु रे खून रा छिड़काव कित्तेया, जिय्यां तिन्हा ने असा रे सरीर जो पाणी कने साफ कित्तेया।

इब्रानियों 11:19

किजोकी अब्राहम ने मन्नी लेया थिया, कि परमेश्वर इन्ना ताकतवर हिन कि तिसेरे मुंडे इसहाक जो मरेयां बिच का भी जिन्दा करी देण: ते इक्क तरिक्के कने तिसेरा मुंडा मुर्देयां बिच का फिरी जिन्दा होया ही थिया।

इब्रानियों 13:18

इस तिकर असा तांइ प्रार्थना करदे रेयो। किजोकी असी पक्के तौर पर जाणदे कि असा रा विवेक साफ है, ते असी सारी गल्लां अन्दर परमेश्वर जो आदर दैणा चाह्‍ंदे।

इब्रानियों 9:14

पर मसीह रा बेकसूर खून असा रे विवेक जो असा रे पाप्पां, जे असा री मौत री वजह बणदे, तिन्हा का साफ करदे, ताकि असी जिन्दे परमेश्वर री अराधना करी सकण। किजोकी पवित्रात्मा री ताकत रे जरिये मसीह ने अप्पु जो इक्क सिद्व कुर्बानी रे तौर पर परमेश्वर जो अर्पित करी दित्तेया।

इब्रानियों 9:24

इधेरे तांइ मसीह मणूआं रे हत्थ रे बणाए रे तम्बू बिच नी गे। से तिस असली तम्बू री सिर्फ इक्क नकल है। बल्कि से स्वर्ग बिच गे ते अवे तित्ते परमेश्वर कने हिन, ताकि से असा री मदद करी सकण।

1 पतरस 1:3

असा रे प्रभु मसीह यीशु रे पिता ते परमेश्वर रा शुक्रिया हो। असा पर तिन्हेरी दया री वजह कने तिन्हा ने मसीह यीशु जो मरे रे लोक्कां बिच का फिरी जिन्दा करी के असा जो इक्क नौई जिन्दगी दित्ती, ते तिन्हा ने असा जो बड़े हौंसले कने जीणे रे जोग्गे बणाया, इसेरा मतलब ए है कि असी तिन्हा सारी चीजां जो पाणे री आस रख्खी सकदे जिस जो दैणे रा वादा परमेश्वर ने असा ने कित्ते रा है।

1 पतरस 3:16

हमेसा भलाई रे कम्म करणे तांइ तैयार रेयो, तिन्हा ने तुसा रे बदिया बोल-चाल जो दिख्खी करी शर्मिंदा होणा किजोकी तुसा मसीह रे मणू हिन।