1 पतरस 3:20 - चम्बयाली नौआ नियम

²⁰ ए तिन्हा लोक्कां री आत्मां हिन जिन्हा ने लम्बे समय पैल्ले परमेश्वर रे हुकम री ना-फरमानी कित्ती थी, जां नूह अपणा जहाज बणाया करदा थिया, ते परमेश्वर इस गल्ल रा इंतजार करेया करदे थिये कि ए मणू अपणे पाप्पां का तौबा करगे कि नी। पर सिर्फ आठ्ठ मणू ही तिस भयानक बाढ़ बिच डूबणे का बचाए गे।

1 पतरस 3:20 ပူးပေါင်းရင်းမြစ်များ

मत्ती 7:14

पर कितणा तंग है से दुआर अते कितणा मुस्किल है से रस्ता जे हमेसा री जिन्दगी पास्से जांदा, बड़े घट्ट जणे हिन जे तिस पर चलदे।

लूका 12:32

इधेरे तांइ ओ छोटे झुण्ड, डरो मत, किजोकी तुसा रा परम पिता परमेश्वर चाह्‍ंदा कि तुसा तिन्हेरे राज रे वारिस बणो।

प्रेरितां रे कम्म 2:41

अते जिन्हा ने तिसेरा बसेख सूणेया ते विश्वास कित्ता, तिन्हा ने बपतिस्मा लित्ता ते तिसी दिन त्रै हजार लोक्कां रे लगभग तिन्हा विश्वासियां रे दल बिच मिली गे।

रोमियों 9:22

परमेश्वर अपणी ताकत ते गुस्सा तिन्हा लोक्कां पर ज़ाहिर करणा चाह्‍ंदे थिये जे मुकाई दित्ते जाणे रे जोग्गे थिये, पर इसेरे बजाए परमेश्वर तिन्हा लोक्कां कने सबर कने रे।

इफिसियों 5:26

ताकि तिसजो अपणे वचन रे जरिए जल रे स्नान कने साफ करी के पवित्र बणाए।

इब्रानियों 11:7

विश्वास कने ही नूह ने तिन्हा गल्लां रे बारे बिच जे तिस बेल्ले दिसदी नी थी, चितौणी पाई करी भक्ति कने अपणे घरे रे बचाव तांइ जहाज बणाया, ते तिसेरे जरिए तिनिये दुनिया जो दोषी ठैहराया ते परमेश्वर पर विश्वास करणे री वजह कने तिसजो तिन्हा का इक्क वारिस रे तौर पर धार्मिकता मिली ते जे तिनिये कित्तेया थिया से सही थिया।

1 पतरस 1:22

सच्चाई जो मन्नी करी चलणे री वजह कने अवे तुसा सुच्चे कित्ते गे, अवे तुसा जो तन-मन लाई करी संगी विश्वासियां कने आपसी प्यार रखणा चाएदा। बड़ी चाह्‍त ते पूरे दिल कने इक्क-दूए कने प्यार रख्खो।

1 पतरस 1:9

तुसा इधेरे तांइ खुस हिन किजोकी तुसा री आत्‍मा पाप री हालत बिच का पूरे तरिक्के कने बचाई जाया करदी है। ए मसीह यीशु बिच तुसा रे विश्वास रा ईनाम है।

1 पतरस 2:25

तुसा पैल्ले भटकी री भेड़ां सांई थिये, पर अवे तुसा मसीह का हटी आए रे हिन, जे तुसा री आत्‍मा रे पुहाल ते मुखिया हिन।

1 पतरस 3:19

तिसका बाद तिन्हेरी आत्‍मा ने जाई करी तिस जगाह् बिच होर आत्मां जो सुब बसेख सुणाया जिन्हा जो परमेश्वर ने तिस जगाह् बिच कैद करी छड्डे रा है जित्ते सारे मरे रे लोक्कां री आत्मां रेह्न्दी।

1 पतरस 4:19

इधेरे तांइ तिन्हा लोक्कां जो परमेश्वर बिच विश्वास करणा जारी रखणा चाएदा जे मणू परमेश्वर री मर्जी रे मुताबिक जुल्म सहन करदे। परमेश्वर से चीज हमेसा करदे जिसेरा वादा तिन्हा ने कित्ते रा हो, इधेरे तांइ भलाई रे कम्म करदे रेयो।

2 पतरस 2:5

तुसा ए भी जाणदे कि जां से मणू परमेश्वर का नी डरदे थिये, तां परमेश्वर ने तिन्हेरे बुरे कम्मां जो नजरअंदाज नी कित्तेया। बल्कि तिन्हा ने उन्हा लोक्कां जो सजा दित्ती ते पाणी भेज्जेया ताकि से सारे मुकी जाण। पर परमेश्वर ने नूह जो जिनिये परमेश्वर रे सामणे धार्मिक बणने रे बारे बिच प्रचार कित्तेया थिया तिसजो मिलाई करी तिन्हा आठ्ठ जणेया जो बचाई लित्तेया।

2 पतरस 3:15

असा रे प्रभु रे सबर जो अपणे तांइ इक्क समझो, से तुसा जो तिन्हेरे हिसाब-किताब लैणे का बचणे रा मौक्का देया करदे हिन। ए ही गल्ल असा रा संगी विश्वासी पौलुस भी तुसा जो अपणी तिस समझ रे हिसाब कने चीठ्ठी बिच लिख्खी करी समजाया करदा है जे परमेश्वर ने तिसजो दित्ते री है।