1 पतरस 3:19 - चम्बयाली नौआ नियम

¹⁹ तिसका बाद तिन्हेरी आत्‍मा ने जाई करी तिस जगाह् बिच होर आत्मां जो सुब बसेख सुणाया जिन्हा जो परमेश्वर ने तिस जगाह् बिच कैद करी छड्डे रा है जित्ते सारे मरे रे लोक्कां री आत्मां रेह्न्दी।

1 पतरस 3:19 ပူးပေါင်းရင်းမြစ်များ

1 पतरस 3:18

मैं ए इधेरे तांइ बोल्लेया करदा है किजोकी मसीह ने असा रे पाप्पां रे बदले जुल्म सैह्‍ण कित्तेया ते मारे गे। से इक्क ही वरी मरे ते तिय्यां दुबारा करणे री जरुरत नी है। से अप्पु धार्मिक थिये जिन्हा असा जो परमेश्वर रे नेड़े अणने तांइ असी पाप्पी लोक्कां तांइ अपणी जान देई दित्ती। लोक्कां ने तिन्हेरे सरीर जो मारी छड्डेया पर तिन्हेरी आत्‍मा हल्ले भी जिया करदी है।

1 पतरस 3:20

ए तिन्हा लोक्कां री आत्मां हिन जिन्हा ने लम्बे समय पैल्ले परमेश्वर रे हुकम री ना-फरमानी कित्ती थी, जां नूह अपणा जहाज बणाया करदा थिया, ते परमेश्वर इस गल्ल रा इंतजार करेया करदे थिये कि ए मणू अपणे पाप्पां का तौबा करगे कि नी। पर सिर्फ आठ्ठ मणू ही तिस भयानक बाढ़ बिच डूबणे का बचाए गे।

1 पतरस 4:6

इसी वजह कने मरे रे लोक्कां ने भी मसीह रा सुब बसेख सूणेया। हर इक्क सांई तिन्हेरी शरीरी मौत होई, पर अवे से आत्‍मा बिच परमेश्वर कने हमेसा-हमेसा तांइ जिया करदे हिन।

प्रकाशित वाक्य 19:10

तां मैं तिन्हा जो प्रणाम करणे तांइ तिन्हेरे पैरां पर पेई गेया, तिन्हा ने मेरे जो बोल्लेया, दिख्ख, इय्यां मत कर मैं तेरे ते तेरे भ्यालां रा संगी दास है जे यीशु री ग्वाही दैणे पर स्थिर हैं परमेश्वर जो ही प्रणाम करे: किजोकी यीशु री ग्वाही भविष्यवाणी री आत्‍मा है।

प्रकाशित वाक्य 20:7

जां हजार साल पूरे होई जाणे तां शैतान कैद का छड्डी दित्तेया जाणा। तिनिए तिन्हा जातियां जो जे धरती रे चारो पास्से होणी, मतलब गोग ते मागोग जो जिन्हेरी गिनती समुंदर री रेत जिन्नी होणी, भड़काई करी लड़ाई करणे तांइ कठ्ठा करणे जो निकलणा।