1 पतरस 3:18 - चम्बयाली नौआ नियम

¹⁸ मैं ए इधेरे तांइ बोल्लेया करदा है किजोकी मसीह ने असा रे पाप्पां रे बदले जुल्म सैह्‍ण कित्तेया ते मारे गे। से इक्क ही वरी मरे ते तिय्यां दुबारा करणे री जरुरत नी है। से अप्पु धार्मिक थिये जिन्हा असा जो परमेश्वर रे नेड़े अणने तांइ असी पाप्पी लोक्कां तांइ अपणी जान देई दित्ती। लोक्कां ने तिन्हेरे सरीर जो मारी छड्डेया पर तिन्हेरी आत्‍मा हल्ले भी जिया करदी है।

1 पतरस 3:18 ပူးပေါင်းရင်းမြစ်များ

मत्ती 27:19

जां से हिसाब-किताब री गद्दी पर बैठ्ठे रा थिया तां तिसेरी लाड़ी ने तिसजो बोल्ली भेज्जेया, तू तिस धार्मिक रे मामले बिच हत्थ मत पादां, किजोकी मैं अज्ज सुपने बिच तिसेरी वजह कने बड़ी तकलीफ झेलि री है।

मत्ती 27:24

जां पिलातुस ने दिख्खेया कि किच्‍छ भी नी बणेया करदा है पर तिसेरे उलट हगांमा बदेया जाया करदा है तां तिनिये पाणी लेई करी भीड़ रे सामणे अपणे हत्थ धोए ते बोल्लेया मैं इस धार्मिक रे खून का बेगुनाह है तुसा ही जाणो।

यूहन्ना 16:10

अते धार्मिकता रे बारे बिच इधेरे तांइ किजोकी मैं पिता का चलेया, अते तुसा मेरे जो फिरी नी दिख्खी सकणा।

प्रेरितां रे कम्म 22:14

फिरी तिसने बोल्लेया, असा रे पूरखां रे परमेश्वर ने तिज्जो इस तांइ चुणे रा है ताकि तू तिन्हेरी मरजी जो जाणे, ते तिस धार्मिक मसीह जो दिख्खे ते तिन्हेरे गल्लां सुणे।

प्रेरितां रे कम्म 3:14

तुसा यीशु जो जे पवित्र ते धार्मिक मणू थिये नक्कारी दित्ता, ते बिनती कित्ती कि इक्क हथयारे जो तुसा वास्ते छड्डी दित्ता जाए।

रोमियों 1:4

ते जां से पवित्रात्मा री ताकत कने मरे रे लोक्कां बिच का फिरी जिन्दे कित्ते गे, तां से परमेश्वर रे पुत्तर ठैहरे।

रोमियों 4:25

मसीह यीशु असा रे पाप्पां तांइ पकड़वाए गे ते मारे गे, ते असा जो धार्मिक ठैहराणे तांइ परमेश्वर ने तिन्हा जो जिन्दा भी कित्ता।

रोमियों 5:2

असा रे विश्वास रे जरिये मसीह ने असा जो अनुग्रह दित्ते रा है, जिस बिच असी अज्ज टिके रे हिन, ते असी बड़ी हिम्मत ते खुसी कने परमेश्वर री महिमा जो बंडणे तांइ उत्सुक हिन।

रोमियों 8:11

पवित्रात्मा तुसा बिच रैहन्दा जिन्हा ने मसीह यीशु जो मुर्देयां बिच का जिन्दा कित्ता। ते जिय्यां परमेश्वर ने मसीह यीशु जो मुर्देयां बिच का जिन्दा कित्ता, तिय्यां ही तुसा जो भी तिस्सी पवित्रात्मा रे जरिये मुर्देया बिच का जिन्दा करणा जे तुसा बिच रैहन्दा।

रोमियों 8:3

असा रे पापी स्वभाव री वजह कने मूसा रा कानून कमजोर होई करी जे नी करी सकेया, से परमेश्वर ने कित्ता। तिन्हा ने अपणे इकलौत्ते पुत्तर जो असा पाप्पी लोक्कां का इक्क इन्सान रे रुप बिच भेज्जेया। ते परमेश्वर ने अपणे पुत्तर जो असा रे पाप्पां तांइ कुर्बानी रे रुप बिच देई करी, असा रे पाप्पां री सजा तिन्हेरे सरीर पर पाई दित्ती ते असा पर पाप री ताकत जो मुकाई दित्ता।

2 कुरुन्थियों 1:24

ए गल्ल नी है कि असी तुसा रे विश्वास पर काबू पाणा चाह्‍ंदे बल्कि तुसा री खुसी बिच तुसा रे कने कम्म करणे वाले हिन किजोकी तुसा विश्वास मजबूत हिन।

2 कुरुन्थियों 13:4

मसीह यीशु सरीर री कमजोरी बिच सुली पर चढाई करी मारे गे, ते अवे परमेश्वर री ताकत रे जरिये जिया करदे हिन, तिस्सी तरिक्के कने असी भी मसीह यीशु सांई सरीर रे तौर पर कमजोर हिन, पर असी परमेश्वर री ताकत कने तुसा रे मामलेयां जो निपटाणे तांइ, मसीह यीशु कने जीणा।

2 कुरुन्थियों 5:21

मसीह जे पाप का अनजाण थिये, तिन्हा ही जो परमेश्वर ने असा तांइ पाप्पी ठैहराया ताकि परमेश्वर असा जो मसीह रे कित्ते रे कम्मां रे जरिये धार्मिक ठैहराण।

गलातियों 1:4

असा रे परमेश्वर ते पिता री मर्जी रे हिसाब कने मसीह यीशु ने असा रे पाप्पां तांइ अप्पु जो कुर्बान होणे तांइ देई दित्तेया, ताकि असा जो अज्ज रे इस बुरे दुनिया रे असर का बची रैह्ण।

गलातियों 3:13

मसीह यीशु ने असा जो मूसा रे कानून रे श्राप का छुटकारा दैणे तांइ तिस श्राप जो अपणे उप्पर लेई करी सुली पर अपणी जान देई दित्ती, किजोकी पवित्रशास्त्र बिच लिख्खे रा है, “शापित है से मणू जे सुली पर मरदा।”

इफिसियों 3:12

मसीह यीशु रे जरिये ते असा रे तिन्हा पर विश्वास करणे री वजह कने अवे असी बड़ी हिम्मत कने परमेश्वर रे नेड़े आई सकदे।

तीतुस 2:14

जिन्हा ने असा जो पाप री ताकत का छुटकारा दैणे तांइ अप्पु जो कुर्बान करी दित्ता ते असा जो धार्मिक ठैहराया ताकि असी तिन्हेरे अपणे खास मणू बणी जाण जिन्हा बिच ठीक कम्म करणे री बड़ी वरी इच्छा है।

इब्रानियों 10:10

किजोकी परमेश्वर री मर्जी रे हिसाब कने असा जो मसीह यीशु री इक्क ही कुर्बानी रे जरिये पवित्र बणाया जाणा थिया।

इब्रानियों 9:14

पर मसीह रा बेकसूर खून असा रे विवेक जो असा रे पाप्पां, जे असा री मौत री वजह बणदे, तिन्हा का साफ करदे, ताकि असी जिन्दे परमेश्वर री अराधना करी सकण। किजोकी पवित्रात्मा री ताकत रे जरिये मसीह ने अप्पु जो इक्क सिद्व कुर्बानी रे तौर पर परमेश्वर जो अर्पित करी दित्तेया।

इब्रानियों 9:26

जे अगर तिन्हा जो अप्पु जो हर साल कुर्बानी होणे तांइ दैणा पैंदा, तां तिन्हा जो दुनिया रे बणाए जाणे रे समय ला लेई करी अब्बे तिकर, घड़ी-घड़ी कुर्बानी दैणे पैंदे। पर इसेरे बजाए, तिन्हा ने इक्क ही वरी, हमेसा तांइ सारे लोक्कां तांइ अपणा कुर्बानी देई करी असा सारेयां रे पाप्पां जो मिटाई दित्तेया।

इब्रानियों 9:28

तिय्यां ही मसीह भी मते जणेया रे पाप्पां री माफी तांइ इक्क वरी कुर्बानी होए। तिन्हा ने इक्क वरी फिरी हटी करी आणा, पर असा रे पाप्पां तांइ नी, पर तिन्हा लोक्कां जो बचाए जाणे तांइ जे बड़ी लगन कने तिन्हेरा इंतजार करेया करदे हिन।

याकूब 5:6

जे धार्मिक मणू तुसा रा सामणा नी करी सकदे थिये तुसा तिन्हा जो दोषी साबित करी के मारी रख्खेया।

1 पतरस 3:19

तिसका बाद तिन्हेरी आत्‍मा ने जाई करी तिस जगाह् बिच होर आत्मां जो सुब बसेख सुणाया जिन्हा जो परमेश्वर ने तिस जगाह् बिच कैद करी छड्डे रा है जित्ते सारे मरे रे लोक्कां री आत्मां रेह्न्दी।

1 पतरस 4:1

इधेरे तांइ जिय्यां मसीह ने भी जुल्म सहन कित्ते जां तिकर से अपणे सरीर बिच रे, तिय्यां ही तुसा भी तिस्सी व्यवहार कने जुल्म सैह्ण करणे तांइ तैयार रेयो जदेया मसीह रा थिया। किजोकी जे अगर तुसा मसीह तांइ जुल्म सैह्‍ण करणे रा फैसला करी लित्ते रा है, तां इधेरा मतलब है कि तुसा पाप ना करणे रा फैसला कित्ते रा है।

1 पतरस 4:6

इसी वजह कने मरे रे लोक्कां ने भी मसीह रा सुब बसेख सूणेया। हर इक्क सांई तिन्हेरी शरीरी मौत होई, पर अवे से आत्‍मा बिच परमेश्वर कने हमेसा-हमेसा तांइ जिया करदे हिन।

1 यूहन्ना 1:9

जे असी अपणे पाप्पां जो परमेश्वर रे सामणे मन्नी लिंदे तां से असा रे पाप्पां जो माफ करणे विश्वास रे लायक ते नेक है, अते से असा जो हर तरिक्के रे अधार्मिक रे कम्मां का सुच्चा भी करदे।