1 पतरस 3:13 - चम्बयाली नौआ नियम

¹³ जे अगर तुसा हमेसा भलाई रे कम्म करणे री कोसीस करदे रैह्‍न्दे, तां कोई भी तुसा जो नुक्सान नी पूजाई सकदा।

1 पतरस 3:13 ပူးပေါင်းရင်းမြစ်များ

रोमियों 13:3

किजोकी जे अगर कोई मणू खरा कम्म करेया करदा हो, तां तिज्जो अपणे अधिकारी का डरणे री जरुरत नी है। पर जे अगर कोई मणू गलत कम्म करेया करदा हो तां तिसजो अपणे अधिकारी का डरणे री जरुरत है। इधेरे तांइ ठीक कम्म कर तां तुसा रे अधिकारियां ने तुसा री तारिफ करणी।

रोमियों 8:28

असी जाणदे कि परमेश्वर हर गल्ल बिच तिन्हा लोक्कां कने भलाई करदे जे तिन्हा कने प्यार करदे। परमेश्वर ने तिन्हा लोक्कां जो अपणे मकसद तांइ चुणे रे हिन।

1 कुरुन्थियों 14:1

पूरे दिल कने इक्क-दूए कने प्यार बणाए रखणे री हर मुमकिन कोसीस करेया करो ते आत्मिक वरदान्नां री धुन बिच रेयो, खासतौर पर की भविष्यवाणी करेया करो।

इफिसियों 5:1

इधेरे तांइ तुसा रा स्वभाव भी परमेश्वर रे स्वभाव जदेया हो किजोकी तुसा परमेश्वर री औलाद्दां हिन।

1 थिस्सलुनीकियों 5:15

चुकन्ने रेयो कि कोई कुसकी कने बुराई रे बदले अन्दर बुराई ना करो पर हमेसा ठीक कम्म करणे तांइ हमेसा तैयार रेयो, अप्पु-मित्ते ते सबणी कने भी भलाई री ही कोसीस करो।

1 तीमुथियुस 5:10

से विधवा जनानी अपणे भलाई रे कम्मां तांइ जाणी जांदी हो जिय्यां कि बच्चेयां रा पालण-पोषण करणा, मेहमान-नवाजी करणा, प्रभु रे लोक्कां री सेवा करणा, मुसीबत बिच पेय रे लोक्कां री मदद करणा ते हर तरिक्के रे भलाई रे कम्मां बिच मन लाणा।

तीतुस 2:14

जिन्हा ने असा जो पाप री ताकत का छुटकारा दैणे तांइ अप्पु जो कुर्बान करी दित्ता ते असा जो धार्मिक ठैहराया ताकि असी तिन्हेरे अपणे खास मणू बणी जाण जिन्हा बिच ठीक कम्म करणे री बड़ी वरी इच्छा है।

3 यूहन्ना 1:11

ओ मेरे प्यारे दोस्त, बुरे कम्म करणे वाले लोक्कां सांई नी पर भलाई रे कम्म करणे वाले लोक्कां सांई बणो। जां कोई भलाई रे कम्म करदा तां तिस कने पता चलदा कि से परमेश्वर रा बच्चा है। पर जां कोई बुरे कम्म करदा तां तिस कने पता चलदा कि से परमेश्वर जो नी जाणदा।