1 पतरस 3:11 - चम्बयाली नौआ नियम

¹¹ तिसजो बुराई रे कम्म करणा छड्डी दैणा चाएदा। इसेरे बजाए, तिसजो से ही करणा चाएदा जे खरा है। सारेयां कने सांती कने रैह्णे री कोसीस करो।

1 पतरस 3:11 ပူးပေါင်းရင်းမြစ်များ

मत्ती 5:45

ताकि तुसा अपणे पिता परमेश्वर रे बच्चे बणी सको जे स्वर्ग बिच हिन, किजोकी से ठीक लोक्कां पर ते बुरे लोक्कां पर अपणा सूरज चमकान्दा, अते धार्मिक अते अधर्मी दोन्नां लोक्कां पर बरखा बरसांदे।

मत्ती 5:9

धन्न हिन से, जे मेल करांदे हिन, किजोकी तिन्हा जो परमेश्वर रे बच्चे बोल्लेया जाणा।

मत्ती 6:13

अते असा जो परखदे मत, पर शैतान का बचाई रख्खेयो, (किजोकी राज, पराक्रम ते महिमा हमेसा तुसा रा ही है, आमीन)!

मरकुस 14:7

गरीब तुसा कने हमेसा रैह्‍न्दे, अते तुसा जे चाह्‍ण, तिन्हा तांइ खरा करी सकदे पर मैं तुसा कने हमेसा नी रैह्णा।

लूका 1:79

जे मणू परमेश्वर जो नी जाणदे से इदेय हिन कि जिय्यां से मौत रे साये बिच बैठ्ठे रे हिन, ते हमेसा री मौत री खतरे बिच हिन जे कि नरक है, इधेरे तांइ परमेश्वर री रौसनी तिन्हा लोक्कां जो परमेश्वर रे सांती रे रस्ते पर लेई चलणा।

लूका 6:35

पर तुसा अपणे दुश्मणा कने भी प्यार करो, अते भलाई करो, ते जे कुसकी जो उधार दित्ते रा हो, तां फिरी दुबारा वापस लैणे री भाल मत करो, इय्यां करगे तां परमेश्वर रे पास्से का तुसा जो स्वर्ग बिच इक्क बड्डा ईनाम मिलणा, ते तुसा परमप्रधान परमेश्वर री सन्तान होई जाणा, किजोकी परमेश्वर तां इतणे दयालू हिन कि से तिन्हा मणूआं पर भी अपणी कृपा दृष्टि बणाई रखदे जे परमेश्वर रा शुकर नी करदे अते बुरे हिन।

लूका 6:9

यीशु ने तिन्हा सबणी जो, जे तित्ते बैठ्ठे रे थिये, बोल्लेया, मैं तुसा का पूच्छदा कि विश्राम दिन रे रोज्जे कुसकी रा भला करणा खरा ए, कि बुरा करणा, कुसकी री जान बचाणा खरा है, कि मरणे दैणा खरा ए?

यूहन्ना 17:15

मैं ए प्रार्थना नी है करदा कि तुसा इन्हा जो दुनिया का चुक्की लेयो बल्कि ए कि तुसा उन्हेरी शैतान का रक्षा करो।

रोमियों 12:18

जित्ते तांइ होई सको, तुसा सारे लोक्कां कने मेल-मिलाप रख्खो

रोमियों 14:17

किजोकी परमेश्वर रे राज बिच खाणा-पीणा नी है, पर धार्मिकता, मेल जोल ते से सांती है, जे पवित्रात्मा कने हुन्दा।

रोमियों 14:19

इधेरे तांइ असा जो तिन्हा गल्लां जो करणे बिच लग्गी रैह्णा चाएदा, जिन्हा कने मणू मिली जुली करी रे, ते सारेयां रा विश्वास मजबूत हो।

रोमियों 5:1

इधेरे तांइ परमेश्वर ने असा जो मसीह बिच विश्वास करणे रे जरिये धार्मिक ठैहराया। ते प्रभु यीशु मसीह रे जरिये असा रा परमेश्वर कने मेल-मिलाप होया।

रोमियों 7:19

किजोकी मैं जे ठीक कम्म जो करणा चाह्‍ंदा, से ता मैं करदा नी, पर जे बुरे कम्म मैं नी करणा चाह्‍ंदा, से ही करदा।

रोमियों 7:21

मैं जिन्दगी रे इस सिद्वांत जो समजे रा है कि जां मैं ठीक कम्म करणा चाह्‍ंदा, तां मेरे का बुरे ही कम्म हुंदे।

गलातियों 5:22

पर पवित्रात्मा का पैदा होणे वाला स्वभाव बिच प्यार, आनंद, सांती, सबर, दया, नेकी, ते विश्वास है।

गलातियों 6:10

इधेरे तांइ जित्ते तक भी मौक्का मिल्लो असा जो सारे लोक्कां कने भलाई करणा चाएदी, खास कर संगी विश्वासियां कने।

कुलुस्सियों 3:15

अप्पु जो तिस सांती रे वस बिच करी देयो जे मसीह का मिलदी, किजोकी तुसा सारे ही इक्क ही सरीर रे हिस्सा हिन ते तुसा सारे इक्क-दूए कने सांती कने रैह्णे तांइ सद्दे गेरे हिन।

1 तीमुथियुस 6:18

तिन्हा जो बड़े जादा ठीक काम्म, ते दयालू ते इक्क-दूए री जरुरत रे हिसाब कने बडंणा सिखाओ।

इब्रानियों 12:14

सारेयां कने मेल जोल रख्खो, ते पवित्र जिन्दगी बिताणे री कोसीस करो, किजोकी तिसेरे बगैर कुसकी ने कदी भी परमेश्वर जो नी दिखणा।

इब्रानियों 13:16

भलाई रे कम्म करेयो, ते जे तुसा का है, तिसजो जरुरतमंद लोक्कां कने बंडेया करो। किजोकी परमेश्वर इदेय कुर्बानी कने खुस रैहन्दे।

याकूब 4:17

इधेरे तांइ जे कोई भलाई करणा जाणदा ते नी करदा, तिसेरे तांइ ए पाप है।

1 पतरस 3:12

किजोकी परमेश्वर हमेसा तिन्हा लोक्कां रा ध्यान रखदे जे भलाई रे कम्म करदे, ते से हमेसा तिन्हा लोक्कां री प्रार्थनां सुनणे तांइ तैयार रैह्‍न्दे, पर परमेश्वर तिन्हा लोक्कां रे खिलाफ हिन जे बुराई रे कम्म करदे।”

3 यूहन्ना 1:11

ओ मेरे प्यारे दोस्त, बुरे कम्म करणे वाले लोक्कां सांई नी पर भलाई रे कम्म करणे वाले लोक्कां सांई बणो। जां कोई भलाई रे कम्म करदा तां तिस कने पता चलदा कि से परमेश्वर रा बच्चा है। पर जां कोई बुरे कम्म करदा तां तिस कने पता चलदा कि से परमेश्वर जो नी जाणदा।