1 पतरस 3:1 - चम्बयाली नौआ नियम

^1-2 ओ लाड़ियों, तुसा भी अपणे लाड़ेयां रे अधीन रेयो, किजोकी जे अगर तिन्हा बिच का कोई भी सुब बसेख जो मनणे का इन्कार करी दे, तां तिन्हा ने तुसा रे सुच्चे ते भक्ति कने भरपूर रैह्ण-सैह्‍ण जो दिख्खी करी तुसा रे बोल्ले बगैर ही मसीह बिच विश्वास करी लैणा।

1 पतरस 3:1 ပူးပေါင်းရင်းမြစ်များ

मत्ती 18:15

जे तेरा संगी विश्वासी तेरे कने बुरा करण तां, जा ते कल्ले बिच तिस कने गल्ल-बात करी के समझा, जे से तेरी सूणदा तां समजी लै कि तू तिसजो पाई लेया।

रोमियों 10:16

पर बड़े घट जणेया ने सुब बसेख पर विश्वास कित्ता। जिय्यां कि यशायाह भविष्यद्वक्ता ने पवित्रशास्त्र बिच बोल्ले रा है, “ओ प्रभु, बड़े घट लोक्कां ने असा रे बसेख पर विश्वास कित्ता।”

रोमियों 6:17

पर परमेश्वर रा शुकर हो, कि तुसा जे पाप रे गुलाम थिये, अवे मन कने तिन्हा शिक्षां जो मनणे वाले बणी गेरे हिन, जे मैं तुसा जो मसीह रे बारे बिच सिखाई थी।

रोमियों 7:2

उदारण रे तौर पर, इक्क जनानी जो अपणे लाड़े कने मरदे दम तिकर रैह्णा चाएदा। पर जां तिसेरा लाड़ा मरी जांदा, तां से कानून तिस जनानी पर लागू नी हुंदा।

1 कुरुन्थियों 11:3

पर मैं चाह्‍ंदा की तुसा ए जाणी लेयो की हर इक्क आदमी रा सिर मसीह यीशु ते जनानी रा सिर आदमी है कने मसीह यीशु रा सिर परमेश्वर।

1 कुरुन्थियों 14:34

किच्‍छ मणू मनदे कि जनानियां कलीसिया री सगंती बिच चुप रैह्ण, किजोकी तिन्हा जो गल्लां करणे री अनुमती नी है, तिन्हा जो अधीन रैह्णे रा हुकम मिल्ले रा है, जिय्यां कि पवित्रशास्त्र बिच लिख्खे रा भी है,

1 कुरुन्थियों 7:16

पर तुसा विश्वासी जनानियां जो इस गल्ल रा चेत्ता रखणा चाएदा कि होई सकदा कि तुसा रा अपणे लाड़ेयां कन्ने रैह्णे री वजह कने से शायद बदली जाए, ते तिय्यां ही विश्वासी मर्दां जो चेत्ता रखणा चाएदा कि होई सकदा कि तुसा रा अपणी अविश्वासी लाड़ियां कन्ने रैह्णे री वजह से बाद बिच बदली जाण।

इफिसियों 5:33

ए ही गल्ल तुसा बिच का हर इक्क पर लागू हुंदी कि तुसा सारे अपणी लाड़ियां कने अपणे बराबर प्यार रख्खे, ते लाड़ी भी अपणे लाड़े री इज्जत करे।

कुलुस्सियों 3:18

ओ लाड़ियों, तुसा अपणे लाड़ेयां रे अधीन रेयो, किजोकी मसीह यीशु रे विश्वासियां तांइ ए ही करणा सही है।

कुलुस्सियों 4:5

हर मौक्के जो कीमती मन्नी करी गैर यहूदियां कने समजदारी कने बर्ताव करो।

2 थिस्सलुनीकियों 1:8

अते जे मणू परमेश्वर जो नक्कारदे ते जे असा रे प्रभु यीशु रे सुब बसेख जो नी मनदे तिन्हा जो सजा दित्ती जाणी

इब्रानियों 11:8

जां परमेश्वर ने अब्राहम जो कुसकी जगाह् पर जाणे तांइ सद्देया, तां तिनिये विश्वास करी के परमेश्वर रे हुकम जो मन्नी करी, इक्क इदेय जगाह् पास्से निकली गेया, जिस जगाह् जो परमेश्वर ने तिसजो तिसेरी अपणी जायदाद रे तौर पर देई दैणी थी। पर से ए नी जाणदा थिया, कि से कुते जाया करदा है, पर से ता भी निकली गेया।

इब्रानियों 5:9

ते इस तरिक्के कने परमेश्वर ने तिन्हा जो सिद्ध बड्डा पुरोत्त बणाई दित्ता, तिन्हेरे मनणे वाले सारे मणूआं तांइ हमेसा री जिन्दगी री वजह बणी गे।

1 पतरस 1:22

सच्चाई जो मन्नी करी चलणे री वजह कने अवे तुसा सुच्चे कित्ते गे, अवे तुसा जो तन-मन लाई करी संगी विश्वासियां कने आपसी प्यार रखणा चाएदा। बड़ी चाह्‍त ते पूरे दिल कने इक्क-दूए कने प्यार रख्खो।

1 पतरस 3:7

तिय्यां ही ओ लाड़ेयों, अपणी लाड़ियां कने बड़ी नरमीयत कने रेयो, तुसा जो ए गल्ल याद रखणी चाएदी कि से तुसा का कमजोर हिन, इधेरे तांइ तुसा जो तिन्हेरी इज्जत करणा चाएदी, किजोकी तुसा दोन्नों तिस वरदान बिच हिस्सेदार हिन जे परमेश्वर ने तुसा जो बड़े अनुग्रह कने दित्ते रा है, जे कि हमेसा री जिन्दगी है। इय्यां ही करेया करो किजोकी जां तुसा प्रार्थना करेया करो तां से तुसा जो सुणे।

1 पतरस 4:17

से समय आई गे रा है कि परमेश्वर लोक्कां का हिसाब लैणा सुरु करी दैण। किजोकी तिन्हा ने असी विश्वासी लोक्कां का ही हिसाब-किताब लैणा सुरु करणा, ता फिरी तिन्हा ड्रौणी चीजां रे बारे बिच सोच्चो जे सुब बसेख री ना-फरमानी करणे वालेयां कने होणी।