1 पतरस 2:8 - चम्बयाली नौआ नियम

⁸ ते पवित्रशास्त्र बिच ए गल्ल भी लिख्खे री गे री है, “इस बट्टे ने लोक्कां रे जमीन पर छुड़कणे री वजह बणना। ए से बट्टा है जिसेरी वजह कने तिन्हा ने थल्ले पैणा।” तिन्हा ने इय्यां इधेरे तांइ पैणा किजोकी तिन्हा ने परमेश्वर रे बसेख जो मनणे का इन्कार कित्तेया। परमेश्वर ने फैसला कित्तेया कि तिन्हा लोक्कां कने इय्यां हो।

1 पतरस 2:8 ပူးပေါင်းရင်းမြစ်များ

लूका 2:34

फिरी शमौन ने तिन्हा जो आशीष देई करी यीशु री मां, मरियम जो बोल्लेया, इस निक्के री वजह कने इस्राएल रे मते मणू बचाए जाणे ते मते मणू नास होणे, ते बड़े लोक्कां ने इसेरे खिलाफ होणा।

रोमियों 9:22

परमेश्वर अपणी ताकत ते गुस्सा तिन्हा लोक्कां पर ज़ाहिर करणा चाह्‍ंदे थिये जे मुकाई दित्ते जाणे रे जोग्गे थिये, पर इसेरे बजाए परमेश्वर तिन्हा लोक्कां कने सबर कने रे।

1 कुरुन्थियों 1:23

पर असा तां तिस सुली पर चढ़ाये मसीह यीशु रा प्रचार करदे जिन्हा ने असा जो पाप्पां का छुड़ाणे तांइ सुली पर जान दित्ती थी, किजोकी यहूदी लोक्कां ने ए सोच्चेया थिया कि मसीह ने हमेसा जीणा इधेरे तांइ से इस गल्ल पर विश्वास नी करी सके कि यीशु ही मसीह थिये।

2 कुरुन्थियों 2:16

पर तिन्हा लोक्कां तांइ जे बर्बादी पास्से बदेया करदे हिन, ए मौत री इदेइ गंदी मुस्क है, जे मौत रे पास्से लेई जांदी। पर तिन्हा लोक्कां तांइ जे छुटकारा रे रस्ते बिच बदेया करदे हिन, ए जिन्दगी री इदेयी महक है, जे हमेसा री जिन्दगी रे पास्से लेई चलदी। इन्हा गल्लां जो कोई अपणी काबलियत कने नी करी सकदा।

गलातियों 5:11

पर ओ संगी विश्वासियों, जे अगर मैं मसीह का छुटकारा मिलणे रे बसेख कने-कने खतना कराणे रा प्रचार करदा रैहन्दा ता ना ही कोई मेरे बुरा मनदा ते ना ही मेरे पर कोई जुल्म करदा।

1 थिस्सलुनीकियों 5:9

किजोकी परमेश्वर ने असा जो अपणे गुस्से बिच सजा दैणे तांइ नी चुणे रा है पर मसीह यीशु रे जरिए छुटकारा पाणे तांइ चुणे रा है।

1 पतरस 2:6

जिय्यां कि पवित्रशास्त्र बिच परमेश्वर ने बोल्ले रा है, “दिख्खो! मैं सिय्योन बिच कुसकी जो कुणे रे बट्टे सांई रख्खेया करदा है। से इक्क कीमती बट्टे रे बराबर है जिस जो नीं पाणे तांइ चुणेया गे रा है। जे कोई तिन्हा बिच विश्वास करदा तिसजो कदी शर्मिंदा नी होणा पैणा।”

1 पतरस 2:7

ए बट्टा मसीह यीशु हिन ते से तुसा तांइ तां कीमती बणी जांदे जां तुसा तिन्हा बिच विश्वास करदे। पर तिन्हा बिच विश्वास ना करणे वाले लोक्कां तांइ पवित्रशास्त्र बिच ए लिख्खे रा गे रा है, “जिस बट्टे जो मिस्त्रि ठुकराई दित्तेया थिया, से ही बट्टा इमारत री नीं रा सबका जादा जरुरी बट्टा बणी गे रा है।”

2 पतरस 2:3

ए झूठ्ठे शिक्षक लालची होणे, ते तिन्हा ने तुसा का रुपया लैणे तांइ तुसा जो मनघड़ंत गल्लां सुनाणी। परमेश्वर ने बड़े पैल्ले ही इस गल्ल रा फैसला करी लित्तेया थिया तिन्हा ने इन्हा लोक्कां जो सजा दैणी ते से इय्यां करणे तांइ तैयार भी हिन। तिन्हा ने इन्हा लोक्कां जो यकिनन बर्बाद करी दैणा।

यहूदा 1:4

मेरा तुसा जो ए चीठ्ठी लिखणे रा मकसद ए है कि किच्‍छ इदेय मणू तुसा लोक्कां बिच मझाटे मिली गेरे हिन जे मसीह यीशु बिच विश्वास करणे रा ढोंग करदे। से परमेश्वर रा आदरमान नी करदे ते से मणू ए सिखांदे कि परमेश्वर असा रे पाप्पां जो माफ करी दिंदे इधेरे तांइ असी अनैतिक जिन्दगी जी सकदे। से मसीह यीशु जो नक्कारदे जे असा रे मालिक ते प्रभु हिन।