1 पतरस 2:6 - चम्बयाली नौआ नियम

⁶ जिय्यां कि पवित्रशास्त्र बिच परमेश्वर ने बोल्ले रा है, “दिख्खो! मैं सिय्योन बिच कुसकी जो कुणे रे बट्टे सांई रख्खेया करदा है। से इक्क कीमती बट्टे रे बराबर है जिस जो नीं पाणे तांइ चुणेया गे रा है। जे कोई तिन्हा बिच विश्वास करदा तिसजो कदी शर्मिंदा नी होणा पैणा।”

1 पतरस 2:6 ပူးပေါင်းရင်းမြစ်များ

मत्ती 12:18

“दिख्खो, ए मेरा सेवक है; जिस जो मैं चुणे रा है ए मेरा प्यारा है, मैं इसका खुस है मैं तिसेरे उप्पर अपणी आत्‍मा रखणी अते तिसने गैर यहूदियां रे लोक्कां जो हिसाब-किताब रा सुब बसेख दैणा।

मरकुस 12:10

कै तुसा ने पवित्रशास्त्र अन्दर ए वचन नी पढ़ेया? ‘जिस पत्थर जो मिस्त्रियां ने तुच्छ समजेया थिया, सेह्ई कुणे रा खास पत्थर बणी गेया।

लूका 20:17

फिरी यीशु ने तिन्हा पास्से दिख्खी करी बोल्लेया, पवित्रशास्त्र बिच कै लिख्खे रा है? जिस बट्टे जो मिस्त्रियां ने नक्कारी दित्तेया थिया, से ही बट्टा कुणे बिच लाणे वाला खास बट्टा बणी गेया।

लूका 23:35

मणू खड़ी करी दिख्खेया करदे थिये, ते लोक्कां रे हाकिम भी मजाक उड़ाई करी बोल्लेया करदे थिये इन्ने दूए लोक्कां जो बचाया, जे अगर से परमेश्वर रा मसीह यीशु है ते तिन्हा रा चुणे रा है, तां अप्पु जो बचाई लै।

यूहन्ना 7:38

जे मेरे पर विश्वास करगा, जिय्यां पवित्रशास्त्र बिच लिख्खे रा है, उसेरे दिल बिच का जिन्दगी रे पाणी री नदियां फूटी निकलणी जे हमेसा री जिन्दगी दिंदी।

प्रेरितां रे कम्म 1:16

ओ विश्वासियों, जरुरी थिया कि पवित्रशास्त्र रा ओ लेख पूरा हो जे पवित्रात्मा ने दाऊद रे जरिए का यहूदा रे बारे बिच पैल्ले का बोल्ले रा थिया, जिनिये यीशु रे पकड़ने वालेयां री मदद कित्ती थी,

रोमियों 10:11

यशायाह ने पवित्रशास्त्र बिच मसीह रे बारे बिच लिख्खे रा है, “जे कोई उस बिच विश्वास करदा तिसजो शर्मसार नी होणा पैणा।”

इफिसियों 1:4

दुनिया रे बणाए जाणे का पैल्ले ही परमेश्वर ने मसीह कने असा रा रिस्ता बणाणे रे जरिये चुणेया ताकि असी परमेश्वर रे सामणे पवित्र ते बेकसूर ठैहरे।

इफिसियों 2:20

कन्ने मिली करी असी परमेश्वर रा घर हिन जे प्रेरितां ते भविष्यद्वक्तां री नीं पर बणे रा है ते तिस नीं रा पत्थर अप्पु मसीह यीशु हिन।

2 तीमुथियुस 3:16

पवित्रशास्त्र बिच लिख्खे री हर इक्क गल्ल परमेश्वर रे पास्से का है, से लोक्कां जो सिखाणे, तिन्हा जो सही ते गलत रे बारे बिच दसणे, तिन्हेरी गलतियां सुधारणे ते तिन्हा जो सही कम्म करणे री शिक्षां दैणे बिच असा रे मददगार हिन।

1 पतरस 2:4

तुसा मसीह यीशु का आए रे हिन। से तिस जरुरी बट्टे सांई हिन जिस जो इमारत री नीं बिच लाया जांदा, पर से जिंदे बट्टे हिन। मते लोक्कां ने तिन्हा जो नक्कारेया पर परमेश्वर ने तिन्हा जो चुणेया से तिन्हा जो बड़ा कीमती भी मनदे। ते जिय्यां मणू बट्टेयां कने घर जो बणांदे, तिय्यां ही परमेश्वर भी तुसा जो इक्क इदेइ मण्डली रा हिस्सा बणाया करदे हिन जित्ते पवित्रात्मा वास करदा। तिन्हा कम्मां री वजह कने जे मसीह ने असा तांइ कित्ते, तुसा परमेश्वर जो कुर्बानी चढ़ाणे वाले पुरोत्तां सांई तिन्हा जो खुस करणे वाले कम्म करो।

1 पतरस 2:8

ते पवित्रशास्त्र बिच ए गल्ल भी लिख्खे री गे री है, “इस बट्टे ने लोक्कां रे जमीन पर छुड़कणे री वजह बणना। ए से बट्टा है जिसेरी वजह कने तिन्हा ने थल्ले पैणा।” तिन्हा ने इय्यां इधेरे तांइ पैणा किजोकी तिन्हा ने परमेश्वर रे बसेख जो मनणे का इन्कार कित्तेया। परमेश्वर ने फैसला कित्तेया कि तिन्हा लोक्कां कने इय्यां हो।

2 पतरस 1:20

पर तुसा जो ए गल्ल समजणे री जरुरत है कि जे गल्लां भविष्यद्वक्तां ने बोल्ले री हिन, से तिन्हेरे अपणे मन रे ख्याल नी हिन।

2 पतरस 3:16

अपणी हर चीठ्ठी बिच तिनिये तिस्सी तरिक्के री गल्लां दस्से री हिन असा ने तुसा जो चीठ्ठी बिच लिख्खी करी भेज्जी री हिन। पर किच्‍छ चीजां जे तिनिये अपणी चीठ्ठी बिच लिख्खी करी भेज्जी री हिन, तिन्हा जो समझणा मुस्किल है। जिन्हा ने ए गल्लां ठीक तरिक्के कने नी सिख्खे रे हिन, ते जिन्हा लोक्कां रा विश्वास डामाडोल है, से इन्हा गल्लां रा मतलब गलत तरिक्के कने सिखांदे, जिय्यां कि से पवित्रशास्त्र री बाकि री गल्लां रा मतलब गलत तरिक्के कने समझांदे। इय्यां करणे कने से परमेश्वर जो तिन्हा जो मुकाणे तांइ उकसांदे।