1 पतरस 2:4 - चम्बयाली नौआ नियम

^4-5 तुसा मसीह यीशु का आए रे हिन। से तिस जरुरी बट्टे सांई हिन जिस जो इमारत री नीं बिच लाया जांदा, पर से जिंदे बट्टे हिन। मते लोक्कां ने तिन्हा जो नक्कारेया पर परमेश्वर ने तिन्हा जो चुणेया से तिन्हा जो बड़ा कीमती भी मनदे। ते जिय्यां मणू बट्टेयां कने घर जो बणांदे, तिय्यां ही परमेश्वर भी तुसा जो इक्क इदेइ मण्डली रा हिस्सा बणाया करदे हिन जित्ते पवित्रात्मा वास करदा। तिन्हा कम्मां री वजह कने जे मसीह ने असा तांइ कित्ते, तुसा परमेश्वर जो कुर्बानी चढ़ाणे वाले पुरोत्तां सांई तिन्हा जो खुस करणे वाले कम्म करो।

1 पतरस 2:4 ပူးပေါင်းရင်းမြစ်များ

मत्ती 11:28

ओ सब मैह्नत करणे वालेयों अते बोझ कने दबितेरे मणूओं, मेरे का आओ मैं तुसा जो अराम दिन्गा।

मत्ती 12:18

“दिख्खो, ए मेरा सेवक है; जिस जो मैं चुणे रा है ए मेरा प्यारा है, मैं इसका खुस है मैं तिसेरे उप्पर अपणी आत्‍मा रखणी अते तिसने गैर यहूदियां रे लोक्कां जो हिसाब-किताब रा सुब बसेख दैणा।

मत्ती 21:42

यीशु ने तिन्हा जो बोल्लेया, कै तुसा कदी पवित्रशास्त्र बिच ए नी पढ़ेया: जिस बट्टे जो राजमिस्त्रियां ने ठुकराई दित्तेया थिया, से ही कुणे रे सिरे रा बट्टा होई गेया? ए परमेश्वर रे पास्से का होया ते असा री नजर बिच अनौखा है।

यूहन्ना 14:19

अवे थोड़ी ही देर बाद दुनिया रे लोक्कां ने मेरे जो नी दिख्खणा, पर तुसा ने मेरे जो दिख्खणा, किजोकी मैं जिंदा है, इधेरे तांइ तुसा भी जिंदे रैह्णा।

यूहन्ना 14:6

यीशु ने तिसजो बोल्लेया, रस्ता अते सच्चाई ते जिन्दगी मैं ही है, बगैर मेरे कोई पिता-परमेश्वर का नी पूज्जी सकदा।

यूहन्ना 5:26

किजोकी जिस तरिक्के बाबा अप्पु अन्दर जिन्दगी रखदा तिसी तरिक्के तिसने पुत्तर जो भी ए हक्क दितेरा है कि अप्पु बिच जिन्दगी रखे

यूहन्ना 5:40

फिरी भी तुसा हमेसा री जिन्दगी पाणे तिकर मेरे का आणा नी चाह्‍ंदे।

यूहन्ना 6:37

जिस कुसकी जो मेरा “पिता” मेरे जो दिंदा, से मेरे का आंगा, ते जे कोई मेरे का आदां, तिसजो मैं कदी भी नी नक्कारणा।

यूहन्ना 6:57

जिय्यां जिन्दे पिता ने मेरे जो भेज्जेया ते मैं पिता री वजह कने जिन्दा है, तिय्यां ही से भी जे मेरे जो खाणा, तिनिये भी मेरी वजह कने जिन्दा रैह्णा।

रोमियों 5:10

पर जां हल्ले असी परमेश्वर रे खिलाफ ही थिये, तां ही असी परमेश्वर रे इकलौत्ते पुत्तर री मौत री वजह कने असा रा परमेश्वर कने मेल जोल कराई दित्ता गेया, पर अवे जां मसीह यीशु जिन्दे हिन तां तिन्हा ने असा जो छुटकारा जरुर दैणा।

1 कुरुन्थियों 3:11

किजोकी जे नीं पैल्ले का पेई गयी री है, से मसीह यीशु हिन, ते कोई दुज्जा कोई होर नीं पाई नी सकदा।

कुलुस्सियों 3:4

नौई जिन्दगी दैणे वाले मसीह यीशु ने जां वापिस हटणा जिन्हा ने नौई जिन्दगी दित्ते री है, तां तुसा भी तिन्हा कने होणा ते तिन्हेरी महिमा बिच हिस्सा लैणा।

1 पतरस 1:7

इन्हा मुसीबतां रा मकसद ए दर्शाणा है कि तुसा परमेश्वर पर विश्वास करदे भी या नी। मसीह बिच तुसा विश्वास सोन्ने का भी जादा कीमती है। जिय्यां कि सोन्ना जे इक्क दिन खत्म होई जाणा, तिसजो भी आग्ग बिच परखेया ते निखारेया जांदा। जे अगर तुसा रा विश्वास इन्नी कड़ी मुसीबतां रे बाद भी बणेया रैहन्दा, तां इसेरी वजह कने तुसा जो तिस दिन बड़ा आदरमान ते महिमा मिलणी जिस दिन मसीह यीशु ने हटी आणा।

1 पतरस 2:7

ए बट्टा मसीह यीशु हिन ते से तुसा तांइ तां कीमती बणी जांदे जां तुसा तिन्हा बिच विश्वास करदे। पर तिन्हा बिच विश्वास ना करणे वाले लोक्कां तांइ पवित्रशास्त्र बिच ए लिख्खे रा गे रा है, “जिस बट्टे जो मिस्त्रि ठुकराई दित्तेया थिया, से ही बट्टा इमारत री नीं रा सबका जादा जरुरी बट्टा बणी गे रा है।”

2 पतरस 1:1

मैं शमौन पतरस, मसीह यीशु रा सेवादार ते प्रेरित है। मैं तुसा सारेया जो ए चीठ्ठी लिख्खेया करदा है जे असा सांई तिस ही विश्वास बिच हिस्सेदार हिन, से विश्वास जे असा जो मसीह यीशु का मिल्ले रा है, असा रे प्रभु ते छुटकारा दैणे वाले, ते जे असा जो परमेश्वर रे सामणे धार्मिक ठैहरांदे।

2 पतरस 1:4

ते तिन्हेरी महिमा ते भलाई री वजह कने तिन्हा ने असा कने बड़ा महान ते कीमती वादा कित्ते रा है। इन्हा वरदान्नां जो इस्तेमाल करी के असी सरीर री बुरी इच्छां का बची सकदे जिसेरी वजह कने दुनिया रे मणू बर्बाद होई जांदे। ते इन्हा रे जरिये मणू परमेश्वर रे स्वभाव बिच हिस्सेदार बनण।